San Juan 7:14 - Wounaan Meu

¹⁴ Pari jũrram khʉʉnau mamagkham ee, mag nʉm dʉi ĩchab chi phiestajã seman jãrr pamam eeta barwia, Aai i jeeujem deg dubwia, õrag Ẽwandam iek jaau sĩeimajim.

Woun Meu

¹⁴ Pari jũrram k'ʌʌnau mamagk'am hee, mag nʌm dʌ̈i hĩchab chi p'iestajã seman jãrr pamam heeta barwia, Haai hi jëeujem deg dubwia, hõrag Hẽwandam hiek jaau sĩeimajim.

San Juan 7:14 Iomraidhean Croise

San Mateo 21:12

Mag barwia Aai i jeeujem deg ooimaawaijã, sĩi merrkau eemjo thʉnʉmta ooimajim. Magbaa mag ag ee Ẽwandamag ofrendakha deeg nem per nʉm khʉʉn dawag jʉrkhʉʉipʉinaa, phatkhon cambienaa dubur per nʉm khʉʉn mesjã jẽkhʉt sĩepʉimajim.

San Mateo 26:55

Mag iekhapʉiwia jũrr ich pʉr awaan beetarr khʉʉnagta, —¿Pãrau oowain mʉʉn sĩi õor nem jĩgkhanaa õor thõomiejota chirab ajim jãg pãrau sĩi mʉ aig jua ee jierrnempan appai beeg athee? Ag na ed eepierr pãrag mua Aai i jeeujem deg Ẽwandam i jaaujeewai bʉ̃ʉrjã pãrau mʉ pʉr aubajierram.

San Lucas 19:47

Magtarr khurjã ed eepierr ich ag Ẽwandamag jeeujem degpai õrag Ẽwandam iek jaaujeejim aajem. Mamʉ chi phadnaan porkha nʉm khʉʉnau chi machnaan dʉimua, phobor eem khʉʉn chi thethemnaan dʉimua meraa i thõopäaig ẽkhaajeejim anaabá.

San Juan 18:20

Magbaawai Jesuu irig, —Mʉʉn thumaam khʉʉn dakhĩirta nem jaau chitaajemgui ajim anʉm: judionaan Ẽwandam iek ũraag ãba biirdʉajem deg, maimua Aai i jeeujem deg thumaam khʉʉn ãba biirdʉajem eejã agjo. Maagjeewai mʉ bʉ̃ʉrjã nem meraa jaautarr chukhu chitʉmgui ajim anʉm.

San Juan 5:14

Maimua ag khur Jesuu ich ag woundamcha Aai i jeeujem deg oobaimaawaita irig, —Ya ʉu pʉ jãg monaau chirsipí, oob tag pekau wau chitam. Eeu magbamʉn jũrr pʉch gaai ag khãai atcha khãijã adukham ajim.

San Juan 7:2

Pari mag i phʉʉr nʉrrʉm ee, judionaan phiesta Las Enramadas anʉm burrju khãai khapan khaba waaur narr aawai,

San Juan 7:28

Mamʉ jũrram khʉʉnau mamagkham ũrwia mag Aai i jeeujem deg ichdeu jaau sĩerr aigmua ich Jesuu khĩesir iekhamamua, —Magan pãraun mʉch chi wounjã khaphʉnaa ĩchab mʉ durrjã khaphʉ naabma ajim. Pari mʉ chan pãrau khĩirju nʉmjo sĩi mʉch khĩrau beetarr khabam. Mʉʉn ãb pãrau khaugba naab mamʉ, bʉ̃ʉrjã seu chukhu sĩerrʉmuata pʉijimgui ajim. Ma pãrau khaugba nʉmgui ajim, khai agá.

San Juan 7:37

Ya ãbmiecha chi phiesta o nʉm edta chi wajapcharam ajim. Mag ed Jesuu dʉnʉʉunaa thet iekhamamua õrag, —Ãb khãijã obisi sim khai, mua wai chirʉm do khĩirta dobá ajim.

San Juan 8:2

Maimua ag noram edpherre deeu beewi Aai i jeeujem deg sĩeichejim. Mag i maig sĩeichem khaug athaawai i aig õor bee thʉnʉisijim. Magbaawai khʉt jupwi Ẽwandam iek jawaagpajim.

San Juan 8:20

Jesuu mag iekhamarr, Aai i jeeujem deg ofrenda phewi ag ãkhaajem aigta mag iekhamajim, ichpai jaau simua. Pari agtha i pʉr auju ed khaba arr aawai mag ichpai jaau sĩerr gaaimua i pʉr aum ig narrjã ãbmuajã i pʉr aubajim.