San Juan 9:16 - Wounaan Meu

¹⁶ Irua magbaawai chi fariseonaan ee ãaur khʉʉnau, —Chi pʉ dʉi magtarr woun chan magan Ẽwandamau pʉitarr khabam; maguata mʉg jua ʉ̃ʉijem edjã ʉʉrkhaba simgui ajierram aajem. Pari maagwai jũrr ãaur khʉʉnau, —Pari i Ẽwandamau pʉitarr khaba akhiin, ¿jãga irua jãg Ẽwandam jua theegau õor monaaubarju? Pekau paraam khʉʉnau chan pod i denjo jãgbamgui aajeejim anʉm. Amach magphobaadem gaaimua warag amach eepaijã ihãba iekhaba nʉm iekhau

Woun Meu

¹⁶ Hirua magbaawai chi fariseonaan hee hãaur k'ʌʌnau, —Chi pʌ dʌ̈i magtarr woun chan magan Hẽwandamau pʌ̈itarr k'abam; maguata mʌg jua hʌ̃ʌijem hedjã hʌʌrk'aba simgui hajierram haajem. Pari maagwai jũrr hãaur k'ʌʌnau, —Pari hi Hẽwandamau pʌ̈itarr k'aba hak'iin, ¿jãga hirua jãg Hẽwandam jua t'eegau hõor monaaubarju? Pekau paraam k'ʌʌnau chan pöd hi dënjö jãgbamgui haajeejim hanʌm. Hamach magp'öbaadëm gaaimua warag hamach heepaijã hihãba hiek'aba nʌm hiek'au

San Juan 9:16 Iomraidhean Croise

San Mateo 12:10

Mag Aai i jaaujem deg woun ãb jua jʉser khitʉmjã sĩejim. Amach chi fariseonaanau Jesús ipeerdʉwi nem agcha khaba jaaubarm gaaimua i imeraa pʉr auju ẽkhaajerr aawai, juau ogthom irig, —¿Jua ʉ̃ʉijem ed awiajã, õor mor masim khʉʉn monaauju aai sĩ? a jeeujierram.

San Mateo 12:2

Maig ĩchab fariseonaanjã dʉi narr aawai mag oowi ich Jesuugta, —Pʉde oobá, jua ʉ̃i nʉm ed aawai bʉ̃ʉrjã phidkhaju khaba nʉmta, pʉ khapeenau jãg trigo phierrnaa kho wenʉrrʉm. ¿Pua chan khaugba ab, jãgpai phierr nʉmjã nem pom eeu nʉm dʉi ãba sim? ajierram irig.

San Lucas 13:14

Mamʉ magbaawai mag amach ãba biirdʉ nʉm ag degam chi porkha sĩerr Jesús dʉi meeukhabaadewia jũrr khĩir mor chigpai õragta, —Seman gaai seis diaspai phidkhaju aai nʉmgui ajim anʉm. Mag seis diam een chadau pãadeu beewia pãach monaaupibat ajim anʉm. Mamʉ oob mʉg sĩi jua ʉ̃i kheeujem ed khabajupama ajim anʉm.

San Juan 10:19

Pari chi judionaan chi pornaanau Jesuu mag iekhabarm ũrbaawai, amach pem aawai, deeu ũwaai sĩi chum aaiphur iyʉʉ ihãbajã khaba nʉisim iekhau,

San Juan 14:11

Magnaa deeu maach thumaam khʉʉnag, Chadcharau keena; mʉ chadcha mʉch Aai dʉi chirʉm, maagwai ich mʉ Aaijã mʉ dʉita simgui ajim. Mua mag jaau chirʉm pãrau ʉkhamapha nʉm khai, sĩi mua nem wau chirʉm gaaimua khãijã chadcha Ẽwandam mʉ dʉi sim abat ajim.

San Juan 15:24

Õrau ag na wauba aajem nempa mua am dakhĩir waujimgui ajim, magʉm gaaimua khãijã ʉkhamkhĩir. Mua mag wauba arr akhiin, amachdeu mʉ isegtarr gaaimua chadcha am Ẽwandam dʉi iekkhõr chukhu naakham. Pari ya amach daúacha mag ootarrjã ʉkhabanaa warag mʉ oomap nʉm aig, ich chi mʉ pʉitarrpata oomapha nʉmgui ajim.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 5:10

Moiseeu phã pʉarr iek wajapha ʉʉrkhaajerr khʉʉnau irig, —Ĩs chan pua jãg put chʉgag jiir wai nʉrraju khaba simgui ajim anaabá.

San Juan 5:36

Pari Juanau sĩi idamaupai jaau nʉrraajerr khãai mua wajapcharam wai chirʉmgui ajim, aguata Ẽwandamau mʉch pʉijim a khap apieg. Ma, õrau ag na nem mag ooba aajem waaujem ag jua theegaugui ajim. Mag jua theegau mʉ Ayau nem khĩir pogkhe waupi jaautarr aawai, õor dakhĩir mag waauwai, chadcha ichdeuta mʉ pʉijim a jaau sim khabahab ajim.

San Juan 6:52

Amach pem aawai, Jesuu mag iekhabapʉim ũrwia, deeu sereu phobaadewia amach eepai, “¿Jãga jãg simua maachig ichta pankha khopibarju?” aajeejim.

San Juan 7:12

Mag nʉm dʉi ĩchab sĩi bigaaum khʉʉnaujã i igwia, “Jãg wounan ãba nem wajaphampaita wau khitaajem” a iyʉʉ aawai, jũrr ãaur khʉʉnau, “Ʉ̃hʉ̃, ¿jãga õor wajapham abarju jãg sĩi õor khũgur nʉrraajem?” aajeejim aajem jũrram khʉʉnau.

San Juan 7:23

Mamʉ ich jãg Moiseeu jaau pʉarr ichaaur amaaugau sabarhedam magwe pãachdeun chaain meheu phʉʉrbich nʉmta, ¿jãgwia mua sĩi sabarhed woun monaautarr oowiapai pãar mʉ dʉi meeukha nʉ? ajim, mua sabarhedjã ʉʉrkhaba chirʉm awia.

San Juan 7:43

Mag Jesús igwia jũrram khʉʉnau pogkha jaauphoo thʉnʉm gaaimua, ãaur khʉʉn i igar naawai ãaur khʉʉnau i khõchkhaba iekha nʉrrjee ajim.

San Juan 9:24

Magbaawai i iek chi thethemnaanau deeu ichchata thʉ̃r aunaa, —Chadcha Ẽwandam dakhĩir meerba marag jaaubá ajierram anʉm. Oob Jesuuta pʉch monaaujim am. Marau khaphʉ nʉmgui ajierram anʉm, jãan pekau pom sĩerrʉm.

Hechos 14:4

Maagwai chi phoborpien ãaur khʉʉn judionaan igar thʉnaawai tagam khʉʉn jũrr Jesuu ich i jaaumkhĩir jʉr autarr khʉʉn igar naajeejim aajem.