San Lucas 1:28 - Wounaan Meu

²⁸ Mag ich chogbapäaiwai chi Ẽwandam chog beewi chi daupeer sim aar dubwia irig, —¿Jãgpai ʉ María? Onee abá aichejim anʉm. [Ẽwandamau nem ajapha aag ʉʉin khapan thʉnʉm ee pʉʉta jʉr atham.] María, chadcha Ẽwandam maach Porou pʉʉta eeg oobarmgui ajim anʉm irig.

Woun Meu

²⁸ Mag hich chogbapäaiwai chi Hẽwandam chog bëewi chi daupeer sim haar dubwia hirig, —¿Jãgpai hʌ María? Honee habá haichëjim hanʌm. [Hẽwandamau nem hajap'a haag hʌʌin k'apan t'ʌnʌm hee pʌʌta jʌr hat'am.] María, chadcha Hẽwandam maach Pöröu pʌʌta heeg hoobarmgui hajim hanʌm hirig.

San Lucas 1:28 Iomraidhean Croise

San Mateo 12:48

Magbaa jũrr ichdeu, —¿Chijã agá mag mʉ ãd, maimua chijã khʉʉn agá mag mʉ eeugpeen? ajim.

San Lucas 1:27

Mag daupeer woun ãb José anʉm dʉi jua pʉraag ya iek deewi sĩejim aajem. Mamʉ mag iek deewi nʉmjã José bʉ̃ʉrjã agtha María dʉi khapes aba naajim aajem. Chi José anʉm warrgar rey David khakhitarr ag chaain ewagam khʉʉn den ajim aajem.

San Lucas 1:29

Mag ũrbaawai khĩirju sĩi awia ich odegpai “¿Jãgwia irua mʉrʉg mag iekhabaiche?” ajim anʉm.

San Lucas 1:30

Magbaawai chi Ẽwandam chogau, —Oob khĩirjum, pʉʉta Ẽwandamau ʉu eeg oobarbahab ajim anʉm.

San Lucas 1:42

—Kadam, pʉchta ãba chadcha ʉʉin khapan thʉnʉm ee Ẽwandamau ʉuhcha abarm; maimua pʉ chaaijã ʉucha khitajugui ajim anʉm, õor ee Ẽwandam na.

Hechos 18:10

Pʉ nʉnʉʉukhampierr mʉʉn pʉ dʉi chirʉm; maagwai ni ãbmuajã pʉ chig abamgui” ajim anʉm. “Mag pʉrʉg bʉ̃ʉrjã ogkhapiba jaau chirʉmʉn, mʉg phobor ee mʉchdeu peerdʉ auju khʉʉn khapan thʉnʉm khaphʉ chiraawaita mag chirʉmgui” ajim aajem ich Ẽwandamaucha Pabloog.

Efesios 1:6

Mag gaaimuata chadcha ich mag Ẽwandam ajaug phenaa i tho iekhaajem, mag ich ajaug sĩerrʉm gaaimua ichdeu ich Iewaa daupii aajemta ʉu maach athee pʉitarr aawai.