San Juan 8:55 - Wounaan Meu

⁵⁵ Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim.

Woun Meu

⁵⁵ Mag pãachdëun, hiita pãach Hẽwandam hanaab mamʌ, pãrau hi k'augba nʌmgui hajim. Muan chad hi k'ap'ʌ chirʌm. Mua chadcha hi k'ap'ʌ chirʌmta hi k'augbam hak'iin, maiguin mʌʌn sëunem pãar dʌ̈i hãbata chirʌm. Pari mua chadcha hi k'ap'ʌ chitʌm; magua mua hi hipierraata nem waaujemgui hajim.

San Juan 8:55 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Juan 15:21

Amau mag amachdeu am aig pãar khaibag wauju a chirʉmʉn, pãach mʉ dʉi khapeerkha nʉm gaaimuata pãar dʉi amau magju. Pari mag nʉmʉn, mʉ pʉitarr Ẽwandam amachdeu khaugbam gaaimuata pãar dʉi amau magjugui ajim marag.

San Juan 16:3

Mag amau pãar dau aug wau nʉmʉn, agtha bʉ̃ʉrjã mʉ Aai khaugba ni mʉjã khaugba aawaiu.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 6:46

Mua mag chirʉm chan mag õrau i oojeewai aba chirʉm. Ãba i oowia i khaphʉ simʉn, mʉchta i sim aarmua beetarr aawai mʉchdeupaita i oojemgui ajim.

San Juan 8:19

Magbaawai chi fariseonaanau, —Magan ¿jam sĩ pʉ aai? ajierram irig. Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.

San Juan 8:29

Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

San Juan 8:51

Magnaa, Ĩs mua chadcha chi mua jaau chirʉm ipierraa sim woun chan thõbaju a chirʉmgui ajim ich Jesuu.

San Juan 8:52

Pari magbaawai chará chi judionaanau, —Ĩsta chadcha marau wajapha pʉ khaphʉ nʉm: Pʉʉn chadcha por ee dosãt wai simuata mag iekhapi simgui ajierram. ¿Khani Abranjã meewia maimua tagam khʉʉn agjo Ẽwandam i jaaujerr khʉʉnjã thumaa otarrta mag pʉ ipierraa nʉm khʉʉn chan khechbaju a nʉ?

Hechos 17:23

Mua mag chirʉmʉn, pãar Aai i jeeujem dipierr phʉʉrdʉ chitʉmua oowai, pãar ẽwandamnaan thum thʉ̃r paar sĩsidʉm ee ãb sĩi thʉ̃rjã chukhu khãidu par sim aigta sĩi “Ẽwandam õrau khaugba sĩerrʉm athee” a phã sim ootarr aawaiugui ajim anʉm. Jãg pãrau pãachdeu khaugbamʉg jeeu naabá, ich mapaita muajã pãrag jaau chitabahab ajim anʉm,

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

1 Juan 1:6

I mag sim dʉita maachin khapeerkha nʉm. Pari mag i dʉi khapeerkha nʉmta maachdeu nem khaigba wau nʉm gaaimua khĩchag eeta wenʉrrʉmjo nʉm chan magan maachin seukhaawaita mag i dʉi khapeerkha nʉm a iekha nʉm. Mag nʉm dʉi ĩchab maachdeu nem waauwaijã khaigbata wau nʉmʉn magan parta mag i dʉi nʉm a iekha nʉm.

1 Juan 2:22

Pãrau khaphʉ nʉm chijã agá chi seumie chaar. Chi seumie charan, ar Jesús igwia “Jã chan Ẽwandamaucha jʉr auwia pʉitarr Cristo khabajim” a iekhaajem khʉʉnau. Ich magʉm khʉʉnpai khabahab anticristonaan, amach garmuata Cristo dʉi iekkhõr autarr khʉʉn; ich akhʉʉnpaiu ĩchab Ẽwandam chi Aai iekjã ʉkhaba, i Iewaa Cristo iekjã ʉkhaba aajem khʉʉn.

1 Juan 2:4

Pari ãbmua khãijã “Mʉʉn i deneu” a sim, pari mag simta bʉ̃ʉrjã irua nem jaau sim ipierraa khaba simʉn magan sĩi seunemgau ich iiupaita mag i den a nʉrrʉm; magan maguajã agtha chadam iek khaugbata sim.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

Apocalipsis 3:9

Ar dosãt igarnaa judionaanjã khaba nʉmta nem seunem amach iiupain amta judionaan aawai Ẽwandam chaainau a nʉrrjee aajem khʉʉnag, irua ajués pʉ khĩirpheeta jĩepor phõbkhapiju aajem, ichdeu chadcha pʉ khõsi chirʉm amag khap amkhĩir.