San Lucas 1:24 - Wounaan Meu

²⁴ Maimua mag chi Ẽwandam chogau jaauthurtarr khur chadcha jopcha Elizabed bi eepajim anaabá. Mag ich jõorbaadeewai dawagjã oberba, cinco meses sĩi degpai sĩejim anʉm.

Woun Meu

²⁴ Maimua mag chi Hẽwandam chogau jaaut'urtarr k'ur chadcha jöpcha Elizabed bi heepajim hanaabá. Mag hich jõorbaadeewai dawagjã höbërba, cinco meses sĩi degpai sĩejim hanʌm.

San Lucas 1:24 Iomraidhean Croise

San Lucas 1:23

Maimua ich phidkha sĩerr seman thum ober eebaadeewai ich diig petajim aajem.

San Lucas 1:25

Mag degpai simua, “Maach por Ẽwandamauta mʉʉn eeg oobarmgui” aajeejim anʉm. “Chaai chukhu aawai õor ee khĩir naa ʉrraajerrjã tag mʉ chigag chukhu ʉrraju. Ʉucha jãgbarm Ẽwandamau” aajeejim anʉm.

San Lucas 1:5

Murua pʉrʉg jaaum ig chirʉmʉn mʉgau: Erodes Judea durr reikha sim jaar ĩchab sĩejim aajem phad Zacarías a thʉ̃r sim, judionaan eem. Mag Zacarías warrgar phad Abías khakhitarr dʉi ãba phadnaan phidkhaajerr khʉʉn chaain ewagam khʉʉn den arr aawai ĩchab Abianaan ajim aajem. Chi Zacarías ʉʉi Elizabed a thʉ̃r sĩejim aajem. Majã ĩchab warrgar phad Aarón a thʉ̃ʉrjerr ag chaain ewagam khʉʉn kha ajim anaabá.

Hechos 1:1

Jooi Teófilo, ¿jãgpai chirʉ́? Pʉch khapeer ajapham Lucaauta pʉrʉg mʉg ẽsap phã deepʉi chirʉm. Nacharam ẽsap phã deepʉitarr gaai mua pʉrʉg jaau chirajim, Jesuu warrcha ich phidkhabaadeewaiwe nem waunaa jaaujerr aigmua khĩeb i ʉ̃gthar matarrpa.