San Juan 6:70 - Wounaan Meu

⁷⁰ Simón Pedroou ichig magbaawai Jesuu jũrr, —Chadcha mʉchdeuta mua pãar doce thʉ̃rkha aujimgui ajim, mʉch dʉi ogdʉba wenʉrramkhĩir. Magjieb mamʉ pãar ee ãb meperau por meu simgui ajim.

Woun Meu

⁷⁰ Simón Pedroou hichig magbaawai Jesuu jũrr, —Chadcha mʌchdëuta mua pãar doce t'ʌ̃rk'a haujimgui hajim, mʌch dʌ̈i hogdʌba wënʌrramk'ĩir. Magjieb mamʌ pãar hee hãb meperau pör meu simgui hajim.

San Juan 6:70 Iomraidhean Croise

San Juan 13:18

’Mag pãar onee wenʉrraju a chirʉm chan, pãar thumaam khʉʉn igwiata mag jaauba chirʉmgui ajim, ãb pãar eem cha mʉchdeu jaau chirʉmjo onee khabaju aawai. Mua khaphʉ chirʉmgui ajim, chadcha mʉchdeucha jʉr autarr khʉʉn thãar. Pari ichiita Ẽwandam iek phã sim gaai “Mʉ dʉi ãbam mes gaai thach khoojerraupaita ãsie mʉ khaibag wauju” a phã simjo, chadcha ich ag ee obermkhĩirta mua jãjã jʉr aujimgui ajim.

San Juan 13:2

Amau i magju ed maar i dʉi thum ãba thach kho naajim, ya kheeuraa pamamua. Maagwain Judas Iscarioteen ya meperau por meu thʉnaajim, Jesús oomapha aajem khʉʉnag i pʉr deeg. Chi Judas woun ãb Simón anʉm iewaa ajim.

San Juan 13:21

Marag mag iekhawia warag ichta gaai machaaga aademua, —Chadcha mʉ cha iekha chirʉm iekhau pãar eem khʉʉnau ãbmua wir aig imeraa sĩi chikhamnag mʉ pʉr deejugui ajim.

San Juan 13:27

Mag Jesuu ichig pan omnaa ʉabaawai atham bʉrre mepeer mag chi Judas por ee dubtarrta warag ʉ̃rpabaadejim. Magbaawai Jesuu irig, —Pʉchdeu wauju khĩirju simjo jopai waubá ajim.

San Juan 15:16

Warrjã pãrau pãach garmuata pãach Porkhamkhĩir mʉ jʉr auba mʉch garmuata pãar jʉr autarr aawai, mua pãar pʉi chirʉmgui ajim, wetwia õrag mʉ iek aaidʉ jaaumamua õor mʉch igar paa aumamkhĩir. Pãrau magmʉn, magan mʉ iek gaai thʉwia mʉ Ayag nem jeeuwaijã thum irua deeb khaba deejugui ajim.

San Juan 15:19

Pãraujã am denjo mʉ iek ʉkhaba nʉm akhiin, amau pãar daupii akham, amach igar nʉm khʉʉn dʉi aajemjo. Pari pãar am eemua mua mʉch athee jʉr autarr aawai amau pãar oomapha nʉmgui ajim, ya pãar amach dʉi khaba naawai.

San Juan 17:12

Mʉg jẽb gaai mʉchta am kha ogdʉba chitaawain pua mʉrʉg jua theeg deetarrau mua am chig apiba thʉa wai chitajimgui ajim, magamkhĩirta pua amag mʉ iek ʉkhapitarr aawai. Mag am thʉa wai chitaawai ãbjã okhooba, ãba ya ag nawe chi okhoom arr appaita okhoobarmgui ajim. Dau ãb jãgbarmʉn, jãan pʉch iek phã sim gaai jaau simjo ich jãgju arr aawai ajimgui” ajim, Judas igwia.

San Juan 2:2

Mag jua pʉr nʉm ee, ich Jesujã thʉ̃rpʉiwia aig sĩerr aawai i ãdau irigta,

San Juan 20:24

Mag Jesuu marag ich oopiewai maar khapeer Tomás am den irig Meís aajerr maar aig khaba sĩejim.

San Juan 6:64

Pari mua mag jaau chirʉm ee pãar ee ãaur khʉʉnau mʉ iek ʉkhaba thʉnʉmgui a iekhamajim. Jesuu amag mag iekhatarran, warrgarwejã chijã khʉʉnauta i iek chadcha ʉkhaba naaju a khaphʉnaa chijãguata wir aig i oomapham khʉʉnagjã ich pʉr deeju a khaphʉ sĩerr aawaita mag iekhapʉijim.

San Juan 6:67

Mag õor pom ich aigmua ereu thʉnʉm oobaawai maach ichdeucha ich dʉi doce ogdʉba wenʉrramkhĩir thʉ̃rkha autarr khʉʉnagjã, —¿Pãarjã warm khʉʉnjo wetam khõsi nʉwi? ajim marag.

San Juan 6:71

Jesuu mag sĩerran, Simón Iscariote iewaa Judas aajerr igwiata mag sĩejim. Mag Judas chadcha ĩchab ichdeucha maar doce thʉ̃rkha autarr eem ajim. Pari magua i kha ukhurm khʉʉnag ich pʉr deeju khaphʉ sĩerr aawaita mag iekhajim marag.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

Hechos 1:17

Iin maach eem maach dʉi ãba phidkhaajeejimgui ajim anʉm.

Hechos 13:10

—Pʉrʉgan dosãtauta khĩirjug dee simgui ajim anʉm. Maguata jãg seunem sĩi õor khũgurjupai khap sĩerrʉm, bʉ̃ʉrjã nem ajapham khõchkhaba. Jãg maach Por Ẽwandam ichaaur aju khãai, jãg ideu chi ʉkham khõsim khʉʉnag i iek ʉkhapibáma ajim anʉm.

1 Timoteo 3:11

Am ʉʉinjã ĩchab thumaam khʉʉn daar ajaphata wenʉrraju aai nʉm, seunem nem ĩgkhaba, ni nem waauwaijã sĩi don ʉʉinjo parhoob nem wauba. Ĩchab amach jaai appai oonaa, nem waubaademjã opʉiba ich mag werba sĩsiu aju aai khaba nʉm.

Tito 2:3

Ich agjo ũanaanagjã chadcha Ẽwandam iekpai ʉkhanaa irigpai jeeujem khʉʉnjota wenʉrrapi jaaubá, seunem nem ĩgkha nʉrrjee khaba, nag pigjã khaba. Magju khãai amag agpierraata wenʉrrapi jaaubá, chaainpaim khʉʉnau mag oowai amjã ich agjota wenʉrraju aai nʉm a khap amkhĩir.

1 Juan 3:8

pari magba ar pekauta wau nʉm khʉʉnan mepeer den aawaita mag nʉm, ich chi mepeerjã ich warrgarwe ich mag pekau wau sĩerraawai. Wajapcharan ich Ẽwandam Iewaa mʉg jẽb gaai beetarran, mag meperau õor khũgur wai simua pekau ee preso phe wai sĩerrjo narr khʉʉn i jua chaaur weeukhapʉyaanta beejim, tag meperagta maach ʉ̃rpai apimaaugau.