San Juan 6:9 - Wounaan Meu

⁹ —Ãb mʉig chaaidam simuata pandam cinco wai nʉrrʉmgui ajim, maimua ãwarrdam dau numí. Pari õor pom mʉg wejom, ¿khanii jãgpaimua dʉrr abarju? ajim.

Woun Meu

⁹ —Hãb mʌig chaaidam simuata pandam cinco wai nʌrrʌmgui hajim, maimua hãwarrdam dau numí. Pari hõor pöm mʌg wëjöm, ¿k'anii jãgpaimua dʌ̈rr habarju? hajim.

San Juan 6:9 Iomraidhean Croise

San Mateo 14:17

Magbaawai marau, —Maar khoju chukhu nʉmgui ajim amag deeg. Ãba pandamta cinco wai nʉm dʉi ãwarrdamta dau numpai wai nʉm ajim irig.

San Mateo 16:9

¿Pãrau khĩir ee paba nʉ, mua pandam cincopai narrau ʉʉinjã beerba, chaainjã beerba, emkhooin appai cinco mil jãhogtarr? Maimua ¿thʉbʉt kharr ipiirkha aujĩ chi sobau?

San Marcos 6:38

Magbaa Jesuu amag, —¿Pãrau pandam kharr wai nʉwi? ajim anʉm. Chukhu nʉm khai, õrag jeeu oobat, khaíu phiejãb waibeejĩ ich khoog khãijã, maimua mʉrʉg jaaubat ajim anʉm. Magbaawai chadcha wetwi, õrag jeeu ohoogmamua ãbmua pandam cinco maimua ãwarrdam numí wai sim oobaawai, deeu i aig beewia, ich mag irig jaauchejim aajem.

San Marcos 8:19

ar pandam cincopai narrau mua õor cinco mil narr jãhogtarr? Thumaam khʉʉn kho dichwia imie phobaadeewai, ¿thʉbʉt kharr ipiirkha aujĩ, chi sob? Amachig mag jeeubaa i khapeenau, —Thʉbʉt khapan docen ãb ipiirkha aujimgui ajierram anʉm irig.

San Lucas 9:13

Mamʉ magbaawai Jesuu jũrr amag, —Am pʉiju khãyau, pãachdeuta amag thach deebat ajim anaabá. Magbaawai jũrr amachdeu magjierram anʉm irig: —Maar khoju chukhu nʉm amag deeg; ãba pandamta cinco wai nʉm dʉi ãwarrdamta dau numpai wai nʉm. ¿Jãga õor pom mʉg thʉnʉm marau jãhogbarju? ¿Wa phobor eeta marau khoju per awaan wetjuwa? ajierram anʉm.

San Juan 11:21

Mag beewia ya Jesús dʉi thẽubaicheewai chi Martaau irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim.

San Juan 11:32

Mag beewi, Jesús aig barchewi, i bʉkhʉrr phõbkhanaa irig, —Señor, pʉ mʉig sĩerr akhiin, mʉ ẽphemkhoi mʉg dau aphʉʉ abakhamgui ajim, bĩemamua.

San Juan 21:10

Mag maar ich aig paaukhabaimaawai ich garmua marag, —Jũrr pãach den eem agjo ãaur phe aipidut ajim.

San Juan 21:13

Mag maar thʉ̃rkha auwi, pan aunaa, ichdeucha marag jigpʉiwi, chi ãwarrjã ich agjo jigpʉijim.

San Juan 21:9

Mag do igaau panaa oocheewai ichdeu maar na õt orwia ãwarrta ag ee thʉ wai sĩejim; panjã ĩchab wai sim marau ooimajim.

San Juan 6:11

Maimua Jesuu makhʉʉn pandam ich jua ee phe auwia, Ẽwandamag ʉu ajim anaa, jũrr marag ʉapʉimajim, jũrr õor pom mag ohood wejomʉg jigmamkhĩir. Maimua jũrr chi ãwarrdam paarjã ich agjo Ẽwandamag ʉu ajim anaa agjo jigpijim, amachdeu khom aig khomkhĩir.

San Juan 6:7

Magbaa Felipeeu irig, —Doscientos denarios wai nʉm anaa sĩi pan appai aukhiinjã, agdaujo dau ãhãbdojã dʉrrkhabajugui ajim.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Apocalipsis 6:6

Mag cabaai phʉis sim dʉnʉʉubaicheewai mag jayap ich paar sĩsidʉm eem ãbmua jãdau theega burrju igwi magjim: “Khãai ãb phidkhabarmuata trigo libdam thãrjuppai auju. Mamʉ nemkhau vino dʉi awaag chan phatkhon chukhum” a sĩejim.