San Lucas 1:35 - Wounaan Meu

³⁵ Magbaawai chi Ẽwandam chogau magjim anʉm: —Jãan ich Cha Ʉ̃gthaa Phuu Nʉm ag Akhaar pʉ gaai sĩeicheewaita pʉ jõorjugui ajim anʉm, ich iiu aawai. Mag gaaimua mʉg chaai pua oobarm bʉ̃ʉrjã khaibag chukhu auwia ich mag khitaju. Ich Ẽwandamauta ich iiu pʉ bi ee papi sim den aawai i thʉ̃r Ẽwandam Iewaa a thʉ̃rjugui a jaaujim aajem.

Woun Meu

³⁵ Magbaawai chi Hẽwandam chogau magjim hanʌm: —Jãan hich Cha Hʌ̃gt'aa P'uu Nʌm hag Hak'aar pʌ gaai sĩeicheewaita pʌ jõorjugui hajim hanʌm, hich hiiu haawai. Mag gaaimua mʌg chaai pua hoobarm bʌ̃ʌrjã k'aibag chuk'u hauwia hich mag k'itaju. Hich Hẽwandamauta hich hiiu pʌ bi hee papi sim dën haawai hi t'ʌ̃r Hẽwandam Hiewaa ha t'ʌ̃rjugui ha jaaujim haajem.

San Lucas 1:35 Iomraidhean Croise

San Mateo 1:18

Mag Jesucristo thaabatarran mʉgta ajim aajem: Chi María, ewag pawi i ãdpaju, ya Joseeu iek dee wai sĩejim aajem, ag dʉi paag. Pari mag sĩi iek dee wai sĩewai agtha ag dʉijã khaba nʉmta bi ee pabaadejim anaabá. Pari ma chan chikham denjã khaba, ich Ẽwandam Akharauta ich iiu aawai mag i bi ee papijim anaabá.

San Mateo 1:20

Ya irua mag pʉaju khĩirjubaademta, Ẽwandam chog ʉ̃gtharmua beewi irig, —José, David khararr chaain ewagam khʉʉn bi eem, oob pʉch ʉʉi pʉaju khĩirju chiram ajim anʉm. Jãg chaai irua bi ee wai sim chan deeum den khaba, ich Ẽwandam Akharauta jõorpitarr khabahab ajim anʉm.

San Mateo 14:33

Mag chi Jesús jap ee pabaadee i khĩirphee kanieu phõbkhanaa, —Chadcha pʉʉta Ẽwandam Iewaau anaajim, marau irig.

San Mateo 27:54

Magbaawaita capitán soldaaun dʉi Jesús pakuls gaai jiir wejom eegar narr khʉʉnau mag ʉʉur theeg duuibaadem ee, mamagkham oophobaadee jãphierr nʉm iekhau warag, —Mʉg wounan chadchata Ẽwandam Iewaa ajim ajierram.

San Mateo 4:3

Magbaadem eeta dosãt chi dau lok beejim anaabá, i imeerkha i khũgur auwia Jooi dau na nem khaigbam waupiju ẽkhaag. Mag beewi irig, —Pʉ chadcha Ẽwandam Iewaa khai, magan mʉ dakhĩir mokdau mʉg thʉnʉm panag paabapʉi aichejim anʉm.

San Marcos 1:1

Warrcha maach peerdʉajem iek jawaag Jesucristo Ẽwandam Iewaa beetarran mʉgta ajim aajem:

San Marcos 1:24

Mag wounau Jesús oo athaawai chi ben i mor ee simuata thet äa anaa irig, —¡Jesús Nazaretpierr! Ideu maar sĩi khajapha sĩubá ajim anʉm. Puan sĩi maar opäainta urum. Mua pʉ khaphʉ chirʉmgui ajim anʉm, pʉ jammua urú. Pʉ Ẽwandam Iewaa ʉ̃gtharmua beetarr khabahab, warrgurwe Ẽwandamau pʉiju a jaaujerr ajim anaabá irig chi mepeer garmua.

San Lucas 1:27

Mag daupeer woun ãb José anʉm dʉi jua pʉraag ya iek deewi sĩejim aajem. Mamʉ mag iek deewi nʉmjã José bʉ̃ʉrjã agtha María dʉi khapes aba naajim aajem. Chi José anʉm warrgar rey David khakhitarr ag chaain ewagam khʉʉn den ajim aajem.

San Lucas 1:34

Magbaawai Mariaau chi Ẽwandam chogag, —Mamʉ mʉg agtha mʉ õor meraa jaaijã chukhu ʉmta, ¿jãga magbarjuma? ajim anʉm.

San Lucas 1:36

Maimua warag irig, Pʉde ũrbá ajim anʉm, pʉ naamhũan Elizabed ũanaa khitab mamʉ, iruajã chaai emkhooi paarpajugui ajim anʉm ĩchab. Õrau pod irua chaai oobaju aajerrjã ya seis meses simgui ajim anʉm, bi ee patarr.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

Hechos 8:36

Mag iyʉʉ wetumua dodam phʉʉr kherʉm aig paaukhabaimaa ich chi thethemua Felipeeg, —Kake, mʉg dodam paraa kherʉm aig nʉwe, ¿pua oowai mʉ por chooju jãg chirʉ́? ajim anʉm. [

Romanos 1:4

Mamʉ mag amau i thõotarrta deeu iiu phiidʉtarr gaaimua, maimua Ẽwandam Akhaar i dʉi sĩejeewai ag jua theegau õor ajaug paajem gaaimua, ichta Ẽwandam Iewaa chi jua thierrkha sĩerrʉmjã õrag khap apiejem.

Gálatas 2:20

Maguata nem khaigbam wawaagan mʉʉn nawe Cristo thõo naawai i dʉi ãba pakuls gaai thõrrjota chirʉm, magʉm ley ʉʉrkha nʉmuata tag mʉch peerdʉjujã khĩirjuba. Pari tag warramjo mag khĩirjuba chirʉmʉn mʉch khĩraupai khaba, Cristo mʉ thãar ee sim ag juapaauta mʉrʉg magpi sim. Maguata Ẽwandamau khõsimjo wawaag ich Iewaa Cristoou mʉchig juapá deeju khĩirju chirʉmuata nem wau chitʉm, chadcha ichdeuta ich garmua mʉ khõsi awi mʉ kõitjã ichta thõopitarr aawai.

Efesios 2:3

Maarjã warran thum ich magta naajim, sĩi dichdeu nem waum khõchagpierr; nem magju abarmʉn parhoobam khĩirjug dich khĩirjug ee bee nʉmta agpierr waaujeejim, warr thaabaawaijã ich mag pekau eeta thaabatarr khʉʉn aawai. Chadcha maach mag wenʉrrarr gaaimua maran sĩi parhooba tagam khʉʉnjo Ẽwandam jua machag ãwatju aai naajim.

Hebreos 4:15

Mag ʉ̃gtharmua maach kõit iekhaajemuan chadcha maach dau aug khaaugjem. Ẽwandamta maach wounkha sĩerr aawai ichdeujã khaphʉ sim, jãga aajẽ maach pekau ee burrjojoo aadephʉm aig. Meperau maach pekau ee burrpiju ẽkhaajemjo aju ẽkhaajeejim i dʉijã agjo; mamʉ maagjerrta ich chan bʉ̃ʉrjã pekau ee burrba khitajim.