San Lucas 1:17 - Wounaan Meu

¹⁷ I gaaimuata õor ee Ẽwandamau ich jua theeg oopijugui ajim anʉm, warrgar ich i jaaumie Elías khakhitarr dʉi aajerrjo. Irua Ẽwandam i jaau nʉrrʉm ũrwia, jooin amach chaain dʉi khajap khaba wenʉrraajerr khʉʉnjã khõinaa wenʉrranaa ĩchab i iek ũrmapha aajerr khʉʉnaujã amach jooin warrgarm khʉʉn denjo i ipierraa aju, maagwai Ẽwandamau mag am Porkhaju päaiwaijã amach thãraucha khõsi i iek ũrmkhĩir a jaauchejim aajem chi Ẽwandam chogau.

Woun Meu

¹⁷ Hi gaaimuata hõor hee Hẽwandamau hich jua t'eeg hoopijugui hajim hanʌm, warrgar hich hi jaaumie Elías k'ak'itarr dʌ̈i haajerrjö. Hirua Hẽwandam hi jaau nʌrrʌm hũrwia, jöoin hamach chaain dʌ̈i k'ajap k'aba wënʌrraajerr k'ʌʌnjã k'õinaa wënʌrranaa hĩchab hi hiek hũrmap'a haajerr k'ʌʌnaujã hamach jöoin warrgarm k'ʌʌn dënjö hi hipierraa haju, maagwai Hẽwandamau mag ham Pörk'aju päaiwaijã hamach t'ãraucha k'õsi hi hiek hũrmk'ĩir ha jaauchëjim haajem chi Hẽwandam chogau.

San Lucas 1:17 Iomraidhean Croise

San Mateo 11:14

Maagwai mag i iek ʉkham khõsi nʉm khʉʉnau khaphʉ ajugui ajim anʉm, Juanan warrgarm profeta Elías aajerr beeju jaaujerr kõit pʉiwiata jãg nʉrrajim.

San Mateo 3:3

Mamʉ maan Juanau mag jaau nʉrraju igwiata chi Ẽwandam i jaaumie Isaías khararrau Ẽwandam iek phãawaijã mag phãjiebma: “Woun ãb ajappai õor barba aajem aar sĩejemuata, ich aar õor barbaimaawai, ‘Maach Poron ya beeimʉʉ sim’ a jaau nʉrraju. ‘I beeju nawe pãach thãar khĩir khaugbat’ aju, ‘thãraucha khõsi i iek ʉkhaag’ ” a phã sim. (Is. 40:3)

San Mateo 3:4

Ich chi Juan khajũa camello khaar denta kha sĩejim aajem; maagwai i ãi jʉ̃ajemjã nemheu den ajim aajem. Ichin pabʉ ee asphitjo sim langosta anʉmta pa miel dʉi kho nʉrrʉm iiuta sĩejeejim aajem, tag deeum nem khoojem chukhu aawai.

San Lucas 1:16

Mag chaai jooipawia Ẽwandam iek jaaubaadeewaita israelnaan khapaana ãsie amach mor khĩirjuwia deeu eeupemjo maach Por Ẽwandam iek ʉkhajurau, warrgar amach jooinau ʉkhaajerrjo a jaaumajim aajem.

San Lucas 1:76

Mag nacha Mariaau chaai ooju igwia iekha dichtarr khur jũrr ich chaai igmamuata jooirau magjim anʉm: “Iewaadam, pʉʉta Cha Ʉ̃gthaa Phuu Nʉm ag i jaaumie a thʉ̃rju. Puata maach Por maju ee i na õrag, ‘Maach peerdʉajem ya beeimʉʉ sim’ a jaaumaju, ya mag jaaubarm ũrwia õrau i pierrwai amach thãraucha khõsi i iek ʉkhamkhĩir;

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 1:34

ĩsin chadau mua i khaphʉ chirʉmgui ajim, mag mʉchig jaautarrjo beewi i gaaita jupbaichem mʉch daúacha ootarr aawai. Maguata ĩchab mua khaphʉ chirʉmgui ajim Juanau Jesús igwia, i chadchata Ẽwandam Iewaau.

