Magua pãade mʉ iek ũrbat ajim anʉm: ãbmua khãijã ich patronau ichig nem jaau pʉatarr khaphʉ simta, degolp ich oochejujã khĩirjuba, ni bʉ̃ʉrjã irua nem khõsim nemjã waubamʉn, mag patronau ich beem ed i gaai mas deejugui ajim anʉm, bʉ̃ʉrjã dau aug khaugba. Ich agjota ajugui ajim anʉm ĩchab Ẽwandamau, ar ajapha wenʉrraju khaphʉ nʉmta nem khaigba waaujem khʉʉn gaai.
San Juan 9:41 - Wounaan Meu41 Magbaawai Jesuu, —Pãar chadcha dau khĩsu naawaita jãg naakhiin, pãar pãach pekau gaaimua kulp pomcha khaba naakhamgui ajim. Mamʉ magba pãar iek mag wajapha khaphʉ nʉm anʉmta juau jãg nem khaigba waum khõchgau mʉ igbam gaaimuata, pãar Ẽwandam dʉi iekkhõr pooma nʉmgui ajim Jesuu amag. Faic an caibideilWoun Meu41 Magbaawai Jesuu, —Pãar chadcha dau k'ĩsu naawaita jãg naak'iin, pãar pãach pekau gaaimua kulp pömcha k'aba naak'amgui hajim. Mamʌ magba pãar hiek mag wajap'a k'ap'ʌ nʌm hanʌmta juau jãg nem k'aigba waum k'õchgau mʌ higbam gaaimuata, pãar Hẽwandam dʌ̈i hiekk'õr pöoma nʌmgui hajim Jesuu hamag. Faic an caibideil |
San Juan 9:41
9 Iomraidhean Croise
Mag numí Ẽwandamag jeeu narr khʉʉn jaau dichwia, chi aig ich iek ũr narr khʉʉnag magjim aajem: —Ichdeupai Ẽwandamag ichta chi ajapham a chirarr khãyau, ich dau aug khaugpi jeeutarr wounta jũrr Ẽwandam dau na ag najã ich mag bʉ̃ʉrjã khaibag chukhu aajerrjoo sĩebahab ajim anʉm. Mamʉ ar amach thowia chikham dʉi athuucha aajem khʉʉn, jũrr mʉg atag paawai am Ẽwandamag chaigpa oo sĩsidʉ abarjugui ajim anʉm. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta, jũrr mʉg atag paawai, Ẽwandamau warm khʉʉn khãyaujã ʉ̃rpai apiju a jaaumajim aajem.
Mamʉ magba maadeuta mʉg Ẽwandamau maach peerdʉ aaujem iek wajapha khaphʉ narrta, juau ogthom i iseg nʉm iekhau parhooba nem wau nʉm gaaimua ũwaai warr i khaugba aawai naajerrjo ich mag parhooba wenʉrrʉm chan, magan Cristoou parta maach gaaimua ich thõopibarmjo ajim, maadeu irig maach peerdʉ aupiba naawai.
Sanasan