San Juan 8:43 - Wounaan Meu

⁴³ Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

Woun Meu

⁴³ Mag hijẽjẽbagmamua hich Jesuupai hamag, Mua k'ap'ʌ chirʌmgui hajim, jãgwi pãrau pöd mua jaau chitʌm hiek k'augba nʌ. Jãg k'augba nʌmʌn, pãachdëu hũrmap'amjö hũr naawaiugui hajim.

San Juan 8:43 Iomraidhean Croise

San Mateo 13:15

Mʉkhʉʉn wounaan khĩirjugan sĩita ãr sim; kachjã khĩnaa daupata khĩ sĩsidʉm. Mag naawai pod ũrjã ũrba ni oojã ooba, ni mʉrʉgjã amach pekau chugpaapi jeeuba nʉm, amach peerdʉ aumkhĩir.” (Is. 6:9-10)

San Juan 5:25

Chadcha ĩsta pãar mag chi thõmjo nʉm khʉʉnaujã mʉch chi Ẽwandam Iewaa iekcha ũrju ed pabaichemgui ajim. Mag mʉ iek ũrwia ʉkha nʉm khʉʉnan warre Ẽwandam denkhanaa mʉg atagjã ich mag iiu nʉisijugui ajim.

San Juan 5:43

Mʉʉn ich mʉ Aai iekhau pʉiwiata mʉg chitʉm; pari magʉmjã mua mag jaauwai pãrau mʉ iek ʉkhaba nʉmgui ajim. Mamʉ jũrr ãb sĩi ich khĩraupai beewiata pãrag magchekhiin, mag iekhan chadau pãrau ʉkhajugui ajim.

San Juan 6:60

Jesuu mag jajawagmam ũrwia õor pom i ẽudee wenʉrraajerr khʉʉn ee ãaur khʉʉnau, “Keena, mʉg wounan dau lokta nem jaau nʉrrʉm, ¿khaíu i ipierr abarju?” aajeejim.

San Juan 7:17

Ãbmua Ẽwandam ipierr nem waum khõsi sim khai, magua khaphʉ ajugui ajim, chadcha mua Ẽwandam iekta jaau chirʉ́ wa sĩi mʉch iekpaita jaau chirʉ́.

San Juan 8:27

Pari mag ich Aai igwia par jajaaukhamjã pod khaugbajierram. Mag ichdeu jajaaukhamjã khaugba abaawaita

San Juan 8:33

Magbaawaita jũrr tagam khʉʉn agjo aig narr khʉʉnau, —Maran jooi Abrán chaain ewagam khʉʉnau; maar mag sĩi chikhaman chognaanjã khaba nʉmgui ajierram. Mag nʉmta, ¿jãga pʉ iek mag pʉ iek ʉkhabarmuata tag chikham chogkhaba nʉisiju a sĩ? ajierram irig.

San Juan 8:39

Magbaawai deeu amachdeu, —Maar ayan Abranaugui ajierram. Mamʉ magbaawai ich Jesuu amag, —Pãachdeu jaau nʉmjo pãar chadcha Abrán chaain akhiin, ich Abranau aajerrjota pãraujã aajeekhamgui ajim.

Hechos 7:51

Maimua warag iekhamamua ich dʉi ijẽjẽbkharr khʉʉnag magjim aajem ich Estebanau: —Pãrau mag khaphʉ nʉmta, bʉ̃ʉrjã iekhaawaijã ũrba, jʉ̃g khĩchagnaa thãar theegjã sĩerrjee khabahab ajim anʉm, Ẽwandam khaugbam khʉʉnjo. Magnaata warag Ẽwandam Akhaar ichaaur ʉkha sĩerrjeemgui ajim anʉm, warrgar pãach jooinau aajerrjo.

Romanos 3:11

“Ẽwandamau wajapha wenʉrrapi simjo chan ãbmuajã i denjo khĩirjuba sim; ãbmuajã i igmaphamjota sim.