San Juan 8:24 - Wounaan Meu

²⁴ Maguata pãrau mʉʉta ich Ẽwandamau pʉiju a jaaujerr khabampii awia mʉ igbam chan, chaig mʉchdeu jaau chirarrjo, pãach pekau eepai khechwi mʉ mam aarjã pãar pod barbamgui ajim amag.

Woun Meu

²⁴ Maguata pãrau mʌʌta hich Hẽwandamau pʌ̈iju ha jaaujerr k'abampii hawia mʌ higbam chan, chaig mʌchdëu jaau chirarrjö, pãach pekau heepai k'ëchwi mʌ mam haarjã pãar pöd barbamgui hajim hamag.

San Juan 8:24 Iomraidhean Croise

San Mateo 24:5

Mʉg atag paawai õor pom sĩi chikham khũgurm khõchgau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” a iekha nʉrrjee aju. Mag nʉrrjeem gaaimua õor pom khũgur aumaju ajim.

San Marcos 13:6

Mua pãrag mag chirʉmʉn, mʉg atag paawai õor khapankham khʉʉnau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” awia, õor pom khũgurmaju aawaita mag chirʉmgui ajim anʉm. Pari makhʉʉnau pãachig magwia khãijã oob pãrau am iek ʉkhamiet ajim anaabá, am wawimamua.

San Marcos 16:16

Chi mʉ iek ʉkhawi ich por choopi sim khʉ ʉu peerdʉju. Mamʉ chi mʉ iek jaau nʉm ũr simjã ʉkhaba sim chan Ẽwandamau i peerdʉ auba warag i isegpʉijugui ajim anʉm.

San Lucas 21:8

Magbaawai jaaubaademua ichdeu amag magjim aajem: —Keena, khĩir khaphʉ wenʉrrat; oob chikhamnag sĩi ʉdʉraa pãach khũgur aupimiet ajim anʉm. Nau mʉg atag paawai õor khapankham khʉʉnau amach iekpaita mʉ iek gaai thʉwia, “Mʉʉta ag Cristoou” ajurau, “Ẽwandamau pʉiju aajerr. Ĩsta mʉ barbaichem thumaam khʉʉn Porkhaag” a iekhamajugui ajim anʉm. Mamʉ amau pãachig maagwaijã oob am iek ʉkhamiet ajim anʉm.

San Juan 13:19

Ya mua ag nawe pãrag jaau chirʉmgui ajim, maagwai ya eeupemjo magbaadeewaijã pãrag mʉʉta chadcha ich Ẽwandamaucha jʉr auwia pʉitarrau a khap amkhĩir.

San Juan 3:18

’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 4:26

Magbaawai, —Mʉʉta ag Cristo warrgarwe ich Ẽwandamau pʉiju a jaaujerr khabahab; ich ag wounta ĩs pʉ dʉi iyʉʉ chirabahab ajim anʉm Jesuu, warre ich jaauwia.

San Juan 8:21

Maimua ag khur nʉʉpai awi deeu ich Jesuupai aig narr khʉʉnag magjim: —Mʉ petaawai pãrau mʉ jʉrju, pari ãbmuajã mʉ baaubamgui ajim. Pãarta pekau ee wenʉrrʉmʉn, ich ag eepai pãar khechwi mʉ mam aarjã pãar pod barbamgui ajim.

San Juan 8:25

Mag ũrwia chi judionaanau ichigcha, —¿Magan pʉ khaíuma? abaawai, ich Jesuupai deeu amag iekhamamua magjim: —Ya mua pãrag mʉch jaaujeewai, ¿khan atcha tag mua jaaubarju? ajim.

San Juan 8:28

amag magjim: —Jãg nʉʉ awia ya pãachdeucha mʉch chi Emkhooi Iewaa pakuls gaaicha meerphenaa jiirjop sĩubaawaita pãrau mʉ igwia, “Jãgan chadchata ich Ẽwandamau pʉiju aajerr ajiebma, jãguata jãg sĩi ich khĩrau nem wauba aajeejim” ajurau. Maiguin chadau pãrau khaphʉ ajugui ajim, mua ãba mʉch Ayau mʉchig jaaupimampaita õragjã jaaujerr.

San Juan 8:58

Magbaa ich garmua, —Mʉʉn Abrán thaabaju nawe ich mag chirajimgui ajim amag.

Hechos 4:12

Magtarr aawai deeum woun mʉg jẽb gaai maach peerdʉju ayaam chan tag chukhumgui ajim anʉm. Mag Ẽwandamau maach peerdʉ aumkhĩir deeum khʉʉnagjã jaauba arr aawai ãba ich Jesuupai khabam chan pod õor amach pekau eemua peerdʉbamgui ajim aajem Pedroou.

Hebreos 12:25

Magua keena, ĩs Ẽwandamau maachig jaau simjã oob asekasba amiet. Mag ĩs ichdeu maach dʉi iek dee simta warr maach jooin dʉi iek deetarr khãaijã ajapcha sim. Magua pãade ũrbat: Sĩi Moisés maachjo mʉig eegarmkha sĩerrau Ẽwandam iek jaau khitʉm ũrba arr paarjã chi asekasba arr khʉʉn Ẽwandamau sĩi par daúapai ooba am gaai jua khʉaba deejerr khai, ĩs mʉg ʉ̃gtharmua ichdeucha maachig iekha sim asekasba aawaijã oob pãrau mag maachta i jua eemua peerdʉju amiet.

Hebreos 2:3

Mag ley sĩi angelnaan gaau deepʉitarr ichaaur nem waubarm paar am dʉi maagjerrta, jãgwi maach gaaijã irua mas deeba abarju, mʉg maach peerdʉajem iek ag khãai wajapcha sim jaau nʉmta sĩi ũrbamjo abarm paar. ¿Mʉg maach peerdʉajem iek warrjã ich maach Por Cristoouchata nacha jaaubajĩ? Magtarrta ich dʉicha wenʉrrawi ũrtarr khʉʉnaujã amachdeu oowai chadcharam iek aawai jũrr maachig jaauwi maadeujã khaphʉ naabá.