San Juan 6:45 - Wounaan Meu

⁴⁵ Ẽwandam i jaaujerr khʉʉnau ẽsap phã pʉarr gaai jaauwai, ich Ẽwandamauta ich õorkha nʉm khʉʉnag jaaukhamaju a sim, ich iek khaugmamkhĩir. Ichdeucha magtarr aawaita ar thum i iek ũrnaa ʉu i khaugphomam khʉʉnaun mʉjã igjuraugui ajim.

Woun Meu

⁴⁵ Hẽwandam hi jaaujerr k'ʌʌnau hẽsap p'ã pʌarr gaai jaauwai, hich Hẽwandamauta hich hõork'a nʌm k'ʌʌnag jaauk'amaju ha sim, hich hiek k'augmamk'ĩir. Hichdëucha magtarr haawaita har t'um hi hiek hũrnaa hʌ̈u hi k'augp'ömam k'ʌʌnaun mʌjã higjuraugui hajim.

San Juan 6:45 Iomraidhean Croise

San Mateo 11:27

Mag ich Ayag ʉu ajim awia jũrr aig narr khʉʉnagta, —Nem thum mʉg thʉnʉmʉn mʉ Ayau mʉrʉgta deejimgui ajim anʉm. Mamʉ ãbmuajã khaugba sim, khai agá i Iewaa. Ãba ich mʉ Ayaupaita khaphʉ sim, chadcha mʉ i Chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã, mʉchdeu amag jaaubarm khʉʉnaupaita ĩchab khaphʉ aju aai nʉmgui ajim anʉm.

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Marcos 1:2

Warr jooingar Ẽwandam i jaaumie Isaías khararrag Ẽwandamau ich iek phãpiewai ich Chaai pʉijuuta jaaujim anaabá. Pari mag ich Chaai pʉiju na deeum igwia ich Chaairagta magjim anʉm: “Iewaa, mua pʉ na mʉch iek jaaujem pʉiju. Mag wounauta pʉ na pʉ maju ee õrag pʉ barju jajawagmaju, thumaam khʉʉnau pʉ iek ũrm khõsi sĩi pʉ nʉ naamkhĩir” ajim anʉm. (Mal. 3:1)

San Lucas 1:70

ich warrgarwe pʉch i jaaumienau õrag jaaujerrjo.

San Lucas 18:31

Maimua ich dʉi doce ogdʉba wenʉrraajerr khʉʉn chaaur khĩet phe arrwia amag magjim aajem: —Pãrag khap amkhĩir mua warre jaaukhimgui ajim anʉm: Pãrau khaphʉ nʉm, ya maach Jerusalenag wetum. Jerusalén barbaimaawai warrgarwe Ẽwandam i jaaumienau mʉch chi Emkhooi Iewaa igwia phãtarrjo thum ag eyaa oberjugui ajim anʉm.

San Juan 10:27

Chadcha mʉ denkha nʉm khʉʉnaun, jãg ovejanaanau iek gaaipai amach pastor khaug aaujemjo, mʉjã khaphʉ nʉm, mʉ khai agá; maagwai mʉchdeujã mua am khaphʉ chitʉmgui ajim. Mag mʉ khaphʉ naawai mʉʉta am na dʉnʉisimʉn, amachdeujã mʉ ẽudee weetjemgui ajim.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

San Juan 6:65

Maguata mag iekhamamua, —Chadcha ich mʉ Ayauta mua õrag jaau chitʉmjã ʉkhapibam chan, pod ãbmuajã ʉkhabamgui ajim.

Hechos 13:40

Maimua, Khĩir khaphʉ abat ajim aajem, Ẽwandam i jaaumienau ẽsap gaai jaau pʉatarr pãach gaai pam ugua. Mag jaauwi, ich Ẽwandam iek phã simcha jaaubaadejim aajem, chi Pabloou. Mag irua jaautarr mʉg ajim aajem:

Hechos 7:42

Magbaawai Ẽwandamau warran am dʉi sĩerrjã tag amag ooba, warag amachdeu ampierr apibaawai, edaúgjã jeeunaa phĩdagagpa jeeuphobaadejim aajem. Amachdeu ag nawe mag nem parhoobamʉg jeeujerr aawaita ich Ẽwandamaucha amag, “Israelnaan, ¿pãar cuarenta años sĩi õor chukag durr pãach ap aajeewai pãrau nemchaain khechwia mʉrʉgta jeeujeejĩ?” a iekhajim anʉm.

Efesios 1:17

Ʉu pãrau bʉchkhun Ẽwandam khaphʉ naab mamʉ, warag ʉ̃rʉʉchata i khaphʉnaa jãgata Cristo gaaimua pãar athee nem ajapham pom waaujẽ a khap apim khõsi chirʉm. Maguata muan maach Por Jesucristo Ayagta jeeu chiraajem, ajapcharan ich Jooi ʉ̃gthar chiraajemʉgma, pãrag ich khĩirjug deebarmua magʉm khap amkhĩir.

Filipenses 3:15

Maguata pãarjã ar mʉ denjo Ẽwandam iek ajapha khaphʉ nʉm khʉʉnan magta khĩirjuju aai nʉm. Mamʉ ãbmua khãijã pãar ee ich ajaug phewia ya iin thum ajapha chiraawai ich ajaug paapäaig chan tag nem ajapham wauju igba chirʉm amʉn, ich Ẽwandamau ĩchab irig mʉg jẽb gaaiwe chan agtha i thum ajapcha khaba sim a khap apiju.

1 Tesalonicenses 4:9

Mʉg Ẽwandam iek ʉkha nʉm gaaimua khodkha thʉnʉm khʉʉn aphajã warag chikham kha khõsi amkhĩir chan mua tag pãrag bʉ̃ʉrjã jaaupʉibam, ich Ẽwandamauchata ya pãar mag khõsi wenʉrraa khaugpi sĩewai.

Hebreos 10:16

“Nacha mʉchdeu israelnaan dʉi iek deetarrjã amau mʉ ipierraa khabajierrab mamʉ, mua ũwaai am dʉi iek deejugui” ajim anʉm. “Ma mʉgaugui” ajim anʉm ich Ẽwandamau: “Mua am dʉi deeu iek deebarmʉn, warre am khĩirjug eeta sĩuwi am thãar eejã phã sĩubarmjota ajugui” ajim anʉm, “mʉch ipierraa am khõsi amkhĩir.” (Jr. 31:33)

1 Juan 2:27

Pari pãrau ich Ẽwandam Akhaarta pãach thãar ee wai naawai muata pãrag jaauju khaba chirʉm, mag pãar thãar ee simuata ichdeu khap pãrag jaaumaawai. Irua nem jaau sim chan seukhaa khaba chadcharau. Maguata ich chi Ẽwandam Akharau pãachig jaaujemjo Cristo dʉita ogdʉba ich jãg nʉisit.