San Lucas 1:43 - Wounaan Meu

⁴³ Khanii mʉg mʉ aphʉʉ ʉrrʉmua mua khap ʉajĩ pʉ maach Por ãdkha simua mʉch oon beeju. Ʉu pʉ beejimgui ajim anʉm María.

Woun Meu

⁴³ K'anii mʌg mʌ hap'ʌʌ hʌrrʌmua mua k'ap hʌajĩ pʌ maach Pör hãdk'a simua mʌch hoon bëeju. Hʌ̈u pʌ bëejimgui hajim hanʌm María.

San Lucas 1:43 Iomraidhean Croise

San Mateo 12:46

Agtha Jesuu õrag iekha sim ee, i ãd i eeugpeen dʉi bardʉtkhachewia i dʉi iekham ig naajim. Mamʉ i sim aar dubba daaugajãrpai naaichetarr aawai

San Mateo 3:14

Mag mawia, ich por choopienta beejim abaawai, Juanau i por choomaphapaim iekhau irig, —Pʉchdeuta mʉ por chooju aai chirʉmta mag muata pʉ por choobaadejupá ajim anʉm, Juan garmua.

San Lucas 1:42

—Kadam, pʉchta ãba chadcha ʉʉin khapan thʉnʉm ee Ẽwandamau ʉuhcha abarm; maimua pʉ chaaijã ʉucha khitajugui ajim anʉm, õor ee Ẽwandam na.

San Lucas 1:44

Jãguata pʉ iekhabaichem mʉchdeu ũr atham dʉi, mʉ chaai agtha bi ee kherʉmuajã khaug athaawai, thʉgdʉdʉ khabaadejimgui ajim anaabá, onegau.

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

San Lucas 7:7

Ich mag chirʉm khap, ichcha pʉ aig beeba abarm aajem, pod pʉ dʉi khĩircha iyʉʉ aju khaba aawai. Mamʉ pua khõs akhiin, ich maupaimua ich chog monaaupi naajim. I iek pʉch iiu aawai chadcha monaauju aajem.

San Juan 13:13

Chadcha pãrau mʉrʉg Maestro anaa Señor aajem; pãrau mag nʉm aig agchata iekha nʉmgui ajim.

San Juan 20:28

Magbaawaita Tomaau ichigcha, —Señor, pʉʉta mʉ Por anaa mʉ Ẽwandamaugui ajim.

Filipenses 2:3

Pãachdeupaijã pãach thonaa bigaaum khʉʉnagjã sĩi pãach eugar ajapha ig iyʉʉ amkhĩirpai chan oob warag nem waumiet. Mag khãyau warag chikhamnaan igwiata, “Jãkhʉʉnan chad maar khãaijã ʉ̃rpai naabma” abat.

Filipenses 3:8

Warran mʉʉn chadcha magʉmʉg ee chitajim. Mamʉ maagjerr ĩsin jũrr mʉʉn Jesucristo deneu. Iita mʉ Porou. Tag ijo nem ajapham chan chukhum. Ʉ̃gthar oberaag awi warrgar mʉchdeu nem wau chitarr, ĩs mʉgnaa oowai chan bʉ̃ʉrjã maadeu nem igbata sĩsidʉm. Ajapcharan sĩi mag mʉch khõchagpierr nem wau chitarr thum mua isegjim, jũrr Cristo denkham khõchgau.