San Lucas 10:10 - Wounaan Meu

¹⁰ Mamʉ phoborpierr pãachdeu jaau wenʉrrʉm ũrmapha ni amach degjã pãach oberpiba abaawai, kaaijã ee obernaa, pãach bʉ gayam jẽb ʉʉrphe ʉʉrphenaa, amach khĩircha magbat:

Woun Meu

¹⁰ Mamʌ p'öbörpierr pãachdëu jaau wënʌrrʌm hũrmap'a ni hamach degjã pãach höbërpiba habaawai, kaaijã hee höbërnaa, pãach bʌ̈ gayam jẽb hʌʌrp'ë hʌʌrp'ënaa, hamach k'ĩircha magbat:

San Lucas 10:10 Iomraidhean Croise

San Mateo 10:14

Maagwai pãach amach aig barpiba ni sĩi pãach iekpaijã ũrmapha abaawai mag di aigmua wa mag phobor eemua khãijã ereubaadet ajim. Mamʉ mag wetaagpamuajã warre amach dakhĩirwe pãach bʉ gaaim jẽb ʉʉrphe ʉʉrphenaa amag, “Pãachdeu jãg ũrba abarm gaaimua Ẽwandam dʉita khĩir khap abat” a iekhawia ereubaadet ajim.

San Lucas 10:11

“Pãrau Ẽwandam iek iseg nʉm khai, ni pãar phobor eem jẽbdampaijã marau maach bʉ gaai arrbam. Mamʉ ya pãrau khaphʉ nʉisim, Ẽwandamau pãach eejã ich jua theeg oopiju atarr oopiba abarm, pãachdeu i iseg nʉm gaaimua.” Magwia ereubaadet ajim anʉm.

San Lucas 10:9

Maimua ĩchab magʉm phoborpierr pãachdeu aaunaan oomam monaaupetat. Mag monaaupʉiwia amag, “Pãrau ĩs mʉg oobarmʉn Ẽwandamauta pãrag ich jua theeg oopi sim” a jaaubat ajim anʉm ĩchab.

San Lucas 9:5

Mamʉ phobor ee ni ãbmuajã pãach amach deg dubpiba ni pãach iekjã ũrba abaawai warre amach dakhĩirwe pãach bʉ gaaim jẽb ʉʉrphe ʉʉrphenaa pãachta ereubaadet ajim anʉm. Pãrau magmʉn magbarmuapai amag “Pãachdeu jãg Ẽwandam iek ũrba abarm gaaimua ich dʉita khĩir khap abat” anʉmʉugui ajim anʉm.

Hechos 13:51

Mag amach jʉrbaadee warre ĩchab amach dakhĩirwe amach bʉ gayam jẽb ʉʉrphe ʉʉrphe apʉijierram anaabá. Mag nʉmua amach odegpain, “Pãar maar dʉi jãg nʉm gaaimua Ẽwandam dʉi khĩir khapnaat” anʉm ajima. Magwia ereubaadeeu deeum durr phobor Iconio anʉm naaimajim aajem.

Hechos 18:6

Mamʉ amachig magbaawai warag i dʉi sereu phobaadewi Jesús igwi warag iek khaigba iekha phobaadejim aajem. Magbaawai amach i arr aawai, Pabloou am dakhĩir amach khaigba abarm khap amkhĩir ich mor gayam khajũa thudphenaa amag, —Mʉgnaa pãach meem ed Ẽwandamau pãach auba awiajã, pãachdeupaita wir aig pãach khaibag waubarmgui ajim anʉm. Ya mua pãrag jaaubarm pãachdeuta ũrmapha nʉm; jãimua naspawia mʉ gaaimuata okhoo nʉm amiet ajim anʉm. Jãgbarpí ĩsmua atag jũrr judionaan khabam khʉʉnagta maach peerdʉajem iek jawaan majugui ajim aajem ich Pabloou.