San Juan 7:29 - Wounaan Meu

²⁹ Mʉchdeun mua i khaphʉ chirʉmgui ajim, i aar chirawia beetarr aawai. Ichdeuta mʉ pʉijimgui ajim.

Woun Meu

²⁹ Mʌchdëun mua hi k'ap'ʌ chirʌmgui hajim, hi haar chirawia bëetarr haawai. Hichdëuta mʌ pʌ̈ijimgui hajim.

San Juan 7:29 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 13:3

Jesuu khaphʉ sĩejim, ich Ayau ichigta nem thum jaaunaa ʉ̃gtharmua ich pʉitarr aawai deeu i aar maju.

San Juan 17:18

Ich jãg pʉch iekta mʉg durr gayam khʉʉnag jaaumkhĩir pʉchdeu mʉ pʉitarrjo, ich agjo pʉch iek ʉkhaba thʉnʉm khʉʉnag ich ag iek jaaumkhĩirta muajã jũrr am pʉi chirʉmgui ajim.

San Juan 6:46

Mua mag chirʉm chan mag õrau i oojeewai aba chirʉm. Ãba i oowia i khaphʉ simʉn, mʉchta i sim aarmua beetarr aawai mʉchdeupaita i oojemgui ajim.

San Juan 8:55

Mag pãachdeun, iita pãach Ẽwandam anaab mamʉ, pãrau i khaugba nʉmgui ajim. Muan chad i khaphʉ chirʉm. Mua chadcha i khaphʉ chirʉmta i khaugbam akhiin, maiguin mʉʉn seunem pãar dʉi ãbata chirʉm. Pari mua chadcha i khaphʉ chitʉm; magua mua i ipierraata nem waaujemgui ajim.

1 Juan 1:2

Mag ichdeuta õor Ẽwandam aar obeerpiwia ich mag iiupiejemʉn warrgarwejã ich Aai dʉita sĩejeejim; pari magtarrta dau daaucha ich oopien beewia marau maach daúachata i ootarr aawai maachdeu ootarrta jaau nʉm.

1 Juan 4:14

Mag nʉm dʉi ĩchab chi Ayau ich Iewaag õor peerdʉ aumkhĩir pʉitarrjã marau maach daúacha ootarr aawaita mag khaphʉ jaau nʉm, chadcha Ẽwandam maach dʉi khapeerkhaju aai sim õrag khap amkhĩir.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.