San Lucas 1:47 - Wounaan Meu

⁴⁷ Mʉ thãar onee ʉm Ẽwandam, pʉch maar peerdʉajemuata mʉch dʉi mʉgbarm gaaimua.

Woun Meu

⁴⁷ Mʌ t'ãar honee hʌm Hẽwandam, pʌch maar peerdʌajemuata mʌch dʌ̈i mʌgbarm gaaimua.

San Lucas 1:47 Iomraidhean Croise

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

1 Timoteo 1:1

Mʉʉn Pabloou, Jesucristoou ich i jaaumkhĩir jʉr autarr. Ẽwandam maach peerdʉ aumieu Cristo dʉimua chogpʉitarrauta pʉ athee mʉg ẽsap phã chirʉm Timoteo.

1 Timoteo 2:3

Pãrau mag thumaam khʉʉn kõit jeeu nʉmʉn magan ʉu kherʉm. Mua pãrag mag jeeupi chirʉmʉn, Ẽwandam maach peerdʉajemuajã ich magta ichig jeeupiejeewaita mag jaau chirʉm.

Tito 1:3

Magtarr aawai ya ĩs ewag pawiata õrau i iek jaau durrum gaaimua mag iek thumaam khʉʉnau ajapcha khakhapdo pamam. Magua mua ich mag iekta jaau chitʉm, mag jaaumkhĩirta Ẽwandam maach peerdʉajemua mʉ jʉr auwi pʉitarr aawai.

Tito 2:10

Amag wir aig amach patronnaan nem jĩgkhapiba jaaubá. Am nem jĩgkhaju khãyau warag amach patronnaan nemjã amach chi mor khʉʉn denjo ajaphata waupi jaaubá, maagwai mag nem jaauwaijã degolp amach meer am nem aair abaju khãijã a khĩirjuba nem jaaum khõsi jaaumkhĩir. Õrau pãar mag oowai, “Ãa chadcha jãkhʉʉnau ʉkha nʉm iekhan chadcha nem ajaug kherʉm” aju, Ẽwandam maach peerdʉajem iek maachdeu ʉkha nʉm igwia.

Tito 2:13

Jesucristoou maachig beeju a jaau pʉatarr ag ed pa nʉm ora, maachin ich magta onee i nʉ wenʉrraju aai nʉm, chadcha mag i beeju khaphʉ naawai. Ich beem edan edau bʉ wʉʉ jẽer urumjo ooimʉta dau daau maachig ich oopiju. Maata maach Ẽwandam anaa maach peerdʉ aaujem Jesucristoou.

Judas 1:25

Mag Ẽwandamta warrgarwejã thumaam khʉʉn khãai chi wajapcharam anaa chi ʉ̃rʉʉcharamʉu; ichpaita mʉg atagjã chi jua thierr anaa ich mag iek theegjã sĩerraju. Mʉgdam ajim pãrag jaaum ig chirarr. Ayoo keena, Judas