San Lucas 1:7 - Wounaan Meu

⁷ Mamʉ mag wenʉrrʉmjã chi ʉʉi bʉ̃ʉrjã chaai ooba khitarr aawai chaai ãbjã chukhu naajim aajem. Mag chaaijã chukhu nʉmta ya amach numwe jooiraa khithee ajim anʉm.

Woun Meu

⁷ Mamʌ mag wënʌrrʌmjã chi hʌʌi bʌ̃ʌrjã chaai hooba k'itarr haawai chaai hãbjã chuk'u naajim haajem. Mag chaaijã chuk'u nʌmta ya hamach numwe jöoiraa k'it'ëe hajim hanʌm.

San Lucas 1:7 Iomraidhean Croise

San Lucas 1:5

Murua pʉrʉg jaaum ig chirʉmʉn mʉgau: Erodes Judea durr reikha sim jaar ĩchab sĩejim aajem phad Zacarías a thʉ̃r sim, judionaan eem. Mag Zacarías warrgar phad Abías khakhitarr dʉi ãba phadnaan phidkhaajerr khʉʉn chaain ewagam khʉʉn den arr aawai ĩchab Abianaan ajim aajem. Chi Zacarías ʉʉi Elizabed a thʉ̃r sĩejim aajem. Majã ĩchab warrgar phad Aarón a thʉ̃ʉrjerr ag chaain ewagam khʉʉn kha ajim anaabá.

San Lucas 1:6

Ich mag jooi Zacarías anʉm ich ʉʉi dʉi Ẽwandam dakhĩir ajapha wenʉrraajeejim aajem, i ipierraa. Mag gaaimua ãbmuajã am eugar iek chigaapai iekhaba aajeejim anʉm.

San Lucas 1:8

Mag nʉm ee jũrr Abianaanta Ẽwandamag jeeujem deg phidkhaju seman arr aawai mag jooi Zacarías anʉmta ag deg phidkha sĩejim aajem, ich khapeen ich dʉi ãba phidkhaajerr khʉʉnpa, warm khʉʉnaujã semanpierr ich mag phidkha diichjerrjo. Mamʉ mag phadnaan khapan thʉnaajerr aawai ed eepierr ãb jʉr auwia Ẽwandam atheem incienso phaan duubjeejim anʉm. Amach warrgarwejã ich maagjerr aawai mag edjã mag nʉmua jooi Zacarías thʉ̃rta oberjim aajem, mag incienso phaag.

Romanos 4:19

Irua khaphʉ sĩejim, ichjã jooiraanaa i ũan Sarajã ũanaa khitarr aawai amach pom wenʉrrabaju. Pari mag jooiraa sĩerr awiajã irua khaphʉ sĩejim, Ẽwandamau ichig jaautarr aawai ich chaai chukhu meebaju. Magua mag peer cien años sĩerr ãba, Abranau ãba ag iekta jʉ̃g thõba wai sĩsijim.

Hebreos 11:11

Chi Abrán ʉʉi Sara khahʉrrarraujã ĩchab at aba Ẽwandam iek ʉkha sĩerr aawai, ich daupeer garjã pod chaai ooba arrta, ya ũanaa khitʉm eeta Abranag chaai oo deejim aajem, ʉu ichdeujã Ẽwandamau chaai deeju atarr ʉkhatarr aawai.