San Lucas 1:65 - Wounaan Meu

^65-66 Mag oobaawai thum aig narr khʉʉnau, “Jãan ich iiuta jãgpibarm” a khĩirju nʉisijierram anaabá. Maimua ereu phobaadewia amach wenʉrrʉmpierr amachdeu oomatarr thum ich mag jajawag wetmarr aawai Judea durr ee didam ãhãbdo khekhedʉm eem khʉʉnaupa khakhapdo ich mag sĩi bĩi joisijim aajem. Mamʉ mag chi jaau wenʉrrʉm khʉʉn iek ũrmam khʉʉnau thumaa khĩirjuwia amach wir aigpai, “Mag chaaidam mʉg atag jooipabaadeewai, ¿jãgata khitajuuta mag jaau nʉma, bʉ̃rʉʉ khitwe mag nʉm?” aajeejim anʉm. Mag, ich Ẽwandamau bʉ̃rʉʉwe ich khõchagpierr bãaupʉijim anaabá.

Woun Meu

^65-66 Mag hoobaawai t'um haig narr k'ʌʌnau, “Jãan hich hiiuta jãgpibarm” ha k'ĩirju nʌisijierram hanaabá. Maimua hërëu p'öbaadëwia hamach wënʌrrʌmpierr hamachdëu hoomatarr t'um hich mag jajawag wëtmarr haawai Judea durr hee didam hãhãbdö k'ëk'ëdʌm heem k'ʌʌnaupa k'ak'apdö hich mag sĩi bĩi jöisijim haajem. Mamʌ mag chi jaau wënʌrrʌm k'ʌʌn hiek hũrmam k'ʌʌnau t'umaa k'ĩirjuwia hamach wir haigpai, “Mag chaaidam mʌg hatag jöoipabaadeewai, ¿jãgata k'itajuuta mag jaau nʌma, bʌ̃rʌʌ k'itwe mag nʌm?” haajeejim hanʌm. Mag, hich Hẽwandamau bʌ̃rʌʌwe hich k'õchagpierr bãaupʌ̈ijim hanaabá.

San Lucas 1:65 Iomraidhean Croise

San Mateo 2:1

Mag Jesús thaabaawai phobordam Belén anʉm eeta thaabajim aajem, Judea durr. Mag jaar Erodeeta mag Judea durr reikha sĩejim aajem. Ich mag jaar ĩchab khĩirjug khaug athee chi machnaan magonaan anʉm khʉʉn edau obeerjem bi garmua beejierram aajem, Jerusalén phoborog. Makhʉʉn, edjã eem phĩdagta estudiejem khʉʉn ajim aajem.

San Lucas 1:39

Mag Ẽwandam chogau ichig iek jaauthurtarr khur khãai khapancha khaba nʉm ee, Mariaau ich naamhũan Elizabed oon majim aajem Judea durr, durr dapag ee phobordam kherʉm ee.

San Lucas 2:18

Mag chi oveja thʉamienau nem ĩgkhakhag wetum ũrwia thum chi ũrmarr khʉʉn jʉ̃gderraa nʉisijim anʉm.

San Lucas 5:26

Mag chi woun phiidʉbaadem oowia aig narr khʉʉn thum dauderraa nʉm iekhau, “Jãan ich iiuta jãgbarm” anaa ĩchab, “Ĩs Ẽwandamauta maadeu mʉg ooju khĩirjuba narrjã oopibarm” anaajim aajem, amach ap pawiajã.

San Lucas 7:16

Magbaawai thumaam khʉʉn jãphierr nʉm iekhau Ẽwandamag jeeumamua, “Chadcha Ẽwandam, ʉu pua maar eeg oo chirʉm. Ʉu pua jãg chaai chi meem arr phiriu atham” ajierram anʉm. Magnaa ĩchab amach wir aigpai, “Keena, ĩsin chadchata maach ee jooingarmjo Ẽwandam i jaaumie sĩeichechem” khajierram aajem.

Hechos 19:17

Mag ed magtarr õor thum judionaan khabam khʉʉnaupa Efeso phobor ee khakhapdo thʉnʉisiewai thãar paraa nʉm iekhau warag maach Por Jesús igwia i jua theegta tho iekhaajeejim aajem, õrau.

Hechos 2:43

Mag nʉm ee ich Jesuu jʉr autarr khʉʉnau ag na nem mag ooba aajempa wau nʉm oowia õor thumaam khʉʉnta dauderraa thʉnaajim aajem.

Hechos 5:11

Magtarr ũrwia thum Ẽwandam iek ʉkha narr khʉʉn jãphierrwia bigaaum khʉʉnpa thãar paraa nʉisijim aajem.

Hechos 5:5

Pedroou mag iekhabaawai warre chi meemta Ananías jẽkhʉt di bäjä aimajim aajem. Mag seukhatarr gaaimua Ananías meetarr ũrwia thum chi ũrmam khʉʉn thãar paraa nʉisijim aajem.

Apocalipsis 11:11

Mamʉ am mamagkham ee, mag khãai thãrjup awi jãrrnaa, deeu Ẽwandamau am akhaardam am gaai phãarthʉ sĩubaawai amach numwe deeu phiidʉtkhaju anaabá. Mag khechpʉiwia khãai thãrjup awi jãrr narrta deeu Ẽwandamau phiriutkha atham oobaawai chi oo nʉm khʉʉn wajappha jãphierrju aajem.