San Lucas 1:52 - Wounaan Meu

⁵² Mʉg jẽb gaai chi thethem thethem aajem khʉʉnjã iek theeg chukhu isegkhʉʉiwia jũrr aphʉʉ maadeu igbajojoo khitheem khʉʉnta pua por phiriupʉimaajem.

Woun Meu

⁵² Mʌg jẽb gaai chi t'et'em t'et'em haajem k'ʌʌnjã hiek t'eeg chuk'u hisegk'ʌʌiwia jũrr hap'ʌʌ maadëu higbajöjöo k'it'ëem k'ʌʌnta pua pör p'iriupʌ̈imaajem.

San Lucas 1:52 Iomraidhean Croise

San Marcos 6:3

Keena, pãrau oowai, ¿ich mʉg woun kalpinter khabá anaajim anʉm, María iewaa? I eeugpeenauwai, Santiago, José, Judas maimua Simón. I ʉ̃phʉʉin khabahab ĩchab ar mʉig ich mʉg phobor ee naajem khʉʉn; maagwai ichjã maadeu khaphʉ nʉm, ich mʉiguim aawai.

San Lucas 14:11

Mag, pãrag mag chirʉmʉn, ar amach thowia chikham dʉi athuucha aajem khʉʉnta jũrr mʉg atag paawai am Ẽwandamag chaigpa oo sĩsidʉ aju. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta jũrr mʉg atag paawai Ẽwandamau warm khʉʉn khãyaujã ʉ̃rpai apiju ajim aajem.

San Lucas 18:14

Mag numí Ẽwandamag jeeu narr khʉʉn jaau dichwia, chi aig ich iek ũr narr khʉʉnag magjim aajem: —Ichdeupai Ẽwandamag ichta chi ajapham a chirarr khãyau, ich dau aug khaugpi jeeutarr wounta jũrr Ẽwandam dau na ag najã ich mag bʉ̃ʉrjã khaibag chukhu aajerrjoo sĩebahab ajim anʉm. Mamʉ ar amach thowia chikham dʉi athuucha aajem khʉʉn, jũrr mʉg atag paawai am Ẽwandamag chaigpa oo sĩsidʉ abarjugui ajim anʉm. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta, jũrr mʉg atag paawai, Ẽwandamau warm khʉʉn khãyaujã ʉ̃rpai apiju a jaaumajim aajem.

Santiago 4:10

Deeu pʉaba muan pãragan, pãach serbiibag khap Ẽwandamagta chaigpa nʉmua pãach dau aug khaugpibat a chirʉm. Mag khaita pãar deeu ajaug paapʉiwi mʉg atag pawiajã thumaam khʉʉn dakhĩir irua pãar ajaug pheju.