San Lucas 1:58 - Wounaan Meu

⁵⁸ Mag Ẽwandamau ʉu i eeg oowia jõorpitarr chaai atham a ũrbaawai am dʉi di dakha naajerr khʉʉnau chi Elizabed khodnaan dʉimua am aig beewia irig, “Ʉuta Ẽwandamau pʉ chaai oopibarm; pʉ chaai gaaimua maarjã onee nʉmgui” aajeejim anʉm, jũrr bee thʉnʉm khʉʉnau.

Woun Meu

⁵⁸ Mag Hẽwandamau hʌ̈u hi heeg hoowia jõorpitarr chaai hat'am ha hũrbaawai ham dʌ̈i di dak'a naajerr k'ʌʌnau chi Elizabed k'odnaan dʌ̈imua ham haig bëewia hirig, “Hʌ̈uta Hẽwandamau pʌ chaai hoopibarm; pʌ chaai gaaimua maarjã honee nʌmgui” haajeejim hanʌm, jũrr bëe t'ʌnʌm k'ʌʌnau.

San Lucas 1:58 Iomraidhean Croise

San Lucas 1:14

Magbaawain chadau pʉ onee chirsiju. Mag nʉm dʉi ĩchab õor pom onee ajurau, i thaababarm abarm amachdeu ũr athaawai.

San Lucas 1:25

Mag degpai simua, “Maach por Ẽwandamauta mʉʉn eeg oobarmgui” aajeejim anʉm. “Chaai chukhu aawai õor ee khĩir naa ʉrraajerrjã tag mʉ chigag chukhu ʉrraju. Ʉucha jãgbarm Ẽwandamau” aajeejim anʉm.

San Lucas 1:57

Mag María i aig sĩewia petarr khur ya ich auju ed aadeewai ũan Elizabedau chaai chi emkhooidam oojim aajem.

San Lucas 14:12

Maimua ich thach khomkhĩir thʉ̃rtarrag magjim anʉm ich Jesuu: —Deeu pʉch phiejãb dʉrrcha wauwia thach khomkhĩir õor thʉ̃ʉrwai oob sĩi pʉch khapkhʉʉn appai thʉ̃rkhʉyam ajim anʉm, ni pʉch khodnaan, ni sĩi thʉ̃r khodpaim khʉʉn appaijã thʉ̃rba, ni sĩi phatkhon paraam khʉʉn pʉch dʉi ãba di dakha naajem khʉʉn appaijã oob thʉ̃rkhʉyam. Pua magʉm khʉʉnta khĩirjuwia thʉ̃rkhʉʉimʉn, magan amaujã agjo wauwia pʉ thʉ̃r athaawai deeu pʉrʉg phagbarmjota aju.

Romanos 12:15

Cristo gaaimua dich khodkha thʉnʉm khʉʉn onee aawai dʉi onee abat; wa jũrr ãb khãijã gaai machgau okhĩirjuu khãijã oowai dʉi gaai masi abat.

1 Corintios 12:26

Mag naawai iwiir ãb khãijã mas aawai tagam khʉʉnaujã dʉi thumaa sentii nʉm. Wa ãb khãijã nem wajapha waubarm gaaimua onee aawai tagam khʉʉnjã thumaa onee thʉnʉm.