San Lucas 1:1 - Wounaan Meu

¹ Teófilo, khapeer wʉjʉu: Mʉg ẽsap gaai murua pʉrʉg jawaagpam Jesuu õrag iekhamatarr dʉi irua nem waumatarrpa ãba. Pua khaphʉ sim, jũrram khʉʉnau ich mʉg iekpai phã ẽkha nʉm warrpem irua nem waubaaderr aarmua irua nem jaaumatarrpa. Maadeu khaphʉ nʉm, magʉm thum chadcha ajim. Maagwai õraujã thum ich ag iekpai maach ee khakhapdo wejom,

Woun Meu

¹ Teófilo, k'apeer wʌ̈jʌ̈u: Mʌg hẽsap gaai murua pʌrʌg jawaagpam Jesuu hõrag hiek'amatarr dʌ̈i hirua nem waumatarrpa hãba. Pua k'ap'ʌ sim, jũrram k'ʌʌnau hich mʌg hiekpai p'ã hẽk'a nʌm warrpem hirua nem waubaaderr haarmua hirua nem jaaumatarrpa. Maadëu k'ap'ʌ nʌm, magʌm t'um chadcha hajim. Maagwai hõraujã t'um hich hag hiekpai maach hee k'ak'apdö wëjöm,

San Lucas 1:1 Iomraidhean Croise

San Marcos 16:20

Magbaawai i khapeenau wetwi chadcha amachig jaautarrjo durrpierram magwe maach peerdʉajem iek õrag jaau wenʉrrajim aajem. Mag amau jaau wenʉrrʉmpierr ĩchab ich Jesuu am juag oojeejim anaabá, ag na õrau ooba aajem nempa amag waupi sim gaaimua. Magʉm gaaimuata õrau chadcha khaphʉ aajeejim aajem, amau i iekta jaau nʉm.]

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

Romanos 14:5

Jũrr deeum ejemplo pãrag jaaukhim: Ee pogkha maach khapeenau jaauwai, Ẽwandamag jeeuju ed sim aajem; mag edta ʉ̃rcha irig jeeuju aai nʉm aajem. Pari jũrr agjo warm khʉʉnau mag khaba, Ẽwandamag jewaagan parhoobam ed awiajã thum ich agjopai sim aajem. Pari jãiguin wajapcharan pua khĩirjuawai chadcha magta aju aai sim khai, magan khan gaaimuata magju aai nʉmjã khaphʉ aju aai sĩ.

Romanos 4:21

Irua khaphʉ sĩejim, chadcha Ẽwandam jua theeg sim, ichdeu nem magju atarr wawaag.

Colosenses 2:2

Mag Ẽwandamag jeeu nʉm gaaita ogdʉba chiraajemʉn, pãach thãar onee amkhĩrau, ich jãg agdaujo dich khapeen kha khõsi wenʉrrʉmua warag khĩirjug paarpamaawai Ẽwandamau ich appaimua khaphʉ sĩerrta pãachdeujã ajapcha khaugmamkhĩir; ajapcharan pãar maar meeun khabam khʉʉnagjã Cristota ajapcha khap amkhĩirma.

Colosenses 4:12

Mag tag ĩchab pãach aram woun Epafras Jesucristo chogkha phidkha khitʉmuajã pãrag salud deepʉi sim. Ich mag ichdeun pãar kõit Ẽwandamag jeeu khitaajem, pãachdeu ʉkhatarr iek gaai ubʉnaa thumaa ich Ẽwandamau khõsimjota waumkhĩir.

1 Tesalonicenses 1:5

Marau pãar aar Ẽwandam iek jaau wenʉrraawai sĩi maachdeu jaaum khõchgaupai khaba, ich Ẽwandam Akhaar ag jua theegau jaaupibaawai ajim; maimua mag nʉm dʉi ĩchab chadcharam iekkha sim maachdeujã khaphʉ nʉisiewai ajim. Pãrau khaphʉ nʉm, jãga pãar ee maar wenʉrrajĩ, pãach ʉu wajapha wenʉrramkhĩir.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

2 Timoteo 4:17

Amau bʉ̃ʉrjã mʉ khaigperbajierrab mamʉ, maach Por Jesuuta chadcha ʉu mʉ eeg oowia mʉrʉg ich juapadamjã deejim. Mag gaaimua ʉu mua khĩirdam ubʉ maach peerdʉajem iekjã jaauwi parhooba judionaan khabam khʉʉnaupa ũrjierram. Mag, maach Por Ẽwandamau ʉu mʉrʉg juapadam deewiata, khum i ee chirʉmjo chirarrjã, ʉu mʉ peerdʉjim.

Hebreos 10:22

Mag chadcha Cristoou ich bagauta maach ajaug paabarm dʉi phadnaanau chi ʉ̃rʉmpai ʉpʉiwi Ẽwandamag jewaag ajaug paajerrjo ich Ẽwandam Akharauchata maach thãar ajaug paawi dooujã ajap ʉtarrjo naawai, warag thãraucha Ẽwandam jʉrtarrau keena, bʉ̃ʉrjã irua maach isegjujã khĩirjuba.

Hebreos 6:11

Muan ich jãgta pãrag pãach hermanonaan pãach denjo ʉkha nʉm khʉʉndam daupii wenʉrrapim khõsi chirʉm, ich jãg pãachdeu am dʉi nʉmjo, mag wenʉrrʉm gaaimua pãach i dʉi naaimaawai Ẽwandamau pãachig deeju khĩirju nʉmjã ich ag ee chadcha pãachdeu khĩirju nʉmjo obermkhĩir.