San Juan 3:28

Pãach jʉ̃gʉucha khabá pãrau ũr naajimgui ajim anʉm, ar mua “Mʉ chan warrgarwe ich Ẽwandamau pʉiju a jaaujerr khaba, sĩi i beeju na i jaau chitʉmʉu” a chiraawai. Magua mag i aarta ʉ̃rcha õor phẽphẽeu awiajã mʉ onee chirʉmgui ajim anʉm.

Hechos 10:33

Mag mʉchig jaaubaicheewaita mua õor pʉijimgui ajim anʉm, pʉ awaan mamkhĩir. Mag, ĩs ʉu pʉ barbaichemgui ajim aajem Cornelioou Pedroog. Ẽwandam dakhĩir maar mʉig ãba biirdʉwia pʉʉta nʉ nʉmgui ajim anʉm, pʉrʉg Ẽwandamau ich iek marag jaaupi sim ũraag. Ĩsin chadau marag jaaubá ajim aajem Cornelioou.

Romanos 9:23

Ich agjo ĩchab ich wajaug oopieg maach chi thʉ̃rkha autarr khʉʉnjã khaibag ee pʉiba sĩi eeg oowai, khaíu i ichaaur abarju. Ichiita ich aar awaag ichdeu thʉ̃rkha aum aig thʉ̃rkha auju aai sim, judionaan wa judionaan khabam khʉʉn awiajã.

Colosenses 1:12

Maagwai pãrau onee ich Jooi chi Ayagjã ʉu ajim aju. Ichdeuta pãachjã warm khʉʉn agjo ya ʉkha wenʉrrʉm khʉʉn dʉi ãba ich aar auju ayaa apʉinaa pãach ich denkha naawai pãar dʉijã ʉu aju.

2 Timoteo 2:21

Mua pʉrʉg jaaukhim, mʉ iek ũrbá: Maach chan mʉg nʉm aig sĩi parhooba jua chogaag atheem nemjo khaba, nem wajapha wau nʉm gaaita maach Por Cristoog ʉdʉraa dichta ich jua choogjem khapiju aai nʉm. Mamʉ magaagan i dau na bʉ̃ʉrjã khaibag chukhuta naaju aai nʉm. Mag khaibag chukhuta nʉmʉn chadau, irua ichdeu igam aig maach igju, ich athee nem wajapha waumkhĩir.

1 Pedro 2:9

Pari pãar chan Ẽwandamau mag isegbam. Pãran ich Ẽwandamauchata ich chaain khamkhĩir ich garmua jʉr autarr khʉʉnau. Pãarta phadnaanau aajemjo õor kõit jeeujem khʉʉn khabahab, maach Rey Cristoou sĩi ich atheepai nem waumkhĩir jʉr autarr khʉʉn. Pãarta warr khĩchag eemjo naajerr khʉʉn Ẽwandamau ich iek ʉkhapi athamua araragag obeer autarr khʉʉn khabahab, mag pãach ararag ee obeer autarr Ẽwandam chadcha õor dʉi ajapha khitʉmta jũrr deeum khʉʉnagjã jaaumkhĩir ich õorkha autarr khʉʉn.

1 Juan 2:28

Chaaina, deeu pʉaba muan pãragan, Cristo dʉita ogdʉba nʉisit a chirʉm, maagwai deeu i beewaijã i ogkhaju khãyau warag chigag chukhu i dʉi naag.

Apocalipsis 20:4

Maimua khu juupjem khapan thʉnʉmjã mua oojim. Ag gaai ohood aphobaadejim, amach garmua warm khʉʉn khaibag waumkhĩir wa am kõit khãijã iekhamkhĩir ich Jooirau iek theeg apitarr khʉʉn. Ĩchab maig naajim, Jesucristoou Ẽwandam iek jaautarr ʉkhawia jũrr amach paarmua jaau durrum gaaimua chikhamnau o thʉrrphe khechtarr khʉʉn akhaar. Makhʉʉnta ĩchab mag phũas eemua khum chi jojothorjo sim oberchetarragjã jeeuba ni amach dag gaai wa jua gaai khãijã i thʉ̃r phãpiba arr khʉʉnau. Makhʉʉnta deeu iiu nʉisiwi Cristo dʉi ãba mil años chi pornaankha nʉisijim.