San Lucas 1:10 - Wounaan Meu

¹⁰ Mag ich thʉ̃rta obertarr aawai ierr Ẽwandamag incienso phaajem ag nasãd wau kherʉm aar simich, daaugajãr amach biirdʉajem aigpaita sĩi õor pom Ẽwandamag jeeu khodthʉnaajim aajem.

Woun Meu

¹⁰ Mag hich t'ʌ̃rta höbërtarr haawai hierr Hẽwandamag incienso p'aajem hag nasãd wau k'ërʌm haar simich, daaugajãr hamach biirdʌajem haigpaita sĩi hõor pöm Hẽwandamag jëeu k'odt'ʌnaajim haajem.

San Lucas 1:10 Iomraidhean Croise

Hebreos 4:14

Mamʉ ich jãg warrgar phadnaan porou õor kõit Ẽwandamag jeeujerrjo, ĩsjã agjo maach kõit iekhaajem chaar wai nʉm; ajapcharan ich Ẽwandam Iewaama. Ichta mawi ʉ̃gthar sĩejem, mammua maach kõit iekhaag. Maguata maachin maachdeu i iek ʉkha nʉmta warag ogdʉba ʉkhanaa ag gaaita ubʉ wenʉrraju aai nʉm.

Hebreos 9:24

¿Jãgwi? Cristoou sĩi õrau di eutarr eepai dubba, warre Ẽwandam dʉi khĩircha maach kõit iekhaag ʉ̃gtharchata dubtarr aawaima. Mʉig eegarm khʉʉnau nem waaujerran sĩi ʉ̃gthar jãga sĩerrʉ́ a jaau nʉm den chi seudampai ajim.

Apocalipsis 8:3

Mag warm khʉʉnag jigtarr khur deeum Ẽwandam chog beewia, deeum incienso phaajem phĩr den bʉ̃rʉʉ phurii khitʉm jua ee waibeewi, agjo ich ag phaajem nasãd ʉ̃gthaa wau sim khĩirphee dʉnʉʉuchejim. Mag i dʉnʉʉubaicheewai warag irig incienso pom deejim, Ẽwandam chaainau jeeu durrum iek dʉi khajapham nemjo pomaacha waaureunaa mag phĩr den nasãd wau sim gaai phaamkhĩir.