San Juan 8:37 - Wounaan Meu

³⁷ Magnaa, Mua khaphʉ chirʉmgui ajim, pãar Abrán chaainkha nʉm. Pari mag i chaain anʉmta pãachdeu mʉ iek ũrmapha nʉm gaaimua warag mʉ thõopʉimjã khõsi nʉm.

Woun Meu

³⁷ Magnaa, Mua k'ap'ʌ chirʌmgui hajim, pãar Abrán chaaink'a nʌm. Pari mag hi chaain hanʌmta pãachdëu mʌ hiek hũrmap'a nʌm gaaimua warag mʌ t'õopʌ̈imjã k'õsi nʌm.

San Juan 8:37 Iomraidhean Croise

San Mateo 13:15

Mʉkhʉʉn wounaan khĩirjugan sĩita ãr sim; kachjã khĩnaa daupata khĩ sĩsidʉm. Mag naawai pod ũrjã ũrba ni oojã ooba, ni mʉrʉgjã amach pekau chugpaapi jeeuba nʉm, amach peerdʉ aumkhĩir.” (Is. 6:9-10)

San Mateo 3:9

Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet ajim anaabá. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia, mʉkhʉʉnjã ĩchab Abrán chaainau aju aai sim. Mamʉ mag Abrán chaain chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

San Juan 10:31

Amachig magbaawai chará chi judionaan ũwaai sereu phobaadewi deeu i mokou barm ig naajim.

San Juan 11:53

Ya Caifaau mag iekhatarr aawai magtarr aigmua judionaan chi thethemnaanau ãba ibepwia warre Jesús thõoju khĩirjugta wai nʉisijim.

San Juan 5:44

¿Jãga pãrau mua nem jaau chirʉm ʉkhabarju ajim, jãg Ẽwandam ichta ãbpai khitʉmta pãachdeu nem wau nʉm gaaimua onee apiju khĩirjubanaa ãba pãach khapeenagpaita pãach thopim khõsi thʉnʉm?

San Juan 7:1

Magtarr khur ich Jesús Galilea durr phobordam nʉnʉidʉmpierr phʉʉrdʉ nʉrrajim. Ich tag Judea durr mamapha sĩejim, judionaan chi pornaanau ich thõog ẽkhaajerr aawai.

San Juan 7:19

Magnaa ichdeupai amag, —¿Moiseeu chadcha pãar atheeta ley phã pʉabajĩ? ajim. Magtarrjã pãrau iwiram ãbmuajã ag gaai jaau sim ipierraa aba aajemgui ajim. ¿Ag gaai ĩchab õorjã thõopiba jaau sĩebá? ajim. Mag simta, ¿jãgwia pãrau mʉ thõom ig nʉmma? ajim judionaan chi pornaanag.

San Juan 7:25

Mag khapanag dakhĩir Aai i jeeujem deg ijẽjẽbkham oowia chi Jerusalenpien chi porkha narr khʉʉn ee ãaur khʉʉnau jũrr amach khapeenag, —¿Chamʉ́ ar amau thõopäaig pʉr auju ẽkha nʉm woun khabá cha ijẽjẽbkham? aajeejim.

San Juan 8:33

Magbaawaita jũrr tagam khʉʉn agjo aig narr khʉʉnau, —Maran jooi Abrán chaain ewagam khʉʉnau; maar mag sĩi chikhaman chognaanjã khaba nʉmgui ajierram. Mag nʉmta, ¿jãga pʉ iek mag pʉ iek ʉkhabarmuata tag chikham chogkhaba nʉisiju a sĩ? ajierram irig.

San Juan 8:43

Mag ijẽjẽbagmamua ich Jesuupai amag, Mua khaphʉ chirʉmgui ajim, jãgwi pãrau pod mua jaau chitʉm iek khaugba nʉ. Jãg khaugba nʉmʉn, pãachdeu ũrmaphamjo ũr naawaiugui ajim.

San Juan 8:56

Pãar jooi Abrán onee ajim, Ẽwandamau ichig chaai deebarmua jũrr chaain ĩiubaadeeu ewag paawai mʉ beejujã khaphʉ sĩerr aawai. Maimua ya chadcha mʉ pierrum oobaawaijã i onee ajimgui ajim amag.

San Juan 8:59

Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.

San Juan 8:6

Pari amau mag irig jeeu narran, jũrr chaauraapai khãijã jaaubaawai juau ogthom ich magʉm gaaimuapai i khaibag wawaag ajima. Pari ichig mag jeeu nʉmjã ũrbamjo, chi Jesús warag eeg ʉ̃thʉnaa jĩgkhẽúapai jẽb gaai phãpʉi phãpʉi oo sĩejim.

Hechos 13:26

Maimua mag chi Juan õor por choomieu iekhatarr jaau dichwia deeu ich Pablooupai, —Khodamnaan, jooingar Abrán khachitarr ag chaain ewagam khʉʉn, maimua pãar ar Ẽwandam iek ũrwia jʉ̃g ʉ̃rʉʉ aajem khʉʉn: mʉg maach peerdʉajem iek cha mua jaau chitʉmʉn pãach atheyaugui ajim aajem Pabloou amag.

Romanos 9:7

Wajapcharan israelnaan anʉm khʉʉnan, ich jooi Israel khararr denjo wajapcha Ẽwandam iek ʉkha nʉm khʉʉnta chadcha israelnaan charau. Magua, jooi Abrán chaain ewagam khʉʉn awiajã, Ẽwandamau oowai, thum chan israelnaan chaar khabam. Ẽwandamau jooi Abranag, “Mʉg atagjã pʉ chaain khapan aju” ajim chadcha. Magtarr aawai jooi deeum chaai Ismael aajerr gaaimua agjo chaain paraa ajieb mamʉ, Ẽwandamau oowai, mag den chan i chaain chaar khaba, ãba Isá chaainpaita ewag pawiajã i chaain chaarkha nʉisijim.

1 Corintios 2:14

Mamʉ ar chi Ẽwandam Akhaar ich thãar ee chukhu sim khʉʉu chan pod Ẽwandam Akharau nem jaau sim khaugbam. Mag simua Ẽwandam Akharau nem jaaupi sim ũurwain, sĩi nem parhooba lokoo jaau nʉmjota ũurjem. Mag simua chan, sĩi ich Ẽwandam Akharaupaita khaugpiejeewai, pod ich khĩraupai chan khaugbam.

1 Juan 2:14

Deeu ũwaai pãrag jaaukhim: Agtha chaainjo khitheem khʉʉn, ya pãrau Ẽwandam pãach Aaikha simjã khaphʉ naawai, pãrag mʉg ẽsap phã deepʉi chirʉm. Jooinaan, warr nem thum ompaawaiwe sĩerr ich ag Ẽwandampaita khaphʉ naawai pãragjã mʉg ẽsap phã deepʉi chirʉm. Ẽwannaan, pãraujã pãachdeu Ẽwandam iek ʉkhatarr gaai ubʉnaa pãach thãar eecha wai wenʉrrʉmua ĩchab chi dajãumieu nem khaigbam waupiejemjã pãach garmua podpʉiwi naawai pãragjã agjo mʉg ẽsap phã deepʉi chirʉm.