San Lucas 10:11 - Wounaan Meu

¹¹ “Pãrau Ẽwandam iek iseg nʉm khai, ni pãar phobor eem jẽbdampaijã marau maach bʉ gaai arrbam. Mamʉ ya pãrau khaphʉ nʉisim, Ẽwandamau pãach eejã ich jua theeg oopiju atarr oopiba abarm, pãachdeu i iseg nʉm gaaimua.” Magwia ereubaadet ajim anʉm.

Woun Meu

¹¹ “Pãrau Hẽwandam hiek hiseg nʌm k'ai, ni pãar p'öbör heem jẽbdampaijã marau maach bʌ̈ gaai harrbam. Mamʌ ya pãrau k'ap'ʌ nʌisim, Hẽwandamau pãach heejã hich jua t'eeg hoopiju hatarr hoopiba habarm, pãachdëu hi hiseg nʌm gaaimua.” Magwia hërëubaadët hajim hanʌm.

San Lucas 10:11 Iomraidhean Croise

San Mateo 10:14

Maagwai pãach amach aig barpiba ni sĩi pãach iekpaijã ũrmapha abaawai mag di aigmua wa mag phobor eemua khãijã ereubaadet ajim. Mamʉ mag wetaagpamuajã warre amach dakhĩirwe pãach bʉ gaaim jẽb ʉʉrphe ʉʉrphenaa amag, “Pãachdeu jãg ũrba abarm gaaimua Ẽwandam dʉita khĩir khap abat” a iekhawia ereubaadet ajim.

San Mateo 10:7

Mag wenʉrrʉmua amag, “Ẽwandamta thumaam khʉʉn Porkhaimʉʉ sim; pãar peerdʉju khai, irigta ʉdʉraa pãach Porkhapibat” a jaaupetat ajim marag.

San Mateo 3:2

“Pãach khaibag ãsie ewag khĩirjuwia Ẽwandamagta chugpaapi jeeubathʉ̃” aajeejim anʉm. Magnaa ĩchab, “Ya mʉigmua jopcha ich Ẽwandamau maach thumaam khʉʉn Porkhapiju maach ee pʉiju” aajeejim anaabá.

San Marcos 6:11

Degolp khãijã õrau amach deg pãach dubpiba abaawai, wa pãachdeu amachig Ẽwandam iek jaau nʉm khãijã ũrba abaawai, warre amach dakhĩirwe pãach bʉ gayam jẽb ʉʉrphe ʉʉrphenaa pãachta ereubaadet ajim anʉm. Pãrau magmʉn magbarmuapai amag, “Pãach jãg Ẽwandam iek ũrba abarm gaaimua ich dʉita khĩir khaphʉ abat” anʉmʉugui ajim anʉm.

San Lucas 10:10

Mamʉ phoborpierr pãachdeu jaau wenʉrrʉm ũrmapha ni amach degjã pãach oberpiba abaawai, kaaijã ee obernaa, pãach bʉ gayam jẽb ʉʉrphe ʉʉrphenaa, amach khĩircha magbat:

San Lucas 10:9

Maimua ĩchab magʉm phoborpierr pãachdeu aaunaan oomam monaaupetat. Mag monaaupʉiwia amag, “Pãrau ĩs mʉg oobarmʉn Ẽwandamauta pãrag ich jua theeg oopi sim” a jaaubat ajim anʉm ĩchab.

San Lucas 9:5

Mamʉ phobor ee ni ãbmuajã pãach amach deg dubpiba ni pãach iekjã ũrba abaawai warre amach dakhĩirwe pãach bʉ gaaim jẽb ʉʉrphe ʉʉrphenaa pãachta ereubaadet ajim anʉm. Pãrau magmʉn magbarmuapai amag “Pãachdeu jãg Ẽwandam iek ũrba abarm gaaimua ich dʉita khĩir khap abat” anʉmʉugui ajim anʉm.

Hechos 13:26

Maimua mag chi Juan õor por choomieu iekhatarr jaau dichwia deeu ich Pablooupai, —Khodamnaan, jooingar Abrán khachitarr ag chaain ewagam khʉʉn, maimua pãar ar Ẽwandam iek ũrwia jʉ̃g ʉ̃rʉʉ aajem khʉʉn: mʉg maach peerdʉajem iek cha mua jaau chitʉmʉn pãach atheyaugui ajim aajem Pabloou amag.

Hechos 13:40

Maimua, Khĩir khaphʉ abat ajim aajem, Ẽwandam i jaaumienau ẽsap gaai jaau pʉatarr pãach gaai pam ugua. Mag jaauwi, ich Ẽwandam iek phã simcha jaaubaadejim aajem, chi Pabloou. Mag irua jaautarr mʉg ajim aajem:

Hechos 13:46

Magbaawai ĩchab Pabloou Bernabé dʉimua warag thãar phĩiuwia iek khẽgkha amag, —Ũrbat keena ajierram anʉm. Chadcha pãragta nacha marau mʉg Ẽwandam iek jaauju aai naajim, mamʉ pãar jãg ʉ̃gthar obermaphamjo Ẽwandamagjã ʉdʉʉr pãach peerdʉ aupiba i isegamjo naawai marau judionaan khabam khʉʉnagpa jaau wenʉrrʉmgui ajim aajem,

Hechos 13:51

Mag amach jʉrbaadee warre ĩchab amach dakhĩirwe amach bʉ gayam jẽb ʉʉrphe ʉʉrphe apʉijierram anaabá. Mag nʉmua amach odegpain, “Pãar maar dʉi jãg nʉm gaaimua Ẽwandam dʉi khĩir khapnaat” anʉm ajima. Magwia ereubaadeeu deeum durr phobor Iconio anʉm naaimajim aajem.

Romanos 10:21

Mamʉ jũrr judionaan igwia ich Ẽwandamau magjim ĩchab: “Chadcha amach thãar theegau mʉ ipierraajã khaba naab mamʉ, nem ĩs khabam mʉch igamkhĩir am nʉ chirʉm” ajim. (Is. 65:2)

Romanos 10:8

Magua, mʉchdeu jaau chirʉmjo, phithurjã khaba ni warpjã maba, sĩi Cristo maach kõit meetarrta chadcha ʉkhanaa irigta dich peerdʉpiju aai nʉm.

Hebreos 1:3

Ichdeuta ĩchab mag ich Aai dʉimua nem thumaa ompaatarrjã sĩi ich iiu aawai ichdeuta wai dʉnʉm. Ichta ich Aai khĩir thegnaa beetarr aawai i gaaimuata ĩchab Ẽwandam ajaugjã khaphʉ aajem. Ichta maach kõit ʉdʉraa ich thõopiwi, ichdeuta ich bagau maach khaibag thumaa chugpaawi, ʉ̃gthar mawi, Ẽwandam juachaar gar jupimajim, ichta ich mag maach thumaam khʉʉn Porkha sĩerraag.