San Juan 8:47 - Wounaan Meu

⁴⁷ Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.

Woun Meu

⁴⁷ Har chadcha Hẽwandam chaaink'a nʌm k'ʌʌnaun hi hiek hõrau jaau nʌm hũurwaijã hʌ̈k'am k'õsi hʌ̈k'aajerram. Pari pãar Hẽwandam chaain k'aba haawai pãrau hi hiek hʌ̈k'aba nʌmgui hajim.

San Juan 8:47 Iomraidhean Croise

San Juan 12:48

Pari mag chi mʉ isegnaa mua nem jaau chirʉm ipierraajã khaba nʉm khʉʉnan, sĩi amachdeupaita wir aig amach khaibag waupi jaaubarm, amachdeu isegtarr iekhaupaita Ẽwandamau õor i agkham edjã deeu am khĩir phʉʉrju aawai.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 6:65

Maguata mag iekhamamua, —Chadcha ich mʉ Ayauta mua õrag jaau chitʉmjã ʉkhapibam chan, pod ãbmuajã ʉkhabamgui ajim.

San Juan 8:37

Magnaa, Mua khaphʉ chirʉmgui ajim, pãar Abrán chaainkha nʉm. Pari mag i chaain anʉmta pãachdeu mʉ iek ũrmapha nʉm gaaimua warag mʉ thõopʉimjã khõsi nʉm.

San Juan 8:43

Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

San Juan 8:45

Pãach mag i chaainkha naawaita mua chadcha nem jaau chitʉmjã pãrau ʉkhaba nʉmgui ajim.

1 Juan 3:10

Ar nem wajapham wauba ni dich khapeenjã kha khõchkhaba sim chan Ẽwandam den khaba sim. Mag gaaimua ĩchab khaphʉ aajem, chijã khʉʉnta Ẽwandam chaainá maimua chijã khʉʉnta mepeer chaainá.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

2 Juan 1:9

Ãbmua khãijã maach Por Jesucristo iekta bigaau sĩunaa ag khãai wajapcharamta jawaag awia i iek khabamta jaau nʉrrʉmʉn, magan Ẽwandam i dʉi khaba sim. Mamʉ Cristoou jaau pʉarr iek ichdeu ʉkhatarrta ogdʉba ʉkha simʉn chadau ich Ẽwandam chi Aai dʉi chi Iewaajã i dʉi nʉm.

3 Juan 1:11

Hermano, oob pua ejemplo khaigbam chan au chitam; mag khãai ejemplo wajaphamta athá. Pua khaphʉ sim, ar chi nem khaigbam waaujem khʉʉnan Ẽwandamjã khaugba naawaita mag nem khaigba wau sĩerrjeem; pari nem wajapha wau nʉm khʉʉnan Ẽwandam dʉi naawaita mag nem wajapha waaujem.