San Juan 7:48 - Wounaan Meu

⁴⁸ Maach meeun judionaan chi pornaanaun khaphʉnaa maach chi fariseonaanaujã khaphʉ nʉmgui ajierram aajem, jãg woun chan Ẽwandamau pʉiju jaaujerr Mesías khaba sim.

Woun Meu

⁴⁸ Maach meeun judionaan chi pörnaanaun k'ap'ʌnaa maach chi fariseonaanaujã k'ap'ʌ nʌmgui hajierram haajem, jãg woun chan Hẽwandamau pʌ̈iju jaaujerr Mesías k'aba sim.

San Juan 7:48 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Lucas 23:13

Deeu Erodeeu Jesús ich aar deebapäaiwai Pilatoou thumaam khʉʉn ãbam aig thʉ̃rkha aujim aajem: phadnaan chi porkha nʉm khʉʉn, judionaan chi thethem khʉʉn maimua chi phoborpienjã agjo.

San Juan 12:42

Mag judionaan thumaam khʉʉnau chan Jesús iek ʉkhabajierrab mamʉ, ãaur khʉʉnaun ʉu i iek ʉkhajierram; chi ʉkha narr khʉʉn ee chi thierrnaanpa thʉnaajim. Pari mag ʉkha nʉmta chi fariseonaanau, tag amach culto ee dubpimaaugau amach jʉr werppʉiju ogkhawia, amach khaugpiba aajeejim.

San Juan 3:1

Woun ãb sĩejim, Moiseeu Ẽwandam iek phã pʉatarr wajapcha ʉʉrkhaajem khʉʉn eem, Nicodemo a thʉ̃r sĩerr. Maan judionaan eem chi thethem ajim ĩchab.

San Juan 7:26

¿Jãga jãg õor pom thʉnʉm dakhĩir amachigcha mag iekhamamjã bʉ̃ʉrjã i chig aba nʉmma? ¿Wa ya chi thethecharam khʉʉnaujã, “Jãata chadcha warrgarwe ich Ẽwandamaucha pʉiju jaaujerr” a nʉwa? aajeejim.

San Juan 7:49

Sĩi phobor ee parhoobam khʉʉnaun chadcha arpii naama. ¿Pari khani jãkhʉʉnau Moiseeu phã pʉarr ley khap nʉ? Jãkhʉʉn Ẽwandamau igbaju khʉʉn aawai sĩi chi maldisiem khʉʉn khabahab ajierram anʉm.

San Juan 7:50

Magbaawaita tagam khʉʉnau mag nʉm ee, ag na biek ãb edaar ich Jesús dʉi iyʉʉ athurtarr ag fariseo Nicodemo aajerrau ich khapeen ijũrr magjim anʉm:

Hechos 6:7

Magtarr aigmua warag Ẽwandam iek aaidʉmam dʉi ĩchab chi ʉkha durrum khʉʉnjã Jerusalén phobor ee waragta khapaana paaukhamajim aajem. Mag amau jaau durrum ũrwia judionaan eem phadnaanjã khapan ĩchab Ẽwandam iek gar theerbagkha majierram aajem.

1 Corintios 1:20

Magtarr aawai khan wajaug sĩ ar amachta chi khaphʉm khaphʉm aajem khʉʉn khĩirjug wa chi machnaan khĩirjug khãijã, maimua khan wajaug sĩ ar sĩi amach khĩirjug jawaag sĩi parhoobam nem ig iyʉʉ nʉmua amach khapeen khĩupaa sĩsiu aajem khʉʉn khĩirjug. Mʉg jẽb gaai õor khĩirjug khaug sĩsidʉm khʉʉn khĩirjug Ẽwandamau ichdeu õor peerdʉ aaujem iek dʉi oowain, sĩi bʉ̃ʉrjã serbiibamjota sĩsidʉm, mʉgʉm khĩirjugau i aar õor barpieg irig chan bʉ̃ʉrjã maadeu nem igba sĩsid aawai.

1 Corintios 2:8

Ich Ẽwandamau mag Cristo gaaimua õor ich aar auju ayaa apiju a sim chan sĩi mʉg jẽb gaaim thethemnaanau pod khĩirju aubajierram. Amau magʉm khaphʉ arr akhiin, maach Por Jesucristo ʉ̃gtharmua beetarrta amach paarmua pakuls gaai jãg i meerphe thõopibakham.