San Juan 7:28 - Wounaan Meu

²⁸ Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

Woun Meu

²⁸ Mamʌ jũrram k'ʌʌnau mamagk'am hũrwia mag Haai hi jëeujem deg hichdëu jaau sĩerr haigmua hich Jesuu k'ĩesir hiek'amamua, —Magan pãraun mʌch chi wounjã k'ap'ʌnaa hĩchab mʌ durrjã k'ap'ʌ naabma hajim. Pari mʌ chan pãrau k'ĩirju nʌmjö sĩi mʌch k'ĩrau bëetarr k'abam. Mʌʌn hãb pãrau k'augba naab mamʌ, bʌ̃ʌrjã sëu chuk'u sĩerrʌmuata pʌ̈ijimgui hajim. Ma pãrau k'augba nʌmgui hajim, k'ai hagá.

San Juan 7:28 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 2:23

Galilea durr barwi, sĩi khajapha Nazaret phobordamagta wetwi, mamta naaimajim aajem. Pari mag Nazaret phobor eeta naaimarran, maan Ẽwandamau ich i jaaumienag jaaujerrjo, Jesús Nazaretpierr a thʉ̃rju arr aawai ajima.

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Lucas 2:11

Ĩsta Belén phobor ee chaai thaababarm, warrgarwe õor thumaam khʉʉnau nʉajerr Chaai. Mʉg chaairauta mʉg atag õor peerdʉ aujugui ajim anʉm. Ichta Cristoou maach Por.

San Lucas 2:39

Maimua Ẽwandamau ich iek Moiseeg phãpitarr gaai jaau sim ipierraa thum wau dichdimaawai deeu amach Nazaret phoborog beejierram aajem, Galilea durr.

San Lucas 2:4

Magua Josejã ĩchab ich jooin phobor ee majim aajem, ich thʉ̃r phãmkhĩir. Ich José Galilea durr joobaajeejim anʉm, phobor Nazaret anʉm ee. Mamʉ jooingarm rey David khakhitarr ag chaain ewagam khʉʉn den arr aawai chi David thaabatarr phobor Belén anʉmʉgta majim anaabá, Judea durr.

San Lucas 2:51

Maimua ich dennaan dʉi oberwia ãba amach phobor Nazareeg wetjim aajem. Maimua ewag pawiajã ich dennaan ipierraa ich mag khitajim anaabá. Mamʉ ich chaairau mamagkhamjã Mariaau ich thãar eepain thum khapphʉ aajeejim anʉm.

San Juan 1:46

Magbaawai chi Natanaelau Felipeeg, —Ʉ̃khabamgui ajim anʉm. ¿Khaíu pʉrʉg jaauwai mag Nazaret phobor eemuata õor chi thethemkha oberju a jaaujĩ? ajim anʉm. Mamʉ magbaawai chi Felipeeu, —Magan oobahur ajim anʉm, khap aag.

San Juan 10:36

Ich Ẽwandamauta ich aarmua mʉ jʉr auwia mʉg jẽb gaai pʉitarrta, ¿jãga pãrau mʉrʉg mag mua khaigba iekha chirʉm abarju, mua Ẽwandamag Aai icheewai?

San Juan 12:49

Chi mʉ iek iseg nʉm khʉʉnaun khaphʉ aju aai nʉmgui ajim, sĩi mʉch khĩrauta mʉch iekham aig iekhaba chitʉm. Mʉ Ayauta mʉ pʉitarr aawai, ichdeuta mua iekhamajujã jajawag maawai, ich agpierrpaita jaau chitʉmgui ajim.

San Juan 14:10

Magnaa chi Felipeeg, ¿Pua ʉkhabata sĩ ajim, mua mag mʉ mʉch Aai dʉi chiraawai mʉ Aaijã mʉ dʉi sim a chirʉm? Maguata mua nem jaau chitʉm chan sĩi mʉch ipaita jaau chitʉm khabam. Mua nem wau chitʉmjã mʉchdeuta mag wau chitʉm aju khabam; ajapcharan ich mʉ Aai mag mʉ dʉi sĩejemuata waaujemgui ajim.

