San Lucas 1:3 - Wounaan Meu

³ Maguata muajã ĩchab phãju khĩirjubaadejim, pʉ athee. Mamʉ mʉg phãju nawe, sĩi año khapan i dʉi ãba wenʉrraajerr khʉʉn dʉi khaar aarmua khĩeb o nʉm aar estudie chirʉʉ awia ĩsta pʉrʉg phã deepʉi chirʉm jooi Teófilo.

Woun Meu

³ Maguata muajã hĩchab p'ãju k'ĩirjubaadëjim, pʌ hat'ee. Mamʌ mʌg p'ãju nawe, sĩi año k'apan hi dʌ̈i hãba wënʌrraajerr k'ʌʌn dʌ̈i k'aar haarmua k'ĩeb hö nʌm haar estudie chirʌʌ hawia hĩsta pʌrʌg p'ã deepʌ̈i chirʌm jöoi Teófilo.

San Lucas 1:3 Iomraidhean Croise

San Lucas 1:1

Teófilo, khapeer wʉjʉu: Mʉg ẽsap gaai murua pʉrʉg jawaagpam Jesuu õrag iekhamatarr dʉi irua nem waumatarrpa ãba. Pua khaphʉ sim, jũrram khʉʉnau ich mʉg iekpai phã ẽkha nʉm warrpem irua nem waubaaderr aarmua irua nem jaaumatarrpa. Maadeu khaphʉ nʉm, magʉm thum chadcha ajim. Maagwai õraujã thum ich ag iekpai maach ee khakhapdo wejom,

Hechos 1:1

Jooi Teófilo, ¿jãgpai chirʉ́? Pʉch khapeer ajapham Lucaauta pʉrʉg mʉg ẽsap phã deepʉi chirʉm. Nacharam ẽsap phã deepʉitarr gaai mua pʉrʉg jaau chirajim, Jesuu warrcha ich phidkhabaadeewaiwe nem waunaa jaaujerr aigmua khĩeb i ʉ̃gthar matarrpa.

Hechos 11:4

Magbaawai Pedroou amag thumaa jaaubaadejim aajem, warrjã jãga Ẽwandamau irig mag nem oopiwia judionaan khabam khʉʉn eejã ich i jaaumkhĩir i pʉiju ajĩ.

Hechos 15:19

Mag jaauwi, ich Santiagooupai, —Magua mua oowai, ar judionaan khabam khʉʉnta amach jooin i pʉawia jũrr Ẽwandam iek ʉkhamam khʉʉnag chan pod maadeu amag maach jooinau nem jaaujerr thum athuucha jaauju khaba nʉmgui ajim aajem ich jooi Santiagoou.

Hechos 15:25

Mag ũrbaawaita marau thumaa ãba biirdʉwi, ajap iekhawi, õor numí jʉr aujim, Bernabé Pablo dʉi pãar aar wetuwe am dʉi ãba pʉyaag. Pãrau khaphʉ nʉm, maach khod jooin Bernabé Pablo dʉi maadeu daupii aajem,

Hechos 15:28

Ich Ẽwandam Akharaucha marag jaauwai pod pãrag judionaanagamjo nem phithurm nem waupi jaauju khaba nʉm. Mag nʉm dʉi maachdeu khĩirjuawaijã ʉucha sim, chadcha ichdeu jaau simpierrpai nem jawaag. Mag pãrag jaaupʉim ig nʉmʉn mʉgau:

Hechos 18:23

Mag mawia, barwia, Antioquía phobor ee sĩi awia deeu oberaau, jũrr Galacia durr nʉrrʉʉ awia, Frigia durrjã phʉʉrdʉpʉijim aajem. Mamʉ mag phʉʉrdʉ khitʉmua, ʉu chi ʉkha durrarr khʉʉndam khĩir onee pʉamajim anaabá.

Hechos 23:26

“Excelentísimo Gobernador Félix, ¿Jãgpai chirʉ́? Mʉ, comandante Claudio Lisiaauta pʉrʉg mʉg ẽsap phã deepʉi chirʉm. Mʉ saluddam deepʉi chirʉm athá.

Hechos 24:3

Maagwai maach thumaam khʉʉnau pʉrʉg ʉu ajim anʉm, chadcha maach thumaam khʉʉn atheeta pua jãg sĩewai. Jãg oowai chadcha maar onee nʉmgui ajim anʉm, pʉ gobernador wajapham aawai.

Hechos 26:25

Magbaawai jũrr ich Pablo garmua Festoog, —Mʉ chan lokoo khaba chirʉm, muan agchata nem jaau chitʉmgui ajim anʉm. Maagwai mʉch iekhamamjã mua khaphʉ chitʉmgui ajim aajem irig.

1 Corintios 16:12

Maach hermano Apoloogjã par mua pepet chirʉʉ ajim, warm khʉʉn dʉi pãar oon mamkhĩir. Pari magʉmjã maba, thʉba sĩsijim. Pari okhar ichdeu oowai maju ayaa abarm ed jam pãar aar i barju.

1 Corintios 7:40

Pari mua khĩirjuawai mag khoopaa ʉʉi tag jaai auba ich appai nʉrrakhiin, í oneecha ʉrraju. Maau mʉ khĩirjugan. Mua pãrag mag iekha chirʉmʉn, mʉchdeupai khĩirjuawaijã chadcha Ẽwandam Akhaar mʉch gaai wai chiraawaita pãrag mag chirʉm.

1 Timoteo 4:6

Timoteo, maach khodnaanag pua magta jaau chitʉmʉn, pʉ Jesucristo chog chi ajaphamkha chirʉm. Mag amʉn, pʉʉn ĩchab jua theeg chirsiju, iek ajapham pʉchdeu ʉkha chirʉm jaau nʉmta thach kho nʉmjo pʉaba jaau chitʉm gaaimua.