San Juan 7:37 - Wounaan Meu

³⁷ Ya ãbmiecha chi phiesta o nʉm edta chi wajapcharam ajim. Mag ed Jesuu dʉnʉʉunaa thet iekhamamua õrag, —Ãb khãijã obisi sim khai, mua wai chirʉm do khĩirta dobá ajim.

Woun Meu

³⁷ Ya hãbmiecha chi p'iesta hö nʌm hedta chi wajapcharam hajim. Mag hed Jesuu dʌnʌʌunaa t'et hiek'amamua hõrag, —Hãb k'ãijã höbisi sim k'ai, mua wai chirʌm dö k'ĩirta döbá hajim.

San Juan 7:37 Iomraidhean Croise

San Mateo 11:28

Magua, muan pãragan, chadcha mʉ Aai khap am khõsi nʉm khai, mʉ iekta ʉkhabat a chirʉmgui ajim anʉm. Pãach pekau pomag khaphʉnaa okhĩirjugau gaai machaaga nʉm khʉʉn, mʉʉta pãrau pãach thãar ee aumʉn, muata pãar okhĩirjug meeupijugui ajim anʉm.

San Mateo 3:3

Mamʉ maan Juanau mag jaau nʉrraju igwiata chi Ẽwandam i jaaumie Isaías khararrau Ẽwandam iek phãawaijã mag phãjiebma: “Woun ãb ajappai õor barba aajem aar sĩejemuata, ich aar õor barbaimaawai, ‘Maach Poron ya beeimʉʉ sim’ a jaau nʉrraju. ‘I beeju nawe pãach thãar khĩir khaugbat’ aju, ‘thãraucha khõsi i iek ʉkhaag’ ” a phã sim. (Is. 40:3)

San Mateo 5:6

’Pãar ar Ẽwandamau waupim khõsim nem wawaagta jãsog thʉnʉmjonaa obichag thʉnʉmjo nʉm khʉʉn, onee abat ajim anʉm, mag nem wajapha waum khõchkha nʉm khʉʉn juagta Ẽwandamau dʉi oojeewai.

San Juan 1:23

Magbaawai Juanau amag magjim: —Mʉʉn warrgar Ẽwandam i jaaumie Isaías khararrau jaautarrjo, ajappai õor barba aajem aar chiraajemʉugui ajim. Mʉʉn sĩi, “Maach Por beeimʉʉ sĩewai i beeju nawe pãach thãar khĩir khaugbat thãraucha khõsi i iek ʉkhaag” a jaaujemʉugui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 4:10

Magbaawai jũrr Jesuu irig, —Ẽwandamau pʉch athee nem deeg wai sim khaphʉnaa khaíuta pʉchig do jeeu simjã khaphʉ akhiin, pʉch garmuata pua mʉrʉg do jeeukhamgui ajim anʉm. Magbaawai mua pʉrʉg õor iiupiejem doota deekhamgui ajim anʉm.

San Juan 4:11

Ichig magbaawai jũrr chi ʉʉi garmua, —Señor, pari pua chi joi aujujã chukhu sim, mʉg pos jã naug sim eem pua pod joi aubamgui ajim anʉm. ¿Jamaam do mag maach iiupiejem anʉm mʉrʉg deeg agá?

San Juan 4:14

Pari mua dee chirʉm do khĩirta do nʉm khʉʉn chan bʉ̃ʉrjã obichag chukhu ich mag wenʉrraju. Mag amachdeu dobarmpaita am mor ee ich mag khumdʉ ober sĩsimjo sĩejugui ajim aajem, ich mag Ẽwandam denkha nʉisieg.

San Juan 5:40

bʉ̃ʉrjã mʉ igba nʉmgui ajim, ich mag iiu wenʉrram khõsi nʉm anʉmta.

San Juan 6:35

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:55

Mua mag chirʉmʉn, mʉ modouta mʉ bag ãrbarm dʉimua chadcha õor iiupi auju aawaita mag chirʉmgui ajim.

San Juan 7:28

Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

1 Corintios 10:21

Magua Pod Santa Cena kha nʉm aig Cristo jarr eem donaa jũrr meperag jeeu nʉm khʉʉnau do nʉm jarr eejã doju khaba nʉm. Pod maach Por Jesucristo mes gaaim pan khonaa agjo dosãt mes gayamjã au khoju khaba nʉm.

1 Corintios 10:4

Maimua thumaam khʉʉnau ĩchab ich Ẽwandam jua dojã dojierram. Mag amau do dotarr Cristoou amag dee sim ajim, mag do chukag ee wenʉrrʉmjã mokdau eem doou am obichag meeupieg ichta am dʉi sĩerr aawai. Mag mok eemua amag do deewia am wenʉrrʉmpierr am dʉi sĩejeejim, amau nem ig nʉm deeg.

1 Corintios 11:25

Maimua ĩchab ya mag thach kho aaipabaadeewai, chi jarrdamjã jua ee auwia agjo amag, “Mʉg jarr eem vinodam dobarmta warrgarwe Ẽwandamau õor dʉi iek deeju aajerrau; mamʉ mʉg iekhan iek iiuriugui” ajim anʉm. “Mʉ bag mʉg vinojo ãrbarmuata Ẽwandamau, ĩsmua atagan chadau pãar peerdʉ wenʉrraju aai nʉm a jaau simgui” ajim anʉm. “Pãachdeu mʉg khanaa do nʉmpierr mʉ pãach kõit dau aphʉʉ arr khĩirjunaata dobat” a jaaujim aajem ĩchab ich Cristoou.

1 Corintios 12:13

Judionaan wa judionaan khabam khʉʉn, sĩi chikham chognaan wa amach cuenta nʉrrjeem khʉʉnpa maachin thum ãba ãbam Ẽwandam Akhaar auwiata por choo nʉm, mag i Akhaar athaawai maach thumaam khʉʉnag Cristo mor ãbpai obeer aumkhĩir. Magua mʉg maach khapan thʉnaab mamʉ, ãbam Akhaarpaita wai naawai chadcha maachta Cristo morkha nʉm.

Efesios 5:18

Oob nag dowia okhoppha amiet. Jãgʉmuan warag maachig nem parhoobata waupinaa maach okhoopijuuta ẽkhaajem. Magju khãai Ẽwandam Akhaarta pãach gaai phẽsnaa ideu irigta pãachdeu nem waujujã jaaupibat.

Apocalipsis 21:6

Magtarr khur deeu mʉrʉg, —Ya nem thumaa aaipa sĩsimgui ajim. Mʉchpaita nacharam ẽsapdau Ajonaa chi ãbmiecharam Zetajo chitʉm; mʉchta nem thum ompaaju nawe chirajim, mʉg durr owiajã mʉchin ich mag chirsijugui ajim. Chi obisi nʉm khʉʉnag mua sĩi ich jãg par õor iiupiejem do khumdʉ ober sim eem dopiju.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.

Apocalipsis 22:17

Magbaawai Ẽwandam Akharauta chi Cordero ʉʉi dʉimua, “¡Pidú!” anʉm. Maagwai pãar chi ũr nʉm khʉʉnaujã ĩchab, “Jesús, jopcha pidú” abat irig. Maimua Ẽwandam khaugam khõchgau obissi nʉmjo nʉm khai, maach peerdʉajem iek sĩi õor iiupiejem dojo simta sĩi ich jãg per aujã per auba ʉkhabat.