San Lucas 1:68 - Wounaan Meu

⁶⁸ “Ẽwandam, ʉuhcha pua pʉch chaain eeg oowia ĩsin chad maar peerdʉ awaagpam. Magua maar onee nʉmgui ajim anʉm.

Woun Meu

⁶⁸ “Hẽwandam, hʌ̈uhcha pua pʌch chaain heeg hoowia hĩsin chad maar peerdʌ hawaagpam. Magua maar honee nʌmgui hajim hanʌm.

San Lucas 1:68 Iomraidhean Croise

San Lucas 1:71

Amau jaauwai mag ‘Pʉchdeu pʉibarmuata maar peerdʉ auju’ aajeejim, ‘thum maach oomapha aajem khʉʉn jua eemua, maimua ĩchab chi dajãumie maach khũgurwia pekau ee burrpieg ẽkha sĩerraajem jua eemuajã agjo.’ Maagjerr ĩsta ʉu ag ed pabaichemgui” ajim anʉm.

San Lucas 19:44

pãar thum khechpʉpʉigmamua ni ãbjã bʉ euheu khitʉm ooba sĩwaag. Magbarm aigmua atag di jãg ãbam ʉ̃r joothʉ eu sĩsidʉmjã tag pãrau ich jãg oobajugui ajim anʉm, Ẽwandamau ich garmua pãach oon beetarrjã warag i isegtarr gaaimua.

San Lucas 2:38

Mag agtha María ich chaai dʉi Aai i jeeujem deg nʉm ee, mag ũan Ana anʉmjã beewi Ẽwandamau ich Chaai pʉitarr khaug athaawai irig, “Ʉu ajim Ẽwandam; purua maar peerdʉ awaag pʉiju aajerr chaai barbaicheewai mʉ onee ʉmgui” ajim anʉm. Magnaa mag ich Ẽwandamaucha pʉiju a jaautarr ĩchab nʉajerr khʉʉnag chi chaaidam igwia, “Ich Ẽwandamau jaautarrjo chamʉguata mʉg atag maach peerdʉ auju ag Chaaidamauwai” aajeejim anaabá.

San Lucas 24:21

Amau i jãgbajupii awia marau khĩirjuawai ichdeuta israelnaan thum Romapien jua eemua por obeer aujupii naajimgui ajim anʉm. Mag khĩirju naajieb mamʉ, viernes i thõotarr ya khãai thãrjup pamgui ajim anʉm, ĩsim khurau i dau aphʉʉ abarm.

San Lucas 7:16

Magbaawai thumaam khʉʉn jãphierr nʉm iekhau Ẽwandamag jeeumamua, “Chadcha Ẽwandam, ʉu pua maar eeg oo chirʉm. Ʉu pua jãg chaai chi meem arr phiriu atham” ajierram anʉm. Magnaa ĩchab amach wir aigpai, “Keena, ĩsin chadchata maach ee jooingarmjo Ẽwandam i jaaumie sĩeichechem” khajierram aajem.

Efesios 1:3

Muan maach Por Jesucristo Aaita tho iekhaajem; ajapcharan Ẽwandamma; irigpaita ʉu ajim a chiraajem, chadcha maach dʉi ajapha amkhĩir Cristo pʉitarr paar. Mag maach Cristo denkha naawaita Ẽwandamau ʉ̃gtharmpeen dʉi aajemjo maach dʉi mʉig eegarwejã ich Akhaar gaaimua ajaphata aajem.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Hebreos 9:12

Mag õrau eutarr khaba sim eeta Cristo sim. Mamʉ ĩs chan ya tag mag chĩb bagta Ẽwandamag deeg khaba, ni phak emkhoi bagjã khaba, ich bagchata deejim. Mamʉ majã mag warm khʉʉnau aajerrjo biek khapan khaba, biek ãbpai magbarmua tag deeum bagjã igpiba aagta mag ich bagta deebarm. Magbarmuata ya maach peerdʉ aum iek peerdʉ atham.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,