San Juan 9:22 - Wounaan Meu

²² Pari amau jaaumapha magpai jaau narran, ar Jesús igwiata chadcha ich warrgarwe pʉiju aajerrta jãg nʉrrʉm a iekha nʉm khʉʉnan judionaan chi thethem khʉʉnau Ẽwandam iek jaaujem degjã tag dubpiba aag ya ibep nʉm khaphʉ narr aawaita magpai jaau naajim anaabá.

Woun Meu

²² Pari hamau jaaumap'a magpai jaau narran, har Jesús higwiata chadcha hich warrgarwe pʌ̈iju haajerrta jãg nʌrrʌm ha hiek'a nʌm k'ʌʌnan judionaan chi t'et'em k'ʌʌnau Hẽwandam hiek jaaujem degjã tag dubpiba haag ya hibëp nʌm k'ap'ʌ narr haawaita magpai jaau naajim hanaabá.

San Juan 9:22 Iomraidhean Croise

San Lucas 6:22

Onee abat ajim anʉm, mʉch chi Emkhooi Iewaa iek ʉkha nʉm gaaimua pãach chikhamnau kha ukhurnaa amach aigmua khãijã warag di chaaur pãach jʉʉrwai. Onee abat, chikhamnau pãach wau iekhamamua khãijã, “Jãg woun chan õor ajapham khabam” a iekhaawai.

San Juan 1:19

Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

San Juan 16:2

Ya amauta pãar dʉi magphobaademʉn, pãran amau amach eemua jʉr werppʉiwia amach culto waaujem eejã tag dubpibajugui ajim. Mamag nʉʉ awia juauchajã pãar khechmaju. Mag pãar khech nʉm khʉʉnau amachdeupain Ẽwandamau pãar dʉi magpi sĩewaita mag nʉm ajurau.

San Juan 19:38

Amau i dʉi mamag khaawai ĩchab sĩejim woun ãb José a thʉ̃r sĩerr. Chi José phobordam Arimatea anʉm eem ajim. Ichdeujã ĩchab nawe Jesuu nem jaaujerr thãraucha ʉkhaajerrta, tagam judionaanag ich khaugpim okho aajeejim, ich dʉi khaigbaju khĩirjuwia. Pari maagjerrta mag ya chi Jesús meebaadem khaug athaawai Pilato aar mawia irig jeeuwimajim aajem, Jesús chi meemdam eeg pawia arraag. Magbaawai Pilatoou irig arrju aai sim abaawai eeg paa auwia athaadejim.

San Juan 20:19

Ich ag edpai ya edau kheubaadem ee, maar ich Jesús dʉicha wenʉrraajerr khʉʉn ãbam aig ãba biirdʉ naajim. Pari mag biirdʉ nʉmjã judionaan chi thethemnaan okgau puertdi phãarkha wai naajim. Mag nʉm eeta, dubbaichemjã ooba arrta, degolp ich Jesuuta maar jãrr dʉnʉʉubaichewia, —¿Jãgpai nʉ keena? Oob jãphierrmiet; mʉ khabahab aichejim.

San Juan 7:13

Pari mag iekha nʉmjã sĩi parhooba thumaam khʉʉnag ũrmkhĩir khaba, amach appaita mamag aajeejim anaabá, magʉm gaaimua judionaan chi pornaanau jũrr amach dʉita khaigbaju khĩirjuwia.

San Juan 9:18

Pari mag dau khaugba khitarrta dau wajapha monaau sĩsimjã judionaan chi pornaanau ʉkhamapha naajim anaabá. Mag ʉkhamaaugau, i iek warag i dennaanta thʉ̃rkha auwi amagta,

San Juan 9:21

Pari i dau monaautarr chan marau khaugba nʉm, jãga awiata ĩs jãg dau wajapha sĩsi, ni khaíuta i dau monaaubarm khai. Ichigchata jeeubat ajierram anʉm. Ya i chi jooi aawai ichdeuta irua pãrag jaauju aai sĩebá ajierram aajem amag.

San Juan 9:34

Amachig magbaawai sereu phobaadewi irig, —Pʉ sĩi dau aug pekau pom thaabatarrta, ¿khani mag sĩma? ¿Wa puata maar khãaijã khapcha sĩwa ajierram anaabá, marag jawaag? Maimua tag Ẽwandam iek jaaujem degjã dubpiba, warag amach aigmua i jʉrpʉijierram aajem.

San Juan 9:35

Chi judionaanau mag woundam dʉi magtarr Jesuu khaug athajim. Maimua ag khur chi woundam oobaimaawai ich Jesuu irig, —¿Pua chadcha Emkhooi Iewaa iek thãraucha ʉkha chirʉ́? a jeeujim.

Hechos 4:18

Maimua mag khĩirju auwia, deeu amach aig thʉ̃rkha aunaa, chadcha amag tag bʉ̃ʉrjã Jesús igwia nem jaaupiba jaaujierram aajem.

Hechos 5:13

Mamʉ chi ʉkha nʉm khʉʉn amach ap mag poposkhamjã, jũrr chi ʉkhaba narr khʉʉnaun warag am kha jõiju ogkha naajeejim anaabá, eeu degolp amachdeujã Ananiaau Safira dʉimua arrjo abaawai ich agjo khechju khĩirjuwia. Mag am kha jõiju okho naajieb mamʉ, khajapha am ig iyʉʉ aajeejim aajem.

Hechos 5:40

Magbaawai chadcha Gamalielau jaau sĩerrjo ajierram aajem. Maimua chadcha Pedro Juan dʉi daaugajãr narr deeu ierrag thʉ̃rkha auwia, wʉkhanaa, tag amag bʉ̃ʉrjã Jesús igwia nem jaaupiba jaaujierram aajem. Mag wʉkhanaan chadau am wetamkhĩir pʉapʉijierram aajem.

Apocalipsis 21:8

Mamʉ mʉ iek jawaag khuwʉʉm khʉʉn, mʉ iek ʉkhaba aajem khʉʉn, mua khõchkhabam nem waaujem khʉʉn, juau õor thõojem khʉʉn, dich õor khabam dʉi khapes aajem khʉʉn, benkhʉʉn, parhooba juau nem wautarragta mʉrʉgamjo jeeujem khʉʉn, maimua thum õor seu paraam khʉʉn, magʉm khʉʉnan thum thʉrrdo õtdau azufre dʉi waaureu uu wejom eeta mua barkhʉʉipʉijugui ajim. Mamta biek numiimua paawai thõo chaarcha thõ nʉmʉugui a iekhajim.