San Juan 9:18 - Wounaan Meu

¹⁸ Pari mag dau khaugba khitarrta dau wajapha monaau sĩsimjã judionaan chi pornaanau ʉkhamapha naajim anaabá. Mag ʉkhamaaugau, i iek warag i dennaanta thʉ̃rkha auwi amagta,

Woun Meu

¹⁸ Pari mag dau k'augba k'itarrta dau wajap'a monaau sĩsimjã judionaan chi pörnaanau hʌ̈k'amap'a naajim hanaabá. Mag hʌ̈k'amaaugau, hi hiek warag hi dënnaanta t'ʌ̃rk'a hauwi hamagta,

San Juan 9:18 Iomraidhean Croise

San Lucas 16:31

Magbaawai Abranau irig magjim aajem: “Mamʉ amau mag Ẽwandam iek chi phãm wai nʉm gaai jaau sim ʉkhaba nʉm chan, magan ãb meewia deeu iiu phiidʉwia amag jawaan makhiinjã, amau ʉkhabajugui” ajim aajem, chi rik arrag.

San Juan 1:19

Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

San Juan 5:44

¿Jãga pãrau mua nem jaau chirʉm ʉkhabarju ajim, jãg Ẽwandam ichta ãbpai khitʉmta pãachdeu nem wau nʉm gaaimua onee apiju khĩirjubanaa ãba pãach khapeenagpaita pãach thopim khõsi thʉnʉm?

San Juan 9:19

—¿Chadcha mʉg woun pãar chaairá? ajim anʉm. ¿Pãachdeujã pãrau chadcha bi eeweta dau khaugba thaabajim anʉ́? Magtarrta ¿jãga ĩs jãg dau wajapha oo simma? a jeeujierram aajem chi dennaanagcha.

San Juan 9:22

Pari amau jaaumapha magpai jaau narran, ar Jesús igwiata chadcha ich warrgarwe pʉiju aajerrta jãg nʉrrʉm a iekha nʉm khʉʉnan judionaan chi thethem khʉʉnau Ẽwandam iek jaaujem degjã tag dubpiba aag ya ibep nʉm khaphʉ narr aawaita magpai jaau naajim anaabá.

Hebreos 4:11

Maguata maachin Ẽwandam iek jaau nʉm maachdeu ũrtarrta warag ogdʉba ʉkha nʉmua mag i dʉicha naaimajuuta ẽkhaju aai nʉm, ni ãbmuajã israelnaanau Ẽwandam iek ʉkhaba arrjo aba.