San Lucas 1:77 - Wounaan Meu

⁷⁷ maimua amag maach peerdʉajem iek jaaubaawai amach khaibag thumaa ãsie ewag khĩirjuwia Ẽwandamag chugpaapi jeeumkhĩir.

Woun Meu

⁷⁷ maimua hamag maach peerdʌajem hiek jaaubaawai hamach k'aibag t'umaa hãsie hewag k'ĩirjuwia Hẽwandamag chugpaapi jëeumk'ĩir.

San Lucas 1:77 Iomraidhean Croise

San Lucas 3:3

Ẽwandamau ichig mag jaaubaawai chadcha petawia dojã Jordán igaau khĩeb jajawagmamua maagjeejim anʉm: “Pãar pekau pooma naawai pãach khaibag ãsie ewag khĩirjuwia Ẽwandamag chugpaapi jeeubat. Mag jeeubaa Ẽwandamau pãach khaibag chugpaabapäaiwaita mua pãar por choopʉimajugui” aajeejim anʉm.

San Lucas 3:6

Mag thum ajaug paapʉiwia khĩir khaug nʉisiewain chadau Ẽwandamau maach peerdʉju pʉibarm thumaam khʉʉnau khĩircha ooju” a phã sim. (Is. 40:3-5) Ich mag Juanau maach thãarta khʉd wʉʉi nʉmjo waupi jaau nʉrrarran, warrgarwejã irua mag jaau nʉrraju ya chi phãm arr aawaita nassi pawi chadcha mag jaau nʉrrajim aajem.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

Hechos 10:43

Mag, warrgar Ẽwandam i jaaujerr khʉʉnaujã ĩchab Jesús igwia, “Thum i iek ʉkhawia ãba irigpaita amach peerdʉ aumkhĩir jeeu nʉm khʉʉn khaibagan Jesús gaaimua Ẽwandamau chadcha chugpaapʉiju” a jaaumajim aajem Pedroou, warr Ẽwandam i jaaumienau jaaujerr igwia.

Hechos 19:4

Magbaawaita Pabloou amag magjim anʉm: —Juanaun chadcha õrau amach khaibag isegwi Ẽwandamag chugpaapi jeeubaawaita am por choopʉimaajeejimgui ajim anʉm. Mag por choo nʉisib mamʉ, amau ĩchab i ẽudee ãb i khãaijã ʉ̃rpai sim urum iekta ʉkhaju aai nʉmgui aajeejim anaabá, ajapcharan Jesucristo igwiama.

Hechos 2:38

Magbaawai Pedroou amag magjim aajem: —Thum agdaujo pãach mor ewag khĩirjuwia Ẽwandamag pãach khaibag chugpaapi jeeubat ajim anʉm. Magnaa chadcha Jesucristo iek ʉkhanaa pãach por choopibat ajim anʉm. Pãrau magmʉn, Ẽwandamau pãar khaibag chugpaapʉiwia jũrr ich Akhaarta pãrag deejugui ajim aajem, ichdeu deeju a jaautarrjo.

Hechos 3:19

Pãachdeu i dʉi magtarr jũrr pãach khaibag thumaa ãsie ewag khĩirjunaa Ẽwandamag chugpaapi jeeubat ajim aajem, mag khaibag chugpamkhĩir. Pãach thum israelnaanau magta jeeukhiin, mag Jesús warrgarwe Ẽwandamau jʉr auwi pʉiju aajerr deeu pʉibarm gaaimua Ẽwandamauta pãar kha oneg chukhu narrjã kha onee apijugui ajim aajem.

Hechos 5:31

Pãrau i mag thõopʉijieb mamʉ, Ẽwandamau jũrr ichta thumaam khʉʉn khãyaujã ʉ̃rʉʉcha apiwia, ĩchab chi Porkhanaa õor peerdʉajem khapijimgui ajim anʉm, magbaawai i gaaimua Israel durram khʉʉnau amach khaibag ãsie ewag khĩirjuwia Ẽwandamag chugpaapi jeeubaawai irig warre mag khaibag chugpaapʉimkhĩir.

Romanos 3:25

Warrgarwe ichdeu õor peerdʉ aaujeewai chadcha õor pekau wau nʉmjã oobamjota am aaujeejim, ich Iewaa pʉi nʉm ora. Pari ĩs ya Ẽwandamau mag Jesucristota õor kõit thõmkhĩir pʉibarmua maachig khaphʉ api sim, chadcha warrgarm khʉʉnjã auju aai sĩejim. Pari mag auju ayaa apiegan Cristo meewia ich bag ãrbarmua ichta õor pekau chugpaajem khapijim, ich Ẽwandamau.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.