San Juan 7:18 - Wounaan Meu

¹⁸ Sĩi ar amach khĩirjug eemuapai iekha nʉm khʉʉnan sĩi õrag amach tho iekhamkhĩirta iekhaajerramgui ajim. Pari magba ar sĩi dich chogpʉitarrta wajapha ig iyʉʉ amkhĩir nem jaau nʉm khʉʉnan, chadcha ichdeu jaaupitarr iekta ich agpierrpai jaaujemgui ajim.

Woun Meu

¹⁸ Sĩi har hamach k'ĩirjug heemuapai hiek'a nʌm k'ʌʌnan sĩi hõrag hamach t'ö hiek'amk'ĩirta hiek'aajerramgui hajim. Pari magba har sĩi dich chogpʌ̈itarrta wajap'a hig hiyʌ̈ʌ hamk'ĩir nem jaau nʌm k'ʌʌnan, chadcha hichdëu jaaupitarr hiekta hich hagpierrpai jaaujemgui hajim.

San Juan 7:18 Iomraidhean Croise

San Mateo 6:9

Magju khãai pãachdeu irig jeeuwai mʉgta jeeubat ajim anʉm: “Ẽwandam, pʉʉta maar Aai ʉ̃gthar chiraajemʉu. Pʉch appaita chadcha pekau chukhu chitʉm.

San Juan 11:4

Pari ichig mag jaaubaa sĩi warag, —Jãg khamor machagau chan i meem iek meebamgui ajim. Jãan sĩi jãg khamor machag gaaimua Ẽwandamta thumaam khʉʉn khãaijã ʉ̃rpai sim anaa mʉchjã i Iewaa aawai agjo chirʉm a khap amkhĩirta jãgpijimgui ajim ich Jesuu mag ichig iek jaauchetarrag.

San Juan 12:28

Maimua sĩi ich Ayag, —Tata, muan mʉch gaaimuata sĩi thumaam khʉʉnaujã pʉrʉgta ãba ee apim khõsi chirʉmgui ajim. Pari irua magbaawai ʉ̃gtharmuata woun iekjo, —Ya pʉ gaaimua õrau mʉrʉg ee abarm; pari ichiita warag mʉchig ee apijugui ajim.

San Juan 12:43

Maagjeejieb mamʉ amachdeu mag ʉkha nʉm anʉmjã tagam khʉʉnagjã khaugpimapha narran, Ẽwandamau khõsimjo aju khãyau, sĩi mʉg dich khapeen ãba thʉnʉm khʉʉnagta amach eugar khaigba iekhapimaaugau ajim.

San Juan 5:41

’Mua chan mag pãrag sĩi mʉchig ee amkhĩirta nem wauba chirʉmgui ajim.

San Juan 8:54

Magbaa Jesuu, —Mua mʉchdeupaita mʉch tho iekhakhiin, mua mag mʉch tho chirʉmjã bʉ̃ʉrjã baleeba simgui ajim. Pari chadcha chi mʉ tho iekhanaa mʉchta thumaam khʉʉn khãaijã ʉ̃rpai api simʉn ich mʉ Ayaugui ajim. Wajapcharan ar pãrau i igwia pãar Ẽwandam aajemma, jãguata thumaam khʉʉn khãaijã mʉchta ʉ̃rpai api simgui ajim.

1 Tesalonicenses 2:6

Marau mag sĩi õrau maachigta ee amkhĩirjã jʉrba, ni pãragjã maach igwia maarta tho iyʉʉ abatjã abajim.

1 Pedro 4:11

Ãb khãijã Ẽwandamau ich i jaaujemkhapi sim khai, ich Ẽwandam jua theeg dichig deetarrauta magʉm phidagjã waubá. Nem thum Ẽwandam athee waauwaijã, maach Jesucristo denkha nʉmua mag wau nʉm oowia bigaaum khʉʉnagpa Ẽwandam tho iekhamkhĩirta nem wauju aai nʉm. Pãar Jesucristo denkha naawaita magmʉn ʉucha sim. Ich Jesucristota mʉg atag pawiajã ich mag jua theeg sĩerraju aawai irigta maach thumaam khʉʉnau ee aju aai nʉm.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.