San Juan 8:39 - Wounaan Meu

³⁹ Magbaawai deeu amachdeu, —Maar ayan Abranaugui ajierram. Mamʉ magbaawai ich Jesuu amag, —Pãachdeu jaau nʉmjo pãar chadcha Abrán chaain akhiin, ich Abranau aajerrjota pãraujã aajeekhamgui ajim.

Woun Meu

³⁹ Magbaawai deeu hamachdëu, —Maar hayan Abranaugui hajierram. Mamʌ magbaawai hich Jesuu hamag, —Pãachdëu jaau nʌmjö pãar chadcha Abrán chaain hak'iin, hich Abranau haajerrjöta pãraujã haajeek'amgui hajim.

San Juan 8:39 Iomraidhean Croise

San Mateo 3:9

Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet ajim anaabá. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia, mʉkhʉʉnjã ĩchab Abrán chaainau aju aai sim. Mamʉ mag Abrán chaain chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

San Mateo 5:45

Pãrau magta amʉn magan chadcha pãar ʉ̃gthar Ẽwandam chiraajem chaainau. Ich ag Ẽwandamauta õor wajapham khʉʉn atheejã edau wʉʉpinaa khaigbam khʉʉn atheejã wʉʉpiejem. Ichdeuta ĩchab ich daar agpierraa aajem khʉʉn atheejã noseg chepinaa sĩi parhoob amach khõchagpierr nem waaujem khʉʉn atheejã noseg chepiejemgui ajim anʉm. Magua pãraujã agjo thum pãach dʉi khaigba aajem khʉʉnpata daupii aju aai nʉmgui ajim aajem, ichdeu aajemjo.

San Juan 8:33

Magbaawaita jũrr tagam khʉʉn agjo aig narr khʉʉnau, —Maran jooi Abrán chaain ewagam khʉʉnau; maar mag sĩi chikhaman chognaanjã khaba nʉmgui ajierram. Mag nʉmta, ¿jãga pʉ iek mag pʉ iek ʉkhabarmuata tag chikham chogkhaba nʉisiju a sĩ? ajierram irig.

San Juan 8:37

Magnaa, Mua khaphʉ chirʉmgui ajim, pãar Abrán chaainkha nʉm. Pari mag i chaain anʉmta pãachdeu mʉ iek ũrmapha nʉm gaaimua warag mʉ thõopʉimjã khõsi nʉm.

San Juan 8:43

Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

San Juan 8:56

Pãar jooi Abrán onee ajim, Ẽwandamau ichig chaai deebarmua jũrr chaain ĩiubaadeeu ewag paawai mʉ beejujã khaphʉ sĩerr aawai. Maimua ya chadcha mʉ pierrum oobaawaijã i onee ajimgui ajim amag.

Romanos 4:12

Mag phʉʉrbichbarmua ĩchab ichta mag phʉʉrbich nʉm khʉʉn porkha sĩsijim, majã pari ichdeu ʉkhatarrjo ʉkha nʉm khʉʉn den mamʉ. Pari mag phʉʉrbich wai naawiajã, ichiita Abranau ich den phʉʉrbichju nawe ʉkhatarrjo, amaujã thãrauchata ʉkhaju aai nʉm.

Romanos 4:16

Magua mag Abranag jaautarrjo maach dʉijã wajapha ajuun, i iek chadcha ʉkha nʉm gaaimuapaita magju. Mag gaaimuapai aawai maach peerdʉ aauwaijã õrau khaphʉ aju, dichdeu nem wau nʉm paar khaba, ʉu ich garmuata maach peerdʉ au sim. Mag sĩi ʉkha nʉm gaaimuapai aawai, ewag pawiajã maach mag ʉkha nʉmua Abrán chaainkha nʉm khʉʉnauta aub khaba auju, Ẽwandamau deeju jaautarr.

Romanos 9:7

Wajapcharan israelnaan anʉm khʉʉnan, ich jooi Israel khararr denjo wajapcha Ẽwandam iek ʉkha nʉm khʉʉnta chadcha israelnaan charau. Magua, jooi Abrán chaain ewagam khʉʉn awiajã, Ẽwandamau oowai, thum chan israelnaan chaar khabam. Ẽwandamau jooi Abranag, “Mʉg atagjã pʉ chaain khapan aju” ajim chadcha. Magtarr aawai jooi deeum chaai Ismael aajerr gaaimua agjo chaain paraa ajieb mamʉ, Ẽwandamau oowai, mag den chan i chaain chaar khaba, ãba Isá chaainpaita ewag pawiajã i chaain chaarkha nʉisijim.

Gálatas 3:29

Mag chadcha pãar Cristo denkha nʉm khai, magan chadchata Abrán chaainau. Mag i chaain aawai, ich Ẽwandamau irig i chaain ewagam khʉʉn dʉita ajapha aju arr aawai, pãar dʉita chadcha Ẽwandamau ʉu aju.

Gálatas 3:7

Magtarr aawai pãade khĩirjubat: Ĩs ewag pawiajã ar chadcha Abrán chaain anʉm khʉʉnan, ich jooi khitarrjo Ẽwandam iek ʉkham khõsi ʉkha nʉm khʉʉnta i chaainau.