San Juan 8:20 - Wounaan Meu

²⁰ Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.

Woun Meu

²⁰ Jesuu mag hiek'amarr, Haai hi jëeujem deg ofrenda p'ëwi hag hãk'aajem haigta mag hiek'amajim, hichpai jaau simua. Pari hagt'a hi pʌr hauju hed k'aba harr haawai mag hichpai jaau sĩerr gaaimua hi pʌr haum hig narrjã hãbmuajã hi pʌr haubajim.

San Juan 8:20 Iomraidhean Croise

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Mateo 27:6

Mag barpʉabajeewai phadnaan chi pornaanau chi phatkhon phe auwi, —Mʉg phatkhon õor thõoju paarta phagtarr aawai pod maadeu ofrenda ee ausĩubamgui ajierram anʉm.

San Marcos 12:41

Biek ãb Jesús Ẽwandamag jeeujem deg am phatkhon phiejem khĩirphee oo sĩejim aajem. Mag oo simua jũrr bee thʉnʉm khʉʉnau ag ee phatkhon pʉapʉi ereu dich thʉnʉmta eerpa oo sĩejim anaabá. Irua oowai riknaanaun phatkhon pom dee naajim anʉm.

San Marcos 12:43

Mag khoopaa ʉʉyau phatkhon bʉ̃rʉʉ wai kherarrdam thum deebarm oowia Jesuu ich khapeen ich aig thʉ̃rkha auwia, —Keena, mua pãrag jaaukhimgui ajim anʉm. Jãg khoopaa ʉʉi dau aphʉʉ khitʉmua phatkhon bʉ̃rʉʉ deejieb mamʉ, Ẽwandam dakhĩiran tagam khʉʉn khãaijã ʉ̃rʉʉchata deebarmgui ajim anʉm.

San Lucas 20:19

Irua mag uvado thʉa narr khʉʉn khaibag sĩsid arr jaau sim gaaimua, phadnaan chi porkha nʉm khʉʉnau chi machnaan dʉimua khaug athajierram aajem, Jesuu amachta jaau sim. Magbaawai ag bʉrre i pʉr aum igphobaadejim aajem. Mamʉ mag i pʉr athaawai phobor eem khʉʉnau jũrr amachta khaigbaju khĩirjuwia i dichbajierram aajem.

San Lucas 21:1

Mag jaau dichwia ich Jesuu Ẽwandamag jeeujem deg jup oo simua eerpa oo sĩejim aajem, riknaan bee thʉnʉm khʉʉnau jũrram khʉʉnau amach ofrenda chi phatkhon phiejem ee pʉapʉpʉikham.

San Juan 10:39

Pari ich Jesuu magbaawai ũwaai i pʉr auju ẽkhajierram. Pari ich pʉr aupiba, ʉu peerdʉ kheerbaadejim.

San Juan 2:4

Magbaa chi chaairau irig, —¿Pua khanthee mʉrʉg mag sĩ? Mʉch nem wau chitʉm gaaimua agtha õrag mʉch khaugpiju ora khaba sĩebahab ajim ich ãdag.

San Juan 7:14

Pari jũrram khʉʉnau mamagkham ee, mag nʉm dʉi ĩchab chi phiestajã seman jãrr pamam eeta barwia, Aai i jeeujem deg dubwia, õrag Ẽwandam iek jaau sĩeimajim.

San Juan 7:30

Amachig magbapäaiwai warag i pʉr auju khĩirjujierram. Pari agtha Ẽwandamau i pʉr aupiju ora khaba arr aawai ni ãbmuajã i pʉr auba, sĩi ich magpai sĩujierram.

San Juan 7:44

Ãaur khʉʉnaun ich Jesuuta warag preso pʉr arraag ẽkha naajim, pari mag nʉmta ãbmuajã i pʉr auba sĩi sĩujierram.

San Juan 7:8

Magnaa amag, Pãachta pãach phiesta ee wetjurauma ajim. Mamʉ agtha mʉch maju ora khaba aawai mʉʉgwaiwe chan mʉ mabamgui ajim ich eeugpeenag.

San Juan 8:2

Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.

San Juan 8:59

Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.