San Lucas 1:2 - Wounaan Meu

² ar warrcha irua nem waubaaderr amach daúacha ootarrta õrag jaaujerr khʉʉnau maachigjã jaautarrjo.

Woun Meu

² har warrcha hirua nem waubaaderr hamach daúacha hootarrta hõrag jaaujerr k'ʌʌnau maachigjã jaautarrjö.

San Lucas 1:2 Iomraidhean Croise

San Marcos 1:1

Warrcha maach peerdʉajem iek jawaag Jesucristo Ẽwandam Iewaa beetarran mʉgta ajim aajem:

San Marcos 16:20

Magbaawai i khapeenau wetwi chadcha amachig jaautarrjo durrpierram magwe maach peerdʉajem iek õrag jaau wenʉrrajim aajem. Mag amau jaau wenʉrrʉmpierr ĩchab ich Jesuu am juag oojeejim anaabá, ag na õrau ooba aajem nempa amag waupi sim gaaimua. Magʉm gaaimuata õrau chadcha khaphʉ aajeejim aajem, amau i iekta jaau nʉm.]

San Marcos 4:14

Cha mua nem ĩgkhaadam pãrag jaaubarmʉn mʉga simgui ajim anʉm: Chi nemjĩir dau pho nʉrrarr woun, woun ãb Ẽwandam iek õor ee jaau nʉrrʉmjota sim.

San Lucas 24:48

Mag pãrauta mʉ meewia iiu phiidʉtarrjã pãach daúacha ootarr aawai pãarta chi jaauju khʉʉnaugui ajim anʉm.

San Juan 16:4

Ya mua pãrag ag nawe mag jaau chirʉmʉn, ya chadcha pãach mag am jua ee dau aphʉʉ aadeewaijã mua pãachig amau pãach dʉi magju a jaaujerr khap amkhĩraugui ajim. ’Mag mʉch gaaimua pãar dau aphʉʉ ajujã warrcha mʉch khapeenkha awaag pãar thʉ̃rkha aauwaiwe mua chadcha pãrag jaaubajimgui ajim, agtha pãar dʉi amau magju wají narr aawai; mag nʉm dʉi ĩchab mʉchcha pãar dʉi chitaawai.

Hechos 1:3

Na mʉchdeu pʉrʉg jaau chirarrjo, makhʉʉn mag ichdeucha jʉr autarr khʉʉnagta õrau i juau thõowi deeu iiu phiidʉtarr khurjã dau daau oberchewi ich oopiejeejim aajem, chadcha ich iiu chirʉm khap amkhĩir. Cuarenta días nʉm ee ich mag ich oopiejeejim aajem. Mag ich oopi simua, jãga Ẽwandamau õor ich denkha auwia ichta am Porkhaajẽ a jaaujeejim aajem amag.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

Hechos 14:25

Maig phobor Perge anʉm ee Ẽwandam iek jaau naawia, jũrr Ataliaag wetwi, amachig phidag jaautarr thum wau aaipabaadee, ich aarpaimua jap ee paaukhawia, deeu Antioquiaag beejierram aajem, warrjã mag phobor eemuata chi ʉkha durrum khʉʉn pornaanau am pʉitarr aawai. Mag Antioquía phobor eemua ajim aajem, warrjã am pʉyaagpaawai Ẽwandam iek ogkhaba jaau wenʉrramkhĩir am ʉ̃r jua ausĩunaa am kõit irig jeeu nʉʉ awi pʉitarr.

Hechos 16:6

Mamʉ Ẽwandam Akharau amag Asiapienag chan ich iek jaaupiba arr aawai sĩi warppai phʉʉrdʉ wetumua Frigiapien ee dichwi, Galacia eejã dichwi, Misia durr barimajierram aajem.

Hechos 17:11

Am iek mag phobor eem khʉʉn Tesalónicapien khãyaujã nem ajaugnaa ibebsugjã sĩsid ajim aajem. Maiguim khʉʉnaun Ẽwandam iek amau jaau nʉmjã ʉkham khõsi ʉkhawia ed eepierr Ẽwandam iek chi phãm sĩsidʉm gaaijã jʉʉrjeejim aajem, Pabloou Silas dʉimua jaau nʉm chadcha khai a khap aag.

