San Juan 8:6 - Wounaan Meu

⁶ Pari amau mag irig jeeu narran, jũrr chaauraapai khãijã jaaubaawai juau ogthom ich magʉm gaaimuapai i khaibag wawaag ajima. Pari ichig mag jeeu nʉmjã ũrbamjo, chi Jesús warag eeg ʉ̃thʉnaa jĩgkhẽúapai jẽb gaai phãpʉi phãpʉi oo sĩejim.

Woun Meu

⁶ Pari hamau mag hirig jëeu narran, jũrr chaauraapai k'ãijã jaaubaawai juau hogt'om hich magʌm gaaimuapai hi k'aibag wawaag hajima. Pari hichig mag jëeu nʌmjã hũrbamjö, chi Jesús warag heeg hʌ̃t'ʌnaa jĩgk'ẽúapai jẽb gaai p'ãpʌ̈i p'ãpʌ̈i hoo sĩejim.

San Juan 8:6 Iomraidhean Croise

San Mateo 10:16

Mag maar pʉyaagpamua ĩchab marag magjim: —Mua chadcha pãar pʉi chirʉm, pari mʉ iek ũrbat ajim: Pãran sĩi oveja chaaindam khum nem thʉnʉm ee pʉakhʉʉibapʉimjota abarm, õor khaibagkham eeta wenʉrraju aawai. Magua, mʉch imeerba muan pãragan, khĩirjug khaug ichkhumjota abat a chirʉm. Mag naab mamʉ ĩchab khĩir machag chukhu duburdamjo abat ajim.

San Mateo 15:23

Pari par ũanau mag chaigpa khitʉmjã Jesuu bʉ̃ʉrjã i iek ʉkhabajim. Magbaawaita marau irig, —Señor, ¿jãg pua irig mapi jaaubamma? Ya atcha magaajã marau ũrmapha nʉm. Magbamʉn ich jãg maach ẽudee ähäag majuwai anaajim.

San Mateo 16:1

Mag Magadán durr paaukhabaimaawai fariseonaanau Saduceonaan dʉimua Jesús oon beejierram. Pari mag beetarran sĩi i imeraa pʉr aum khõchgaupai arr aawai irig amachdeu bʉ̃ʉrjã ooba aajem nemta amach dakhĩir edjã ee waupi jaau naajim, mag gaaimua chadcha Ẽwandamau pʉiwiata mag nʉrrʉm a amachig khap jaaumkhĩir.

San Mateo 19:3

Mag nʉm ee fariseonaan eem khʉʉn ich Jesús aigcha beewi juau ogthom irig, —¿Pua oowai sĩi nem bʉ̃ʉr abarm gaaimua maadeu dich ʉʉi pʉaju aai nʉ? aichejierram.

San Mateo 22:18

Pari Jesuu ya mag am ibepwi khĩirju nʉmjã khaphʉ sĩerr aawai jũrr ich garmua amag, —Pãraun pãach khaugbampii naabma, ¿khanthee pãrau jãg mʉ imeraa pʉr auju ẽkha nʉma? ajim.

San Mateo 22:35

ãb am eem Moiseeu ley phã pʉatarr jawaag chi mach ich Jesús aig beewi irig,

San Mateo 26:63

Pari magʉmjã Jesús bʉ̃ʉrjã jʉ̃ʉ aba, warag khĩuu sĩsijim aajem. Mag ich iek ʉkhaba abaawai deeu irig chi phadnaan porou, —Maach Ẽwandam ich mag iiu sĩerrʉm iek gaai thʉwi muata pʉrʉg “Jaaubá” a chirʉm. ¿Pʉʉta chadcha Ẽwandam Iewaa ichdeucha jʉr auwia pʉiju jaaujerrá? Marag jaaubá ajim anʉm.

San Marcos 10:2

Mag nʉm ee fariseonaan i aig beejierram aajem. Makhʉʉnau juau ogthom Jesús imeraa pʉr awaag awi irig jeeumamua, —¿Chadchata pua oowai maach emkhooinau dich ʉʉi pʉaju aai nʉ wa pʉaju khaba nʉ? a jeeujierram anʉm.

San Marcos 12:15

Mamʉ mag amau sĩi ich imeraa pʉr awaagta mag ichig jeeubaichem khaphʉ sĩerr aawai amag magjim anʉm: —¿Pãrau khantheeta sĩi mʉ imeraa pʉr auju ẽkha nʉma? Daaig phatkhon chi dau daí mʉ aig aipidut; mua pãrag oopikhimgui ajim anʉm.

San Marcos 3:2

Maig naajim aajem ĩchab fariseonaan, Moiseeu Ẽwandam iek phã pʉatarr wajapcha ʉʉrkhaajem khʉʉn. Makhʉʉnau Jesuug bʉ̃ʉrjã dau thõba naajim anʉm, amach dakhĩir Jesuu jua ʉ̃ʉijem ed mag woun monaaubapäaiwai irig, “Jãgan pua chan jua ʉ̃ʉijem edjã ʉʉrkhabata chirab” a iekhaag, mag nʉm dʉi ĩchab magʉm gaaimua thethem khʉʉnagjã i khaibag waupi jawaag.

San Marcos 8:11

Mag mawia ya chi Jesús barbaimam khaugphobaadeewai i aig beejierram aajem, fariseonaan. Mag beewia ogthom daau chadcha i Ẽwandamau pʉitarrta jãg nʉrrʉm khai a khap aag awi irig, —Magan maar dau na ag na õrau nem ooba aajem nem waubá aichejierram anʉm irig, marau oog ithee.

San Lucas 10:25

Maimua biek ãb Jesuu õor khapan thʉnʉmʉg jaau sim aig, chi Moiseeu phã pʉatarr iek jawaag athee chi machnaan eem ãb phiidʉbaadewia sĩi i imeraa pʉr awaagpai irig magchejim anʉm: —Maestro, mʉrʉg jaaubá ajim anʉm. ¿Mua jãgata aju aai chirʉ́ ʉ̃gtharcha oberaag?

San Lucas 11:16

Magbaa jũrr ãaur khʉʉnau amach odegpai, “Daau chadcha irua Ẽwandam juapá wai chirʉm khai, deeum nemjã ompaa athaju” awia irig, —Magan chadcha pʉchta Ẽwandamau pʉiju aajerr chaar khai, edjã ee maadeu nem ooba aajem ompaa athá pʉch iekhau ajierram anʉm irig.

San Juan 8:2

Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.

1 Corintios 10:9

Oob ĩchab am eem ãaur khʉʉnau arrjo khaphʉ nʉmta juau ogthom maach Por Cristo jũur iekhamiet pãach Porkhapimaaugau. Amau maach Por ogkhaba i ichaaur magwia, nemeu khaamamjã äpba ich aguapai khechmajierram anaabá.