San Juan 8:46 - Wounaan Meu

⁴⁶ Pãar mʉg thʉnʉm ee, ¿khaíu bʉ̃ʉrjã seukhaba mʉrʉg, “Pʉ pekau wai sim” aju aai sĩ? ajim amag. Mʉ chan bʉ̃ʉrjã pekau chukhu chitʉmgui ajim. Mag chitaawai muan chadcha nem agchata jaau chitʉm. Pari magʉmjã ¿jãgwi pãrau ʉkhaba aajemma? ajim.

Woun Meu

⁴⁶ Pãar mʌg t'ʌnʌm hee, ¿k'aíu bʌ̃ʌrjã sëuk'aba mʌrʌg, “Pʌ pekau wai sim” haju haai sĩ? hajim hamag. Mʌ chan bʌ̃ʌrjã pekau chuk'u chitʌmgui hajim. Mag chitaawai muan chadcha nem hagchata jaau chitʌm. Pari magʌmjã ¿jãgwi pãrau hʌ̈k'aba haajemma? hajim.

San Juan 8:46 Iomraidhean Croise

San Mateo 21:25

—Pãrau oowai, ¿khaíuta Juan pʉijĩ ajim, jãg amach khaibag Ẽwandamag chugpaapi jaaunaa õorjã por choo nʉrramkhĩir? ¿Ẽwandamau ajĩ, wa sĩi mʉg jẽb gayam khʉʉnau chogpʉiwiata jãg nʉrrajĩwa? ajim. Magbaa amach appai iyʉʉ nʉmua, —Maadeu irig, “Ẽwandamauta pʉijim” akhiin, magan jũrr irua maachig, “¿Jãg magʉmta pãrau irua jaau nʉrrarr iek ʉkhabajierráma?” aju.

San Marcos 11:31

Amachig mag jeeubaawai sĩi warag jaaujujã khaugba, amach wir aigpai iyʉʉ nʉmua, —Maadeu irig, “Juan õor por choomien Ẽwandamauta pʉijim” akhiin, jũrr irua maachig, “Magʉmta, ¿khan jãgwia pãrau irua jaau nʉrrarr ʉkhabajierrá?” ajugui ajim anʉm.

San Juan 14:30

’Mepeerta mag mʉ khãai ʉ̃rpai sĩewai khabam, pari mʉg jẽb gaai ichta chi porkha sĩerrʉmua ich õor pʉiwia mʉ pʉr awaan wedurum aawai ya pomcha pãar khĩir chitabajugui ajim.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Juan 16:8

Mag ichcha pierrwain chadau ichdeuta wajapha õrag khaphʉ apijugui ajim, khan gaaimuata Ẽwandam dʉi mag iekkhõr paraa nʉ, khan agá Ẽwandam dau na agpierraa nem wau nʉm, maimua jãga ich Ẽwandamaujã ichdeu khap aju ich iek ʉkhaba nʉm khʉʉn dʉi.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 8:47

Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.

San Juan 8:7

Pari magʉmjã pʉaba mag ichig phʉʉrba jejeeu khaawaita dʉnʉʉunaa amag, —Pãachdeu khaphʉ jaau naawai pãach ee ar bʉ̃ʉrjã pekau chukhu nʉm khʉʉnauta nacha i barjurauma ajim.

2 Corintios 5:21

Cristo chan bʉ̃ʉrjã pekau wauba khitajim; pari mag khitarrta, Ẽwandamau ʉdʉraa i thõopijim maach thumaam khʉʉn kõit, ichta mag pekau wauwia chi ikhʉ arrjo; i dʉi magbarmua jũrr maach denta chugpaabapäaiwai pekau chukhu narrjo nʉisimkhĩir.

Hebreos 4:15

Mag ʉ̃gtharmua maach kõit iekhaajemuan chadcha maach dau aug khaaugjem. Ẽwandamta maach wounkha sĩerr aawai ichdeujã khaphʉ sim, jãga aajẽ maach pekau ee burrjojoo aadephʉm aig. Meperau maach pekau ee burrpiju ẽkhaajemjo aju ẽkhaajeejim i dʉijã agjo; mamʉ maagjerrta ich chan bʉ̃ʉrjã pekau ee burrba khitajim.

Hebreos 7:26

Magua ichta chadcha maachdeu ig narr phad khabahab, maach kõit iekhaajem chaar. Ich chan nacharam khʉʉnjo khaba aawai bʉ̃ʉrjã pekau chukhu khitʉm; khaibagjã chukhu, ni bʉ̃ʉrjã chikham khaigba ajojoopaijã khaba, maachjo pekau pomkham khʉʉn eemjã khaba sim. Mag sĩewai ichta nem thum ʉ̃gtharm magwe thʉnʉm khãaijã ʉ̃rpai apijim Ẽwandamau, ich dʉi ãba.

1 Pedro 2:22

Cristo chan bʉ̃ʉrjã pekau wauba ni chikhamnag seukhajã nem jaauba khitajim, mamʉ mag khitarrta chadcha amau i thõojierram.