San Juan 8:28 - Wounaan Meu

²⁸ amag magjim: —Jãg nʉʉ awia ya pãachdeucha mʉch chi Emkhooi Iewaa pakuls gaaicha meerphenaa jiirjop sĩubaawaita pãrau mʉ igwia, “Jãgan chadchata ich Ẽwandamau pʉiju aajerr ajiebma, jãguata jãg sĩi ich khĩrau nem wauba aajeejim” ajurau. Maiguin chadau pãrau khaphʉ ajugui ajim, mua ãba mʉch Ayau mʉchig jaaupimampaita õragjã jaaujerr.

Woun Meu

²⁸ hamag magjim: —Jãg nʌʌ hawia ya pãachdëucha mʌch chi Hemk'ooi Hiewaa pakuls gaaicha meerp'ënaa jiirjop sĩubaawaita pãrau mʌ higwia, “Jãgan chadchata hich Hẽwandamau pʌ̈iju haajerr hajiebma, jãguata jãg sĩi hich k'ĩrau nem wauba haajeejim” hajurau. Maiguin chadau pãrau k'ap'ʌ hajugui hajim, mua hãba mʌch Hayau mʌchig jaaupimampaita hõragjã jaaujerr.

San Juan 8:28 Iomraidhean Croise

San Mateo 24:5

Mʉg atag paawai õor pom sĩi chikham khũgurm khõchgau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” a iekha nʉrrjee aju. Mag nʉrrjeem gaaimua õor pom khũgur aumaju ajim.

San Marcos 13:6

Mua pãrag mag chirʉmʉn, mʉg atag paawai õor khapankham khʉʉnau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” awia, õor pom khũgurmaju aawaita mag chirʉmgui ajim anʉm. Pari makhʉʉnau pãachig magwia khãijã oob pãrau am iek ʉkhamiet ajim anaabá, am wawimamua.

San Lucas 21:8

Magbaawai jaaubaademua ichdeu amag magjim aajem: —Keena, khĩir khaphʉ wenʉrrat; oob chikhamnag sĩi ʉdʉraa pãach khũgur aupimiet ajim anʉm. Nau mʉg atag paawai õor khapankham khʉʉnau amach iekpaita mʉ iek gaai thʉwia, “Mʉʉta ag Cristoou” ajurau, “Ẽwandamau pʉiju aajerr. Ĩsta mʉ barbaichem thumaam khʉʉn Porkhaag” a iekhamajugui ajim anʉm. Mamʉ amau pãachig maagwaijã oob am iek ʉkhamiet ajim anʉm.

San Juan 11:42

Mua khaphʉ chirʉmgui ajim, mua pʉchig jeeuwai pua mʉ iek ʉkhaajem. Pari magʉm ãba, ichiita thumaam khʉʉn jʉ̃g daar mua thet mag ʉu ajim a chirʉmgui ajim, thumaam khʉʉnag chadcha pʉchdeuta mʉ pʉijim a khap amkhĩir.

San Juan 13:19

Ya mua ag nawe pãrag jaau chirʉmgui ajim, maagwai ya eeupemjo magbaadeewaijã pãrag mʉʉta chadcha ich Ẽwandamaucha jʉr auwia pʉitarrau a khap amkhĩir.

San Juan 16:10

Ichdeuta amag khĩirjupi aujugui ajim, chadcha mʉchjã agpierraa Ẽwandam dau na nem wau chitarr gaaimua ũwaai mʉch Aai aar chiraimam. Mag mʉ mam pabaadeewai pãrau tag mʉ oobamgui ajim.

San Juan 18:32

Pari mag Romapienagta amachdeu i thõopi jaau nʉmjã, ag nawe ich Jesuu pakuls gaai ich thõoju jaautarrjo thum ich ag eyaa obermkhĩir jaau nʉmta amachdeujã khaugba naajim.

