San Lucas 1:46 - Wounaan Meu

⁴⁶ Magbaawai Mariaau Ẽwandamag jeeumamua magjim aajem: “Ẽwandam, pʉchta ãba maar Por aawai mʉch thãrauchata pʉrʉg ʉu ajim a ʉm.

Woun Meu

⁴⁶ Magbaawai Mariaau Hẽwandamag jëeumamua magjim haajem: “Hẽwandam, pʌchta hãba maar Pör haawai mʌch t'ãrauchata pʌrʌg hʌ̈u hajim ha hʌm.

San Lucas 1:46 Iomraidhean Croise

Romanos 5:11

Pari mag ich aar aujupaijã khabam. Maach Por Jesucristoou Ẽwandam dʉi mag maach khõinaa apitarr paarjã irig ʉu ajim anaa ich Ẽwandamta tho iekhaajem, onee naawai.

1 Corintios 1:31

Maguata ĩchab Ẽwandam iek phã sim gaai jaau simjo, “Ãbmua khãijã wir aig ichpai tho iekhaju khĩirju sim khai, warag maach Por Ẽwandamta tho iekhaju aai sim.” (Jr. 9:23-24)

2 Corintios 2:14

Pari ʉu ajim a chirʉm Ẽwandamag, Cristo dʉi khapeerkha naawai nem phithurm nemjã i gaaimuata ʉu maach garmua podpʉpʉi aajem paar. Maguata ĩs maach wenʉrrʉmpierr Ẽwandam iek jaauwaijã, warpham magwe jʉ̃gdee thʉ̃ap wejomjo, jũrr maach gaaimuata õrag ich khaugpi sim.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

Filipenses 4:4

Maach Por Jesucristo pãach dʉi sĩejem khĩirjuwia onee abat. Ũmaai pʉaba pãrag jaau chirʉm: ¡Onee abat!

1 Tesalonicenses 5:23

Ẽwandam ichdeu õor khõinaa apiejemuata pãar wajapha pekau chukhu wai sĩekhiin ʉu akham. Magua pãar kõit Ẽwandamag jeeu chirʉm, pãar akhaar, pãar mor maach chi ʉ̃rʉm cha maach iyʉʉ nʉmpa thumaa wajapha thʉnʉmta maach Por Jesucristoou ich beewai oochemkhĩir.

1 Pedro 1:8

Pãrau mʉ denjo Jesucristo khĩircha oobajieb mamʉ, pãrau i khõsinaa i iekjã ʉkha nʉm. Maguata atcha oneg nʉm iekhau pod pãrau pãach onegjã jaauju khaugba nʉm, jãga naaimaju khai ya ich dʉicha naaimaawai.