San Juan 9:1 - Wounaan Meu

¹ Mag ich mokou baraag ẽkha nʉm ee, Aai i jeeujem degmua oberwia Jesuu woun ãb bi eewe dau khĩsu thaabatarr ooimajim.

Woun Meu

¹ Mag hich mokou baraag hẽk'a nʌm hee, Haai hi jëeujem degmua höbërwia Jesuu woun hãb bi heewe dau k'ĩsu t'aabatarr hooimajim.

San Juan 9:1 Iomraidhean Croise

San Mateo 20:30

Mag õor pom wetum khʉd bigaau dau khĩsu khitheem numí ohoodo durrajim. Mag durrumua Jesús dichmam khaug athaawai ähäakhamua, —Señor, pʉʉta rey David khararr ag chaain ewagam khʉʉn Iewaau marau nʉ narr. Maar apdurrum maar dau aug khaugbahur anaajim.

San Mateo 9:27

Mag Jairo kha deeu iiu auwia petaau, dau khĩsu khitheem khʉʉnta numí i ẽudee ähäag wetjim. Mag ähäakhamua, —Jesús, pʉʉta rey David khachitarr ag chaain ewagam khʉʉn Iewaa marau nʉ narr; maar apdurrum maar dau aug khaugbahur aajeejim, amach dau monaaupäain beemkhĩir.

San Marcos 9:21

Ich dakhĩir magbaadeewaita Jesuu chi ayag, —¿Pʉ chaai jãg beneu barbaaderr ya dʉrrʉʉ sĩwi? ajim anʉm. Magbaa chi ayau, —Jãan ich bʉ̃rʉʉ khitʉwe ich jãg baarjemgui ajim anʉm.

San Lucas 8:43

Mamʉ õor pom mag thʉnʉm ee, ĩchab ʉʉi ãb sĩejim aajem, doce años sĩi phõmieu bar sim. Mag ʉʉirau ich phatkhondam thum gastaapʉiwia sĩejim anaabá, doctornaanag ich ewaupi simua. Mamʉ ãbmuajã pod i monaau auba aajeejim aajem.

San Juan 5:5

Mag mor masim khʉʉn pom thũphãau wejom ee sĩejim ĩchab woun ãb treinta y ocho años, sĩi kha chʉkhʉ aawai pod ich appaijã phiidʉba khitʉm.

San Juan 8:59

Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.

San Juan 9:2

Mag oobaimaawai maach i dʉi ogdʉba wenʉrraajerr khʉʉnauchata marau maach Maestroog jeeujim, ajapcharan ich Jesuugma, jãgwi mag woun dau khĩsu thaabajĩ: ¿ich dennaan pekau gaaimua ajĩ, wa ichdeucha pekau wautarr gaaimua ajĩ?

Hechos 14:8

Mag Listra phobor ee woun ãb bʉ ãkhãraa khitʉm sĩejim aajem. Mag woun ich bi eewe bʉ ãkhãraa thaabawi sĩi jup kheraajeejim aajem, pod dʉrdʉr aju khaba aawai.

Hechos 28:4

Chi durr khʉʉnau amach daúa mag nemkhõrta i jua gaai jiir jopbaichem oobaawai amach appai, —Keena, pãade oobat. Jãgan jãg wounan õor thõomieuwai. Maguata phũas eemua peerdʉtarrjã, agtha pʉaba, Ẽwandamau i dʉi jãjãgkham. Ich iiuta juau i dʉi jãg sĩebahaba anaajim.

Hechos 4:22

Mag chi bʉ ãkhãraa khitarr Ẽwandam jua theegau monaauwai cuarenta años atcha sĩejim aajem.

Hechos 9:33

Mag phobordam Lida anʉm ee woun ãb ooimajim aajem, Eneas anʉm. Mag woun kha chʉkhʉ khitarr aawai sĩi put eepai ocho años sĩejim aajem, pod ich appai phiidʉba.