San Juan 19:18

Mag durrsĩdam gaaita soldaaunau pakuls gaai i meerphenaa chi pakuls jẽb ee dʉnʉʉupi sĩujim. I mag meerphe sĩubarm dʉi ĩchab i bigaau õor numí meerphegkha sĩujierram: ãb i juachaar gar, ãb i juawe gar.

San Juan 3:11

Pʉde ũrbarí, pʉrʉg jaaukhimgui ajim: Maraun chadcha maachdeu khaphʉm nemta jaaunaa maach daúacha ootarrta jaaujem, mamʉ pãrau ʉkhamapha nʉmgui ajim.

San Juan 3:14

Pari magaag atheyan, israelnaan õor maba aajem ee jãg Moiseeu phe wai nʉrraawai Ẽwandamau irig bronce den nemkhõrkha waunaa pa gaai ʉ̃gthaa jiirjoppi jaautarrjo, ich agjota ĩchab mʉch chi Emkhooi Iewaajã pa gaai jiirjopju aai chirʉmgui ajim, magbarmua õor peerdʉju ayaa amkhĩir.

San Juan 4:26

Magbaawai, —Mʉʉta ag Cristo warrgarwe ich Ẽwandamau pʉiju a jaaujerr khabahab; ich ag wounta ĩs pʉ dʉi iyʉʉ chirabahab ajim anʉm Jesuu, warre ich jaauwia.

San Juan 5:19

Pari Jesuu warag, —Mʉch chi Chaairaujã mʉch Ayau nem waupim khõsi sim khaugba akhiin, muajã mʉch khĩrau chan waubajugui ajim. Magba irua nem waupim khõsi sim mʉchdeu khaphʉ chiraawaita muajã chadcha waaujemgui ajim Jesuu chi judionaanag.

San Juan 5:30

’Mʉ Ayauta mʉ pʉitarr aawai irigjã jeeuba sĩi mʉch khĩrau chan pod mua nem wauba chitʉmgui ajim. Maguata, mʉch Ayau jaaubaawaita mua agpierr nem waaujem; mag ichdeu jaau sĩewai nem agchata waaujemgui ajim.

San Juan 6:38

Mʉ chan sĩi mʉchdeu am aig nem wawaagjã ʉ̃gtharmua beebajim. Mʉʉn mʉch Ayau mʉchig nem mag abaawai i ipierr aagta beejimgui ajim, ichdeuta mʉ pʉitarr aawai.

San Juan 8:24

Maguata pãrau mʉʉta ich Ẽwandamau pʉiju a jaaujerr khabampii awia mʉ igbam chan, chaig mʉchdeu jaau chirarrjo, pãach pekau eepai khechwi mʉ mam aarjã pãar pod barbamgui ajim amag.

San Juan 8:27

Pari mag ich Aai igwia par jajaaukhamjã pod khaugbajierram. Mag ichdeu jajaaukhamjã khaugba abaawaita

San Juan 8:58

Magbaa ich garmua, —Mʉʉn Abrán thaabaju nawe ich mag chirajimgui ajim amag.

Hechos 2:41

Mag chadcha Pedroou jaau sim ũrwia Ẽwandam iek ʉkhamarr khʉʉnau amach por choopimajierram aajem. Ich mag edpai ʉkhawia amach por choopimarr khʉʉn appai tres miljo naajim aajem.

Hechos 4:4

Mamʉ mag amach pʉrkha arrju nawe jaau durrarrdam õor pom mag thʉnarr khʉʉnau ũrtarr aawai ĩchab chi ʉkha narr khʉʉn khapanag emkhooin appai cinco miljo naajim aajem, ʉʉin dʉi chaainjã beerba.

Romanos 1:4

Mamʉ mag amau i thõotarrta deeu iiu phiidʉtarr gaaimua, maimua Ẽwandam Akhaar i dʉi sĩejeewai ag jua theegau õor ajaug paajem gaaimua, ichta Ẽwandam Iewaa chi jua thierrkha sĩerrʉmjã õrag khap apiejem.