Hechos 26:16

Jopkhaa phiidʉ dʉnʉisí, maimua mʉ iek ũrbá” ajim mʉrʉg. “Mua pʉrʉg mʉg mʉch oopibarmʉn mʉch chogkhamkhĩrau ajim, mag mʉ chog khabaadeewai pʉchdeu mʉg oobarm õrag jaaunaa ĩchab mʉg atag mʉchdeu pʉchig nem oopimampa thumaam khʉʉnag jaau chitamkhĩir.

Hechos 4:20

Marau maach daúa oonaa maach jʉ̃gʉucha ũrtarr chan pod sĩi ich jãg jaauba sĩuju aai khaba nʉmgui ajierram aajem Pedroou Juan dʉimua.

Hechos 8:4

Mamʉ ĩchab amach eugar mamagkham ee, Jerusalén phobormua deeum durrag dʉr wettarr khʉʉnau warag amach wenʉrrʉmpierr õrag maach peerdʉajem iek jaau wenʉrrajim aajem.

Romanos 15:16

Jesucristo chogkhapinaa judionaan khabam khʉʉnag ich iek jaaumkhĩirta mʉ jʉr autarr aawai. Magtarr aawai mʉ phidagan judionaan khabam khʉʉnagta maach peerdʉajem iek jaau nʉmʉu. Mag jaau chitʉmua ʉu ʉkhapi athaawai ich jãg Ẽwandamag ofrenda deejemjo muajã mag chi ʉkhamam khʉʉnta irig dee chirʉm. Pari mua mag ofrendajo Ẽwandamag dee chirʉm a chirʉmʉn, Ẽwandamau am aum khõsi aaujem igwiata mag chirʉm, ya chi Akharauta i athee wajaug paa wai sĩewai.

1 Corintios 4:1

Magua pãrau maarjã sĩi pãach ee Cristo chognaan anaa Ẽwandamau õrag ich khĩirjug jaaupiejem khʉʉnpaiu abat. Magdampai khabahab maar phidag.

Hebreos 2:3

Mag ley sĩi angelnaan gaau deepʉitarr ichaaur nem waubarm paar am dʉi maagjerrta, jãgwi maach gaaijã irua mas deeba abarju, mʉg maach peerdʉajem iek ag khãai wajapcha sim jaau nʉmta sĩi ũrbamjo abarm paar. ¿Mʉg maach peerdʉajem iek warrjã ich maach Por Cristoouchata nacha jaaubajĩ? Magtarrta ich dʉicha wenʉrrawi ũrtarr khʉʉnaujã amachdeu oowai chadcharam iek aawai jũrr maachig jaauwi maadeujã khaphʉ naabá.

1 Pedro 5:1

Ãbmiecha paawai pãar iglesia ee jooin chi pornaankha nʉm khʉʉnagjã wawí iekham khõsi chirʉm. Ya mʉchjã ĩchab jooinau amjo. Mua mʉch daúa pakuls gaai Cristo dau aphʉʉ jochkherʉm oojim; mag Cristo deeu ich jua theeg thum beem edjã mʉchjã amjo ĩchab i dʉi chiraju. Mag am wawim ig chirʉmʉn mʉgau:

2 Pedro 1:16

Ya mua mʉch khapeen agjo ich Jesuucha jʉr autarr khʉʉn dʉimua pãrag jaaujim, jãga maach Por Jesucristo jua theeg sĩerrʉ́, maimua jãga deeu i beeju. Jãg marau pãrag nem jaau nʉm chan sĩi seukha maach khĩirjug eepaim nem ĩgkhaa khabam. Maran maachta maach Por Jesuu ich dʉi Ẽwandam durrsĩ gaai phe arrtarr aawai maraun maach daúacha i jua theeg oowi i ajaugjã maach daúacha ootarr aawaita mag i jaau nʉm.