San Juan 7:31 - Wounaan Meu

³¹ Ãaur khʉʉnau i dʉi mag nʉm ee, ãaur khʉʉn khapan aig narr khʉʉnau ʉkha nʉm iekhau, —Daau mag nʉm ich Ẽwandamaucha pʉiju a jaaujerr pierrwaijã, mʉg Jesuu nem wau nʉrrʉm khãaijã ʉ̃rʉʉcha ag na õrau nem ooba aajem waubarju a iekha naajim.

Woun Meu

³¹ Hãaur k'ʌʌnau hi dʌ̈i mag nʌm hee, hãaur k'ʌʌn k'apan haig narr k'ʌʌnau hʌ̈k'a nʌm hiek'au, —Daau mag nʌm hich Hẽwandamaucha pʌ̈iju ha jaaujerr pierrwaijã, mʌg Jesuu nem wau nʌrrʌm k'ãaijã hʌ̃rʌʌcha hag na hõrau nem hooba haajem waubarju ha hiek'a naajim.

San Juan 7:31 Iomraidhean Croise

San Mateo 12:23

Mag oowi õor dauderraa nʉm iekhau amach wir aigpai, “¿Keena, mʉg woun jooi David khararr chaain ewagam khʉʉn eem maach peerdʉ aumkhĩir pʉiju aajerr khabam khai?” aajeejim, Jesús igwia.

San Lucas 8:13

Maagwai mokpor jojoodog ee nemjĩir dau burrmarr, ar maach khapeenau Ẽwandam iek ũurwai onee ʉkhaajem khʉʉnaugui ajim anʉm. Mamʉ thãraucha ʉkha nʉm khaba aawai, nemjĩir dau pod khaar khaba aajemjo khũchpai ʉkhawia iseg pʉajem. Maagwai ʉkha nʉm anʉmta mag iek ajapham gaaimua meperau khaigba aicheewai deeu Ẽwandam iekta isegwia warr amach naajerrjo wenʉrram khõsi nʉmgui ajim anʉm.

San Juan 11:45

Mag Jesuu Lázaro phiriu autarr amach daúacha ootarr gaaimua, judionaan khapan María dʉi beetarr khʉʉnau khaphʉ nʉisijim, chadcha Jesús ich Ẽwandamau pʉitarr. Mag warag i igar nʉisijim.

San Juan 12:42

Mag judionaan thumaam khʉʉnau chan Jesús iek ʉkhabajierrab mamʉ, ãaur khʉʉnaun ʉu i iek ʉkhajierram; chi ʉkha narr khʉʉn ee chi thierrnaanpa thʉnaajim. Pari mag ʉkha nʉmta chi fariseonaanau, tag amach culto ee dubpimaaugau amach jʉr werppʉiju ogkhawia, amach khaugpiba aajeejim.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 4:29

—Mau mʉ daupierr oobahuthʉ̃ ajim anʉm, pos aar woun ãb simua, mua ichigjã jaauba arrta, mua nem waaujem thumaa khaphʉ mʉrʉg jaaubarm. Mua khĩirjuawai, jãata warrgarwe Ẽwandamau pʉiju a jaaujerrjoo simgui aimajim aajem.

San Juan 4:39

Mag chadcha ʉʉi do joyaan khitawia, “Jesuu bʉ̃ʉrjã ichig jaaubamta mua nem waaujem thumaa khaug athajim” a jaaubaimaawai, mag Samaria durr phobordam sĩerr ee õor khapankham khʉʉnauta i iek ʉkha nʉm iekhau, “Magan chadcha ich Ẽwandamaucha pʉiju aajerrau” awia chi Jesús oon beejierram.

San Juan 6:2

Mag i ag khĩirphee petaawai õor pom i ẽudee ereubaadejim, amachdeu mag õor mor masim khʉʉn pooma monaaumamua i jua theeg oojerr aawai.

San Juan 7:26

¿Jãga jãg õor pom thʉnʉm dakhĩir amachigcha mag iekhamamjã bʉ̃ʉrjã i chig aba nʉmma? ¿Wa ya chi thethecharam khʉʉnaujã, “Jãata chadcha warrgarwe ich Ẽwandamaucha pʉiju jaaujerr” a nʉwa? aajeejim.

San Juan 9:16

Irua magbaawai chi fariseonaan ee ãaur khʉʉnau, —Chi pʉ dʉi magtarr woun chan magan Ẽwandamau pʉitarr khabam; maguata mʉg jua ʉ̃ʉijem edjã ʉʉrkhaba simgui ajierram aajem. Pari maagwai jũrr ãaur khʉʉnau, —Pari i Ẽwandamau pʉitarr khaba akhiin, ¿jãga irua jãg Ẽwandam jua theegau õor monaaubarju? Pekau paraam khʉʉnau chan pod i denjo jãgbamgui aajeejim anʉm. Amach magphobaadem gaaimua warag amach eepaijã ihãba iekhaba nʉm iekhau

Hechos 8:13

Magbaawai ĩchab ich Simonaujã dʉi ʉkhawi, ich por choopiwia, warag Felipe kha ogdʉba sĩsijim aajem. Mag i kha ogdʉba nʉrrʉmua Felipeeu õrau ag na mag nem ooba aajerr nempa waumam oowia jũrr ich Simonta dauderraa sĩejeejim aajem.

Santiago 2:26

Ajapcharan jãan mʉgta sim keena. Jãg maach meebaadeewai ya maach gaai tag maach akhaar chukhu aadem aig, ¿maach chi meemkha sĩsiba aajẽ? Ich jãgta sim ĩchab thãraucha Ẽwandam iek ʉkha nʉm anʉmjã. Dichdeu ʉkha chirʉm anʉmjo bigaaum khʉʉndam dʉijã nem ajapha waubam chan, magan maan chi thõmjo simta iiu sim a sim, thãraucha ʉkhaba simta mag ʉkha sim a sĩewai.