San Juan 8:29 - Wounaan Meu

²⁹ Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

Woun Meu

²⁹ Hich chi mʌ pʌ̈i sim mʌ dʌ̈i sĩewai, mua mʌch Hayau nem k'õsimpaita waaujeewai hirua sĩi mʌrʌg hoobamjöo haba haajemgui hajim.

San Juan 8:29 Iomraidhean Croise

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 3:15

Magbaawai Jesuu, —Ideu magma ajim anʉm. Ichiita maadeu Ẽwandamau jaau simjo i ipierr thumaa nem wauju aai naabahab ajim anʉm. Magbaawai Juanau, —Magan chadau ajim aajem.

San Mateo 3:17

Magbarm ee ĩchab ʉ̃gtharmua woun iekjo, “Mʉʉta mʉ Chaai mʉchdeu jãsehne wai chitʉmʉu; i gaaimua mʉ onee chiraajemgui” abarmjã ũrjim anaabá.

San Juan 14:31

Pari ichiita ich mag ʉdʉraa mʉch thõopiju aai chirʉmgui ajim, mʉch iek ʉkha nʉm khʉʉnau mua chadcha mʉch Aai khõsi chitaawai ichdeu mʉchig jaautarrpierrta wau chitʉm khap amkhĩir. Mag iekhapʉiwia warag, —Maachta mʉigmua wettarraugui ajim.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Juan 16:32

pari magtarrau oo chirakhimgui ajim. Ya pãar jĩerraugwia mʉch appai barpʉaju ora paagpam. Mag pãrau mʉch appai mʉ barpʉawiajã mʉch ap khaba chirʉmgui ajim, mʉ Aai mʉ dʉi sĩewai.

San Juan 17:4

’Pua mʉchig phidag deetarr thum mʉg jẽb gaai waubarmua mua õrag khaphʉ apibarmgui ajim, pʉʉta chadcha Ẽwandam chi jua thierriu.

San Juan 4:34

Pari maar mag iekha nʉm ũrbaawai Jesuu marag, —Mua mag thach khoju wai chirʉm a chirʉmʉn, Ẽwandamauta mʉ pʉitarr aawai irua khõsi simjota nem wau chirʉmʉugui ajim, mʉchig phidag jaaupʉitarr thumaa opʉyaag.

San Juan 5:30

’Mʉ Ayauta mʉ pʉitarr aawai irigjã jeeuba sĩi mʉch khĩrau chan pod mua nem wauba chitʉmgui ajim. Maguata, mʉch Ayau jaaubaawaita mua agpierr nem waaujem; mag ichdeu jaau sĩewai nem agchata waaujemgui ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 8:16

Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma.

2 Timoteo 4:17

Amau bʉ̃ʉrjã mʉ khaigperbajierrab mamʉ, maach Por Jesuuta chadcha ʉu mʉ eeg oowia mʉrʉg ich juapadamjã deejim. Mag gaaimua ʉu mua khĩirdam ubʉ maach peerdʉajem iekjã jaauwi parhooba judionaan khabam khʉʉnaupa ũrjierram. Mag, maach Por Ẽwandamau ʉu mʉrʉg juapadam deewiata, khum i ee chirʉmjo chirarrjã, ʉu mʉ peerdʉjim.

2 Timoteo 4:22

Timoteo, maach Por Jesucristoou pʉ thʉa wai nʉrrapim khõsi chirʉm dʉi tagam khʉʉn dʉijã Ẽwandamau ʉu apim khõsi chirʉm. Ayoo kake, Pablo

Hebreos 4:15

Mag ʉ̃gtharmua maach kõit iekhaajemuan chadcha maach dau aug khaaugjem. Ẽwandamta maach wounkha sĩerr aawai ichdeujã khaphʉ sim, jãga aajẽ maach pekau ee burrjojoo aadephʉm aig. Meperau maach pekau ee burrpiju ẽkhaajemjo aju ẽkhaajeejim i dʉijã agjo; mamʉ maagjerrta ich chan bʉ̃ʉrjã pekau ee burrba khitajim.

Hebreos 7:26

Magua ichta chadcha maachdeu ig narr phad khabahab, maach kõit iekhaajem chaar. Ich chan nacharam khʉʉnjo khaba aawai bʉ̃ʉrjã pekau chukhu khitʉm; khaibagjã chukhu, ni bʉ̃ʉrjã chikham khaigba ajojoopaijã khaba, maachjo pekau pomkham khʉʉn eemjã khaba sim. Mag sĩewai ichta nem thum ʉ̃gtharm magwe thʉnʉm khãaijã ʉ̃rpai apijim Ẽwandamau, ich dʉi ãba.

1 Juan 2:1

Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

1 Juan 3:22

Magta irig jeeu nʉmʉn, maadeu ichig jeeubarm thum irua maachig deeju, ichdeu oowai maadeu i ipierraanaa irua nem khõsimpaita wau naawai.