San Juan 14:31

Pari ichiita ich mag ʉdʉraa mʉch thõopiju aai chirʉmgui ajim, mʉch iek ʉkha nʉm khʉʉnau mua chadcha mʉch Aai khõsi chitaawai ichdeu mʉchig jaautarrpierrta wau chitʉm khap amkhĩir. Mag iekhapʉiwia warag, —Maachta mʉigmua wettarraugui ajim.

San Juan 16:3

Mag amau pãar dau aug wau nʉmʉn, agtha bʉ̃ʉrjã mʉ Aai khaugba ni mʉjã khaugba aawaiu.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 3:2

Mag wounau edaar Jesús aig beewia irig, —Maestro, marau khaphʉ nʉmgui ajim, chadcha Ẽwandamauta pʉ pʉijim, ich iek marag jaaumkhĩir. Í pʉ dʉi sĩewai merag chukhu simgui ajim, jãg ag na õrau nem ooba aajempa pʉchdeu wau sim gaaimua. Magba aawai ni ãbmuajã jãg pua nem wau simjo wauba nʉmgui ajim. Magua mʉ pʉ aigta beejimgui ajim, Ẽwandam chi Porkha sim aar jãga mʉ i dʉi chirsiju mʉchig khap jaaumkhĩir.

San Juan 3:33

Pari ar ʉu i iek ʉkha durrum khʉʉnaun mag ʉkha nʉmua, “Ẽwandamaun chadchata iekha sĩerrʉm” anʉm khabahab ajim anʉm, Jesús igwia i Iewaa a iekhaawai.

San Juan 5:32

Pari ãb simgui ajim, ma mʉ Ayau. Iruata mʉ kõit chadcha nem agcha jaaujem. Mua khaphʉ chirʉmgui ajim, mag irua nem jaau sim chadcharau.

San Juan 5:43

Mʉʉn ich mʉ Aai iekhau pʉiwiata mʉg chitʉm; pari magʉmjã mua mag jaauwai pãrau mʉ iek ʉkhaba nʉmgui ajim. Mamʉ jũrr ãb sĩi ich khĩraupai beewiata pãrag magchekhiin, mag iekhan chadau pãrau ʉkhajugui ajim.

San Juan 6:42

Mag sereu phobaadewi amach eepai, —Keena, pari ¿chamʉg Jesús maachdeu oo bãautarr khabá anaajim, José iewaa? Mag simta ¿jãga mag iita ʉ̃gtharmua beetarr abarju? Magan maadeuta i dennaan khaugba naab, i mag iekha chirʉm anaajim.

San Juan 7:14

Pari jũrram khʉʉnau mamagkham ee, mag nʉm dʉi ĩchab chi phiestajã seman jãrr pamam eeta barwia, Aai i jeeujem deg dubwia, õrag Ẽwandam iek jaau sĩeimajim.

San Juan 8:14

Magbaawai Jesuu amag magjim: —Muan mʉchdeupaita mʉch jaau chirab mamʉ, mua nem jaau chirʉmʉn chadcha balee simgui ajim. ¿Khan jãgwi mag chirʉ́? Mua mʉch beetarr khaphʉnaa mʉigmua petaau mʉch chiraimajujã mua khaphʉ chiraawaita mag chirʉmgui ajim. Pari pãach iekhõoin pãachdeun chad mʉ khaugba nʉmta mag mʉ jaau naabma ajim jũrr amag.

San Juan 8:16

Muata õor jaau chirakhiin, sĩi mʉch appaimuata jaau chirʉm khaba aawai muan chadcha nem agchata jaaujugui ajim, ich mʉ pʉitarrauta mʉ ipierr jaau sĩewai; ajapcharan ich mʉ Ayauma.

San Juan 8:19

Magbaawai chi fariseonaanau, —Magan ¿jam sĩ pʉ aai? ajierram irig. Magbaawai Jesuu, —Pãrau chan mʉjã khaugba, ni mʉ Aaijã khaugba nʉmgui ajim. Pãrau mʉ oo naawai mʉ khaphʉ naakhiin, ĩchab mʉ Aaijã khaphʉ naakhamgui ajim, i jãga sĩerrʉ́.

