San Lucas 1:33 - Wounaan Meu

³³ Mag ichta thumaam khʉʉn Porkhabaadem aigmua atag i jua theeg bʉ̃ʉrjã oba, ich mag sĩerraju a jaaujim aajem.

Woun Meu

³³ Mag hichta t'umaam k'ʌʌn Pörk'abaadëm haigmua hatag hi jua t'eeg bʌ̃ʌrjã höba, hich mag sĩerraju ha jaaujim haajem.

San Lucas 1:33 Iomraidhean Croise

San Mateo 1:1

Mua pãrag ĩgkhakhim, jãga warrgar David reikha sĩerrjo, Ẽwandamau jũrr ich Iewaa Jesucristoogta mʉg durr gaai chi Porkhamkhĩir ichdeucha pʉijĩ. Mag Jesucristojã mag rey David khararr ag chaain ewagam khʉʉn den ajim a khap amkhĩir, ag nawe jooi Abrán khararr sĩejerr aigmua ewag pawi khĩeb chi Jesús thaabatarr aig pãrag jaaukhim.

San Mateo 28:18

Mag nʉm ee warag maar aig beewi maar dʉi iyʉʉmamua magjim: —Ya mʉ Ayau mʉrʉg ʉ̃gtharm khʉʉn dʉijã iek theeg apinaa mʉig eegarm khʉʉn dʉijã iek theeg apibarmgui ajim.

San Lucas 1:34

Magbaawai Mariaau chi Ẽwandam chogag, —Mamʉ mʉg agtha mʉ õor meraa jaaijã chukhu ʉmta, ¿jãga magbarjuma? ajim anʉm.

Romanos 9:6

Pari mag maach peerdʉ awaag Ẽwandamau ich Chaai päaiwaijã, maadeu khaphʉ nʉm, maach meeunau chan wajap i igba, ãaur khʉʉnaupaita i igjierram. Magjieb mamʉ Ẽwandamau maach jooin dʉi ich iekhatarrjo abajim aju khaba nʉm. Ichdeu maach jooi Israelag, ajapcharan ich Jacoogpaima, maach meeun khapan apiju atarrjo, ichiita maach meeunan chadcha khapan thʉnʉm. Pari mag khapan thʉnʉm ee, thumaam khʉʉn chan Ẽwandam chaain chaar khabam, israelnaan awiajã.

Gálatas 3:29

Mag chadcha pãar Cristo denkha nʉm khai, magan chadchata Abrán chaainau. Mag i chaain aawai, ich Ẽwandamau irig i chaain ewagam khʉʉn dʉita ajapha aju arr aawai, pãar dʉita chadcha Ẽwandamau ʉu aju.

Gálatas 6:16

Pãar thum mag Cristo denkhanaa ichdeu jaaumam ipierraa wenʉrrʉm khʉʉn kõitta muan jeeu chirʉm, khõinaa ich jãg pãach eeg oopaar amkhĩir. Maimua ĩchab thum tagam khʉʉnjã chadcha Ẽwandam chaainkha thʉnʉm kõitjã mua jeeu chiraajem.

Filipenses 3:3

Mamʉ par amach iphithur mag wenʉrrawiajã oob am ipierraa amiet. Maach mor ʉ̃rpain ideu sĩi dauchach paar sĩsid awiajã, maach thãarta khaigba sim chan parta i chaainau aju. Mag khãai maachin chad i chaain chaarpama, chadcha ich Ẽwandam Akharau jaau simjo thãraucha irig jeeujeewai. Mag jeeu wenʉrrʉmuata maach onee naajem, Jesucristo maach kõit meebarm gaaimua Ẽwandamau maach ich chaainkha wai sĩewai.

Hebreos 1:8

Mamʉ ich Chaai igwia chan sĩi ich angelnaanagamjo iekhaba, warag ich paarmua, “Ẽwandam, pʉchta nem thum thʉnʉm Porou” a iekhajim chi Ayau ich Chaairag. “Mʉg atag pawiajã pʉchta ich mag chi Porkha chitaju. Puan nem agcha waunaa khajaphata waaujem.

Apocalipsis 11:15

Mag dau ãb waaur sim atarr aawai chadcha ĩchab deeum Ẽwandam chogau chi ãbmiecharam ich trompeta sirjim. Ma, sieteem ajim, ãbmiecharam. Mag sirbaadeewai ʉ̃gthar sĩi õor iekjo sereubaademua mag naajim: “Mʉg durran thumaa maach Por Ẽwandamaujã jʉ̃anaa, ichdeucha jʉr auwi maach Porkhapitarr dʉimuata jʉ̃aju aai nʉm. Mag, maach Ẽwandamauta mʉg durr gaai thum ichta ich mag chi Porkha sĩsiju” anaajim. (Éx. 15:18; Dn. 7:14,27)