San Lucas 1:78 - Wounaan Meu

⁷⁸ Magaag atheeta Ẽwandamau maach thumaam khʉʉn khĩir jãsenkhawia ich Chaai pʉi sim, peerdʉju khaugba aawai pod ʉ̃gthar oberbaju aajerr khʉʉnpa peerdʉ aumkhĩir.

Woun Meu

⁷⁸ Magaag hat'eeta Hẽwandamau maach t'umaam k'ʌʌn k'ĩir jãsenk'awia hich Chaai pʌ̈i sim, peerdʌju k'augba haawai pöd hʌ̃gt'ar höbërbaju haajerr k'ʌʌnpa peerdʌ haumk'ĩir.

San Lucas 1:78 Iomraidhean Croise

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

Efesios 5:14

Pari magaagan am iekhõoin, “Jãg pʉch pekau eepai khãi simjo sim daukhanpabá; chi khechamjo thʉnʉm khʉʉn eemua phiidʉbaad; Cristoouta ich denkha aunaa ich dʉita pʉ wai nʉrraju.”

Filipenses 1:8

Jesucristoou pãar khõsi simjo muajã pãar kha khõsi chitʉm. Mua mag chirʉm aig Ẽwandamau khaphʉ sim mʉ seukhaba chirʉm.

Filipenses 2:1

Chadcha pãar gaaimua mʉ onee chirʉm, Cristoouta pãar khĩir onee api sĩewai. Ʉu iruata pãar khõsinaa pãar khĩir jãsenkhaajem. Pãach thumaam khʉʉnau ãbam Ẽwandam Akhaarpai wai wenʉrrʉm gaaimua khod ãbamjo naawai ʉu pãar chikham daupiinaa dau aug khaug paraajã aajem. Magua mʉ onee chirʉm.

Colosenses 3:12

Ẽwandamau pãar khõsi sĩewai pãarjã ĩchab ich õor khamkhĩir ichdeuta pãar jʉr aujim. Magua, ich jãg ich garmua pãach jʉr autarrjo agdaujo chikham dau aug khaug paraa aajeethʉ̃, agdaujo o ajapha. Dichta chikham khãai ʉ̃rpai aju ẽkhaba dau maata abat, dich dʉi khaigba aawaijã magʉm igba sĩi warag khĩu jʉmpʉpʉi aa khaphʉ.

2 Pedro 1:19

Mag, warrgarwe Ẽwandam i jaaumienau beeju jaaujerr wounta chadcha marau maach daúacha ootarr aawai marau khaphʉ nʉm, chadcha tagam nem amau jaaujerrjã ag ee oberju. Mua khaphʉ chirʉm, pãraujã agjo amau jaaujerr iek khaphʉ nʉm; mag Ẽwandam iek amau jaaujerran ĩs ewag pawiajã khĩchag ee õtdau paa dʉnʉmjota sim. Mag õtdaujo sĩewai, ag bʉʉg oo nʉmjo Ẽwandamau khõsimjota wenʉrraju aai nʉm, Cristo chi edpherr garm phĩdag dʉnʉʉuche nʉm ora. Mag ich dʉnʉʉubaichem edta, edau ãspa thʉnʉisiewai ag bʉʉg nem oo nʉmjo, maach khĩirjugjã aardʉbaadeewai warrgar Ẽwandam i jaaujerr khʉʉnau phã pʉatarrjã thumaa khaphʉ nʉisiju.

1 Juan 3:17

Pari ãb phatkhon paraa simua khãijã Ẽwandam iek ʉkha sim a simta ich khapeenau nemdam ig nʉm khaphʉ simjã oobamjoo sim, jãga mag wounau Ẽwandam thumaam khʉʉn daupii khitʉmta ich thãar ee wai chiraawai iruajã agjo õor daupii chirʉm abarju.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.