San Lucas 1:20 - Wounaan Meu

²⁰ Mamʉ mʉg murua pʉchig jaau chirʉm pʉchdeu ʉkhaba abarm gaaimua, pʉ meu meraa chirsijugui ajim anʉm, bʉ̃ʉrjã iekhaba. Maimua ya chi chaai atham edta deeu pʉ iek eerdʉjugui ajim anʉm. Murua pʉrʉg mag jaau chirʉmʉn, chadcha thum mʉchdeu cha jaau chirʉmjoo aju a jaaumajim aajem, chi Ẽwandam chog ʉ̃gtharmua beetarrau.

Woun Meu

²⁰ Mamʌ mʌg murua pʌchig jaau chirʌm pʌchdëu hʌ̈k'aba habarm gaaimua, pʌ meu meraa chirsijugui hajim hanʌm, bʌ̃ʌrjã hiek'aba. Maimua ya chi chaai hat'am hedta deeu pʌ hiek heerdʌjugui hajim hanʌm. Murua pʌrʌg mag jaau chirʌmʌn, chadcha t'um mʌchdëu cha jaau chirʌmjöo haju ha jaaumajim haajem, chi Hẽwandam chog hʌ̃gt'armua bëetarrau.

San Lucas 1:20 Iomraidhean Croise

San Marcos 16:14

Maimua ãbmiecharam gaai paawai Jesuu ich khapeen once ãbam aig thach kho narr aig beewia ich oopijim aajem. Maimua iyʉʉmamua amag meeurrau sĩujim anaabá. Mag meeurrau sĩutarran, maan ich iiu phiidʉwi nʉrrʉm ootarr khʉʉnau jaau nʉmjã amach jʉ̃g theegau bʉ̃ʉrjã ʉkhaba arr gaaimuata mag meeurrau sĩujim aajem.

San Marcos 9:19

Magbaawai Jesuu ich khapeenagta magjim anaabá: —Pãrau chan jãg chaai Ẽwandamau monaaupʉijujã khĩirjubata nʉm. Pãrau jãg Ẽwandam jua theeg simjã khĩirjubamjo nʉm, ¿ich jãgta sĩi mua ãwat chitaju aai chirʉ́ pãrau oowai? ajim anʉm. ¿Khan atchata pãrau mʉ pãach dʉi chitapim ig nʉma ajim anʉm, ajapcha ʉkhaag? Magnaa, Mag chaai mʉ aig aipidut ajim anaabá amag.

San Lucas 1:19

Magbaa jũrr chi Ẽwandam chogau irig, —Zacarías, mʉʉn Gabriel a thʉ̃ʉrjemgui ajim anʉm. Mʉchta Ẽwandam garcha i bʉkhʉrr phidkhaajem. Ichdeu mʉ pʉiwiata pʉ aig mʉ beejimgui ajim anʉm, cha mʉchdeu iek jaau chirʉm jawaan.

San Lucas 1:21

Magʉmich daaugajãr õor pom Ẽwandamag jeeuwai pos thʉnarr khʉʉnau i nʉ nʉmua jũrr amach khapeenag, —Keena, ¿jãga abarmta mʉg jooi Zacarías jãg da oberchebáma? anaajim anaabá.

San Lucas 1:22

Mamʉ mag nʉm ee obercheewaijã pod õrag iekhaba, iekham ig nʉmjã sĩi juaupaita jajaau aajeejim anʉm, pod iek oberba aawai. Magbarm aigta khaugaa aphobaadejim anaabá, Ẽwandamau khãijã dau daau irig iekhachewiata mag sĩsim. Maigmua atag ich mag jooi meu meraa khersijim anaabá.

San Lucas 1:45

María, Ẽwandam chogau pʉchig jaauchetarr iek pʉchdeu ʉkhatarr gaaimua chadcha pʉʉta onee ʉrraju. Maach Por Ẽwandamau ich chog dʉi pʉrʉg jaaupʉitarr iekhan thum ichdeu jaautarrjoo chadcha obebergmajugui ajim anʉm.

San Lucas 1:64

Mamʉ mag phãnaa irua oopibarm dʉicha ĩchab ich jooi Zacarías iek eerdʉ sĩsijim anaabá. Magbaawai Ẽwandamag jeeumamua magjim anʉm: —Ʉuhcha jãg pʉchdeu jaautarrjoo abarm, Ẽwandam. Mʉ ũan chaai thaabaawaita pua mʉ iek eerdʉpiju atarr aawai ya chadcha deeu mʉ iek eerdʉ chirsim. Ĩsin chadau mʉch meukhudamaucha pʉrʉg ʉu ajim a chirʉm Ẽwandam ajim anʉm.

Romanos 3:3

Pari magtarrta, ¿jãg ãaur khʉʉnau ʉkhamaphamjo nʉmjãma? ¿Pãrau khĩirjuawai am mag nʉm gaaimua ich Jooirau aju aajerrjã chadcha magba sĩi ich mag khĩir okhooju khai?

2 Timoteo 2:13

Iruata nem magju abarmʉn, ich magta aju ich igbam khʉʉn dʉi. Maadeun dichdeu nem wauju atarr ichaau pawia wauba awiajã, ichin ich iekhatarrjo chadchata nem wau sĩerrʉm, pod ich iekhatarr meerju khaba sĩerraawai.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

Hebreos 6:18

Magta Ẽwandamau juraanaa õor dʉi iek deejem ũrwi, chadcha i seu chukhu sĩerrʉm khaphʉ nʉm gaaimuata ĩs ewagjã maach peerdʉ aumkhĩir Ẽwandam jʉr nʉm khʉʉnaun khaphʉ aajem, chadcha irua maach peerdʉ auju. Mag gaaimua i aar naaimaju khĩirjugta wai nʉm, ichdeu maach phe auju jaau simjo aju khaphʉ naawai.

Apocalipsis 3:19

Irua ichdeu õor kha khõsim khʉʉnagan meeurrau sĩunaa ĩchab wawijã wawiejem aajem. Magua puajã pʉch khaibag iseg jeeuwia khĩirdam ubʉ Ẽwandamta jʉrbamʉn, i iek pʉ gaai mas aju aajem.