San Lucas 1:6 - Wounaan Meu

⁶ Ich mag jooi Zacarías anʉm ich ʉʉi dʉi Ẽwandam dakhĩir ajapha wenʉrraajeejim aajem, i ipierraa. Mag gaaimua ãbmuajã am eugar iek chigaapai iekhaba aajeejim anʉm.

Woun Meu

⁶ Hich mag jöoi Zacarías hanʌm hich hʌʌi dʌ̈i Hẽwandam dak'ĩir hajap'a wënʌrraajeejim haajem, hi hipierraa. Mag gaaimua hãbmuajã ham hëugar hiek chigaapai hiek'aba haajeejim hanʌm.

San Lucas 1:6 Iomraidhean Croise

San Lucas 1:7

Mamʉ mag wenʉrrʉmjã chi ʉʉi bʉ̃ʉrjã chaai ooba khitarr aawai chaai ãbjã chukhu naajim aajem. Mag chaaijã chukhu nʉmta ya amach numwe jooiraa khithee ajim anʉm.

San Lucas 16:15

Magbaawai Jesuu amag iekhamamua, —Pãran, pãachta ʉ̃rcha phatkhon wai nʉm awia Ẽwandam dau najã ʉucha nʉm aajeebma; mamʉ chadcha Ẽwandamauta pãar thãar khaphʉ simgui ajim anʉm. Mʉg jẽb gayam khʉʉnaun phatkhonta nem thum mʉg jẽb gaai thʉnʉm khãyau ajapcha sim awia agʉgta ee aajerram. Amag mag nem wajaug sĩeb mamʉ, agua nem khaigba waauwaita sĩi odomie sẽrkha thʉnʉmjo Ẽwandamau khõchkhaba aajemgui ajim anʉm.

San Lucas 2:25

Maagwai Jerusalén phobor ee woun ãb Simeón a thʉ̃r sim sĩejim aajem, Ẽwandam dau na ajapha khitanaa i ipierraa khitaajerr. Ich mag jooirau ĩchab nʉajeejim aajem, warrgarwe Ẽwandamau jooinag jaauwai irua ich Chaai pʉibarmuata israelnaan peerdʉ auju a jaaujerr Chaai. Mag jooi gaai Ẽwandamau ich Akhaar phẽs wai sĩejim anaabá.

Hechos 2:25

Magju arr aawai rey David khararraujã warrgarwe Jesús igwia ich Jesuuta chadcha ich Aai dʉi iekha sim ũrtarrjo phãmamua magjim: “Ẽwandam” ajim anʉm chi Chaai garmua ich Ayag, “mua khaphʉ chirʉm, pʉ mʉ dʉi ogdʉba sĩejem. Pʉchta mʉ na nʉnʉʉu khaawai pua bʉ̃ʉrjã mʉ chig apibamgui” ajim anʉm.

Hechos 23:1

Mag am khĩirphee ich dʉnʉʉupi sĩubaawai mag judionaan chi thethemnaanag dau thõba eerpanaa, —Keena, khodamnaan, Ẽwandamau khaphʉ simgui ajim anʉm, mʉ i dau na khajapha chitaajem. Mʉch mag chitʉm khap, mʉchdeujã khaphʉ chirʉmgui ajim, i dau na khaigba khaba chirʉm.

Hechos 24:16

Maguata mʉʉn mʉch chitʉmpierr Ẽwandam dau najã wajapha chitanaa õor eejã wajaphata chitaju ẽkhaajemgui ajim anʉm, naspawia mʉchdeu nem khaigba wautarr gaaimuajã okhĩirjuu oo chiraba aag.

Hechos 8:21

Ẽwandam dau na pʉ o ajap khaba sĩewai pua chan pod maar denjo jãg nʉrraju khaba simgui ajim anʉm.

Romanos 8:4

Magta ajim Ẽwandamau, ichdeu ley deetarr gaai maachig waupi jaau simjo wenʉrramkhĩir. Magaag ya tag warr maach pekau ee wenʉrraajeewaim khĩirjugjo khaba, ich Ẽwandam Akharau waupi jaaumamjota nem wau nʉm.

1 Corintios 11:2

Cristo gaaimua khodamnaan, pãar gaaimua mʉ onee chirʉm, chadcha ʉu pãrau mʉ khĩirjunaa mua pãachig Ẽwandam iek jaautarrjã isegba agpierr wenʉrraawai.

2 Corintios 1:12

Mʉch wajapha chitanaa iekhaawaijã chadcharam iekta pãar ee Ẽwandam dakhĩirjã mʉch iekha chitaajem khap, mʉ onee chirʉm i dau na. Mʉ mag chitʉm chan sĩi mʉg jẽb gayam khʉʉn khĩirjug khaugau khaba, sĩi ich Ẽwandamau mʉrʉg magpi sĩewaita thumaam khʉʉn daarjã ʉu wajapha chitaajem.

Filipenses 2:15

daumaa ãbmuajã pãachig iekhapiju chukhu, mʉg õor khaibag thʉnʉm ee khaibagjã chukhu Ẽwandam chaainkha wenʉrramkhĩir. Pãar magta wenʉrrʉmʉn, magan mʉg durr ich pekau pomgau edau khĩejo sim eejã pãar edjã ee phĩdag phuphup thʉnʉmjota wenʉrraju am ee,

Colosenses 1:22

Pari ĩs ya magba, ich garmuata jũrr ich dʉi khõinaa phe wai sim, mag Cristo wounag pawi ʉdʉraa ich thõopitarr gaaimua. Mag pãar ich dʉi khõinaa apitarran, ich atheepai nem wau wenʉrrʉmua bʉ̃ʉrjã pekau chukhu, kulp chukhu ich aar phe awaagau.

1 Tesalonicenses 3:13

Ichdeuta pãar thãarjã ãba ichigta khĩirjupinaa bʉ̃ʉrjã pekau chukhu wai sĩepim khõsi nʉm maach Aai Ẽwandam na, deeu ũwaai thum ich igar ʉkha thʉnʉm khʉʉn dʉi bee nʉm ora. Ich mag maachdeu jeeu nʉmjo akhiin ʉu akham keena.

2 Pedro 3:14

Cristo gaaimua khodamnaan, maguata muan pãragan Ẽwandamau mag maachig durr iiur deeju a sim ed pa nʉm ora, pekau chukhu wenʉrrajuuta ẽkhanaa thumaa khõinaa wenʉrrat a chirʉm, maagwai degolp ich dʉnʉʉubaicheewaijã pãach ajapha nʉm oochemkhĩir.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 2:3

Maachta Ẽwandamau nem jaau sim ipierraa nʉmʉn magan chadcha maadeu khaphʉ nʉm, ya maach i denkha nʉm.

1 Juan 3:7

Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;