San Juan 8:26

Mʉch garmuan mua pãar jaauju akhiin, jaauju pooma chirʉm. Mamʉ magʉmta jaauba, ãba chi mʉ pʉitarrau jaaupitarrpierrpaita jaau chitʉmgui ajim. Pãrau mʉ iek ʉkhamapha naab mamʉ, mua jaau chirʉmʉn thum chadcharaugui ajim, chi mʉ pʉi simjã chadchata iekhaajeewai.

San Juan 8:42

Magbaawai Jesuu magjim: —Chadcha Ẽwandamta pãar Aai akhiin, pãrau mʉjã daupii wai naakhamgui ajim, ich Ẽwandamau pʉiwiata cha pãar dʉi mag iekha oo chiraawai. Mʉ chan sĩi mʉch khĩrau beetarr khabam; mʉʉn ich Ẽwandamaucha ich aarmua pʉiwiata mʉg chitʉmgui ajim.

San Juan 9:29

Marau khaphʉ nʉmgui ajim anʉm, Moiseegan ich Ẽwandamauchata iekhajim; pari jã chan marau khaugbamgui ajierram aajem, jammuata jãg nʉrraichejim khai.

Hechos 17:23

Mua mag chirʉmʉn, pãar Aai i jeeujem dipierr phʉʉrdʉ chitʉmua oowai, pãar ẽwandamnaan thum thʉ̃r paar sĩsidʉm ee ãb sĩi thʉ̃rjã chukhu khãidu par sim aigta sĩi “Ẽwandam õrau khaugba sĩerrʉm athee” a phã sim ootarr aawaiugui ajim anʉm. Jãg pãrau pãachdeu khaugbamʉg jeeu naabá, ich mapaita muajã pãrag jaau chitabahab ajim anʉm,

Romanos 1:28

Amau amach garmuata Ẽwandam igba naawai ich Ẽwandamaujã amag oobamjo apʉiwia sĩi parhoobam khĩirjug maadeu igmaphamta warag ʉdʉraa amag khĩirjupi sim, magbaawai parhoobam nem wauju khabamta amach khõchagpierr waumkhĩir.

Romanos 3:4

Magju abá. Thumaam khʉʉn nem seunem awiajã ich Ẽwandam chan seu chukhu sĩerraawai ichin iin nem agchata jaaujem. Maach khaibag jawaagjã ich mag sĩerrʉm igwi jooi David khararrau Ẽwandam iek gaai magjim: “Pua õor khaibag jaauwaijã amau, ‘Puan nem agchata jaaubarm’ aju. Chad khabam nem õrau pʉch gaai thʉawaijã pʉchdeuta ganab khaba ganju” a phãjim, “pʉchta agpierraa chitaawai.” (Sal. 51:4)

2 Corintios 1:18

Ẽwandamaujã khaphʉ sim, i dau jam mua pãrag nem mag awia deeu ũwaai mʉchdeupai ich ag iek igwia mag khabam aajẽ. Mua mag nem jaauba chitʉm.

2 Corintios 4:6

Ar mʉg durr ompaa naawaijã sĩi ich iekhaupai khĩchag eemua ararag ompaa autarr ich ag Ẽwandamaupaita ich iekhau maach khĩirjug aardʉ athamjo ajim, magbarmua maach Ẽwandam thumaam khʉʉn khãai wajaug sĩerrʉmta Jesucristo gaaimua khaphʉ nʉisimkhĩir.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

Hebreos 6:18

Magta Ẽwandamau juraanaa õor dʉi iek deejem ũrwi, chadcha i seu chukhu sĩerrʉm khaphʉ nʉm gaaimuata ĩs ewagjã maach peerdʉ aumkhĩir Ẽwandam jʉr nʉm khʉʉnaun khaphʉ aajem, chadcha irua maach peerdʉ auju. Mag gaaimua i aar naaimaju khĩirjugta wai nʉm, ichdeu maach phe auju jaau simjo aju khaphʉ naawai.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.