San Juan 9:24 - Wounaan Meu

²⁴ Magbaawai i iek chi thethemnaanau deeu ichchata thʉ̃r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pom sĩerrʉm.

Woun Meu

²⁴ Magbaawai hi hiek chi t'et'emnaanau deeu hichchata t'ʌ̃r haunaa, —Chadcha Hẽwandam dak'ĩir meerba marag jaaubá hajierram hanʌm. Hoob Jesuuta pʌch monaaujim ham. Marau k'ap'ʌ nʌmgui hajierram hanʌm, jãan pekau pöm sĩerrʌm.

San Juan 9:24 Iomraidhean Croise

San Marcos 15:27

Mag i meerphebapʉim dʉi ĩchab agjo nem jĩgkhaajem khʉʉn numí amach khĩkhĩetdo i bigaau pakuls gaai meerphegkhapʉijierram aajem: ãb i juachaar gar, maagwai ãbakhai i juawe gar. [

San Lucas 15:2

Magbaawai chi ajapha Ẽwandamau Moiseeg iek phãpitarr ʉʉrkhaajem khʉʉn, maimua ag iek jawaag athee chi machnaan dʉimua Jesús igwia, —I den mʉg wounau chan pekau pom sĩsidʉm khʉʉn awiajã isegba ich jãg warag am dʉi thach kho nʉrraajem anaajim aajem.

San Lucas 19:7

Mamʉ chi dʉi wenʉrrarr khʉʉnau oowai, Jesús Zaqueo degta jẽerimaag waaidʉbaadem oobaawai, thumaam khʉʉnau, —Keena, pãade oobat. Jesuun, pekau pooma sim degta waaidʉbaademwai anaajim anʉm.

San Lucas 7:39

Chi Jesús thʉ̃rpʉitarr wounau mag oobaawai ich odegpai, “Mʉg woun chadcha Ẽwandam i jaaumie chaar akhiin, irua warre khaug aukhamgui ajim anʉm, khanim ʉʉirauta jãg ich bʉ gaai pʉrbaiche. Majã pekau pooma simua ich gaai pʉr simta bʉ̃ʉrjã khaugba simgui” ajim anʉm ich odegpai.

San Juan 14:30

’Mepeerta mag mʉ khãai ʉ̃rpai sĩewai khabam, pari mʉg jẽb gaai ichta chi porkha sĩerrʉmua ich õor pʉiwia mʉ pʉr awaan wedurum aawai ya pomcha pãar khĩir chitabajugui ajim.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 18:30

Magbaawai amachdeu chi Jesús igwia, —Mʉg woun õor khaigbam khaba akhiin, pʉ aig marau i wai beebakhamgui ajierram, i khaibag waupi jaaumkhĩir.

San Juan 19:6

Mag amach dakhĩir daaugajãr dʉnʉʉubaichem oobaawai chi phadnaan pornaanau guardianaan Aai i jeeujem di thʉajerr khʉʉn dʉimua ũwaai sereu phobaadewi warre pa gaaita meerphepi jajaau aajeejim. Magbaawai chi Pilatoou amag, —Í chadcha khaigba khaba sĩewai mua chan i dichbamgui ajim. Warrwia pãachdeuta pãachdeu jaau nʉmjo pa gaai i meerphepʉijurauma ajim.

San Juan 5:23

mag gaaimua ich jãg mʉ Aai tho iyʉʉ aajemjo mʉch chi Chaaijã agjo thumaam khʉʉnag tho iekhamkhĩir. Mag sĩewai mʉch chi Chaairagjã eenaa wajapha mʉ tho iekhaba nʉm khʉʉnau chan magan mʉ Aaijã thoba nʉmgui ajim, ichdeu mʉ pʉitarrta mʉ mʉg chitʉmjã igba naawai.

San Juan 8:46

Pãar mʉg thʉnʉm ee, ¿khaíu bʉ̃ʉrjã seukhaba mʉrʉg, “Pʉ pekau wai sim” aju aai sĩ? ajim amag. Mʉ chan bʉ̃ʉrjã pekau chukhu chitʉmgui ajim. Mag chitaawai muan chadcha nem agchata jaau chitʉm. Pari magʉmjã ¿jãgwi pãrau ʉkhaba aajemma? ajim.

San Juan 8:49

Magbaawai Jesuu, —Mʉ dosãtau por meuba chirʉmgui ajim. Mʉg chitʉm aiguin mʉʉn sĩi mʉch Aaita tho iekha chitʉm. Pari maagwai jũrr pãrau mʉ Aaijã ogkhaba, warag mʉchta dosãtaujã por meu chirʉm aajemgui ajim.

San Juan 9:16

Irua magbaawai chi fariseonaan ee ãaur khʉʉnau, —Chi pʉ dʉi magtarr woun chan magan Ẽwandamau pʉitarr khabam; maguata mʉg jua ʉ̃ʉijem edjã ʉʉrkhaba simgui ajierram aajem. Pari maagwai jũrr ãaur khʉʉnau, —Pari i Ẽwandamau pʉitarr khaba akhiin, ¿jãga irua jãg Ẽwandam jua theegau õor monaaubarju? Pekau paraam khʉʉnau chan pod i denjo jãgbamgui aajeejim anʉm. Amach magphobaadem gaaimua warag amach eepaijã ihãba iekhaba nʉm iekhau

San Juan 9:25

Magbaawai ichdeu, —Mua chan khaugba chirʉm, í mag pekau pom sĩ wa pekau chukhu sĩ a chirajim aajem irua. Ãba mua khaphʉ chirʉmʉn, warr chadcha mʉ dau khĩsu chirajim, pari magtarrta ĩs mua wajapha oo chirʉm. Maata mua khaphʉ chirʉmgui ajim anʉm amag.

Romanos 8:3

Wajapcharan mʉgta ajim: Moiseeu phã pʉatarrau pod pekau jua eemua maach khaigper aubajim, mag pekau maach dʉi thaabatarr gaaimua pod mag ley ʉʉrkha auba arr aawai. Pari Ẽwandamau magbajim. Ẽwandamaun ich Iewaachata maach wounaan khĩir thegwia pʉijim. Mag ich mʉg maach chi pekaupanjo khitajieb mamʉ, bʉ̃ʉrjã pekau waubajim. Mag pʉiwia maach khaibag kõit thõopibarmua, maach gaai aju arrta warag ich Chaai gaaita ʉdʉraa mas apijim, magbarmuata jũrr mag pekau maach dʉi jua theeg sĩerrta warre jua theeg chukhu apäaig.

2 Corintios 5:21

Cristo chan bʉ̃ʉrjã pekau wauba khitajim; pari mag khitarrta, Ẽwandamau ʉdʉraa i thõopijim maach thumaam khʉʉn kõit, ichta mag pekau wauwia chi ikhʉ arrjo; i dʉi magbarmua jũrr maach denta chugpaabapäaiwai pekau chukhu narrjo nʉisimkhĩir.

Apocalipsis 11:13

Am mag ʉ̃gthar paaukhabaadem ee ʉʉur theega duuibaademua phobor eem dijã di khapan sĩi dʉrbagkhaju. Mag di chʉabagkhabarmua õor siete mil warre khechju. Magbaawai mag ʉʉurʉu khechba ʉu iiu nʉisim khʉʉnau ĩchab jãphierr durrumua Ẽwandam ʉ̃gthar kheraajem tho iekha nʉmua irig, “Ẽwandam, pʉchta chadcha emkhooirau; pʉjom chan ni ãbjã chukhum” ajurau, jãphierr nʉm iekhau.